完整藏文原文 · 德格版页 当前仅加载第 42 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་ཤེས་པ་ག་ལ་ནུས་ཞེས་སྨྲས། །དེ་ལྟར་མི་ཡི་བདག་པོ་ཁྱོད་ཀྱིས་ཀྱང་། །བདག་གི་མཐུ་ནི་ཐུགས་སུ་མ་ཆུད་དེ། །གླིང་བཞི་པ་ཡི་མཆོད་པ་རྣམས་ཀྱིས་ནི། །ཁྱོད་ཀྱིས་བདག་ལ་སླུ་བ་མཛད་པར་བཞེད། །བདག་ནི་ཆོས་ཅན་ཆོས་ཀྱི་རྒྱལ་པོར་འགྱུར། །ཆད་
D60.042.0020a01.01པས་མི་གཅད་མཚོན་ཆས་བདའ་མེད་པར། །སྟོང་གསུམ་འཇིག་རྟེན་ཁམས་འདི་བསྐྱང་བར་བྱ། །འཇིག་རྟེན་འདས་པའི་མཆོད་པ་ཐོབ་པར་འགྱུར། །རྫུ་འཕྲུལ་སྟོབས་བསྒོམས་པ་ཡི་བདག་ཉིད་ཅན། །བཅོམ་ལྡན་འདས་ཀྱིས་སྔོན་ཚིག་སྦྱང་བཞེད་ནས། །དེ་ཕྱིར་
D60.042.0020a02.01འཁོར་ཆེན་པོ་ནི་དེ་དག་དང་། །སེམས་ཅན་རྣམས་ལ་ཐུགས་ཀྱིས་དགོངས་པ་མཛད། །རྒྱལ་པོ་ཟས་གཙང་སེམས་ནི་མགུ་བྱའི་ཕྱིར། །ཐུགས་ཀྱིས་ཡོངས་སུ་བསྐུལ་བ་མཛད་པ་དང་། །འཇིག་རྟེན་གསུམ་པོ་མཐའ་དག་མ་ལུས་པར། །དེ་ཡི་ཚེ་ན་དེར་ནི་འདུས་པར་གྱུར། །རྒྱལ་
D60.042.0020a03.01པོ་འདུན་པར་བྱས་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཀྱིས་དེའི་ཚེ་ལྷ་མ་ཡིན་གྱི་དབང་པོ་ཐགས་ཟངས་རིས་བཅོམ་ལྡན་འདས་ལ་མཆོད་པར་བྱ་བའི་སེམས་ཐོག་མར་སྐྱེ་བར་འགྱུར་བ་དེ་ལྟ་བུའི་མཚན་མ་མཛད་དོ། །དེ་ནས་ལྷ་མ་ཡིན་གྱི་དབང་པོ་ཐགས་ཟངས་རིས་ལྷ་
D60.042.0020a04.01མ་ཡིན་ཁྲག་ཁྲིག་ཕྲག་དྲུག་ཅུ་དང་། ལྷ་མ་ཡིན་གྱི་བུ་མོ་ཁྲག་ཁྲིག་ཕྲག་དྲུག་ཅུ་དང་བཅས་པས་བཅོམ་ལྡན་འདས་ལ་མཆོད་པ་ཐོག་མར་བྱས་ཏེ། དེ་ནས་རྒྱ་མཚོ་ཆེན་པོའི་ནང་ན་རིན་པོ་ཆེའི་རིན་ཐང་ཡོད་པ་དང་། རིན་ཐང་མེད་པ་ཇི་སྙེད་ཅིག་ཡོད་པ་དེ་དག་ཐམས་ཅད་བཅོམ་ལྡན་འདས་ལ་མཆོད་པར་
D60.042.0020a05.01བྱ་བའི་ཕྱིར་ཕུལ་ལོ། །རིན་པོ་ཆེ་གཞན་རྒྱ་མཚོ་ཆེན་པོ་དེ་ན་མེད་པ་དག་ཀྱང་མངོན་པར་སྤྲུལ་པ་བྱས་ཏེ་མཆོད་པར་ཕུལ་ལོ། །རིན་པོ་ཆེ་སྣ་བདུན་གྱི་རང་བཞིན་ཅན་གྱི་ཤིང་རྟ་ཁྲག་ཁྲིག་ཕྲག་དྲུག་ཅུ་ཡང་མངོན་པར་སྤྲུལ་ཏོ། །ཤིང་རྟ་དེ་དག་རེ་རེ་ཞིང་ཡང་རྟ་ཅང་ཤེས་ཁྲག་ཁྲིག་ཕྲག་དྲུག་ཅུ་དྲུག་ཅུ་མངོན་
D60.042.0020a06.01པར་སྤྲུལ་ཏེ། རྟ་དེ་དག་ཀྱང་རིན་པོ་ཆེ་སྣ་བདུན་གྱི་དྲིལ་བུ་གཡེར་ཀའི་དྲ་བ་ཅན་ལ་རྐང་ལག་གི་རྒྱན་གསེར་ལས་བྱས་པ། རིན་པོ་ཆེ་སྣ་བདུན་གྱིས་སྤྲས་པ་དང་ལྡན་པ། རིན་པོ་ཆེ་སྣ་བདུན་ལས་བྱས་པའི་འཕྱར་འདབ་ཅན། གསེར་གྱི་རྒྱན་གྱིས་བརྒྱན་པ་ཤ་སྟག་གོ །རྟ་ཅང་ཤེས་དེ་དག་གི་རྒྱན་དུ་བྱ་
D60.042.0020a07.01