德格《甘珠尔》D60

སྤྱོད་ཅིང་། །རབ་བདེར་འགྲོ་བ་ཡོངས་སྨིན་བྱེད་པར་འགྱུར། །མཚུངས་མེད་ཐོབ་པ་བདེ་བར་མྱུར་དུ་ཡང་། །ཡོངས་སུ་འཚང་རྒྱ་འཆི་མེད་ཐོབ་པར་འགྱུར། །ཐོབ་ནས་འགྲོ་བ་དག་ཀྱང་མོས་པར་འགྱུར། །སྐྱེ་བོ་ཀུན་ཀྱང་གཟུགས་ཀྱི་མཆོག་དང་ལྡན། །འགྲོ་བ་ཐམས་ཅད་བདེ་གཤེགས་དེ་དག་གི །དགོངས་པའི་ཚིག་ནི་མངོན་དུ་ཤེས་པར་འགྱུར། །

ཕྱུགས་དང་བྱ་དང་གནོད་སྦྱིན་མི་དེ་དག །རང་བྱུང་དགོངས་མིན་ཅུང་ཟད་བྱེད་མི་འགྱུར། །དེ་དག་ཀུན་དུ་ཆོས་རྟོགས་དྲན་དང་ལྡན། །བདེ་བར་གཤེགས་རྣམས་འཆི་མེད་འཐོབ་པར་འགྱུར། །དེ་དག་ཚིག་ཐོས་སེམས་ཅན་གང་ཡང་ནི། །བསྟན་པ་དེ་ལ་མི་དགར་འགྱུར་བ་མེད། །བདེ་གཤེགས་དེ་དག་གསུང་ལ་དགའ་བ་ཡི། །འགྲོ་བ་འཆི་མེད་ཡང་དག་

ཐོབ་པར་འགྱུར། །དེ་ཚེ་འགྲོ་བས་རྒྱལ་བའི་དགོངས་ལེགས་རྟོགས། །རྒ་བ་དང་ནི་ན་དང་འཆི་བ་དང་། །མྱ་ངན་སྨྲེ་སྔགས་འདོན་ལས་ཡོངས་སུ་འགྲོལ། །ཚིག་དེ་ཐོས་ནས་ངར་འཛིན་མེད་པར་འགྱུར། །ཀླུ་ཡི་བསམ་པ་ཤཱཀྱ་སེང་གེ་ལ། །ཡོངས་སུ་ཞུས་ནས་ཇི་ལྟར་དེ་དག་རྣམས། །གཞལ་ཡས་བྱང་ཆུབ་ཐོབ་ནས་ཐུབ་རྣམས་ཀྱི། །ཡེ་ཤེས་འཇུག་

འགྱུར་དེ་སྐད་སྲས་ལ་བསྟན། །ཀླུ་རྣམས་ལུང་བསྟན་ཡིད་དུ་འོང་བ་ཡི། །རྒྱལ་བའི་གསུང་ཐོས་འཁོར་རྣམས་ཡིད་དགའ་སྟེ། །དེ་ལ་ཡིད་ནི་རབ་ཏུ་ཞི་གྱུར་ནས། །དགའ་བའི་ཡིད་ཀྱིས་རྒྱལ་བའི་སྐྱབས་སུ་སོང་། །ཀླུ་ལུང་བསྟན་པའི་ལེའུ་སྟེ་བརྒྱད་པའོ།། །།དེ་ནས་གྲུལ་བུམ་བྱེ་བ་ཕྲག་{བཅྭ་,བཅོ་}བརྒྱད་ཀྱི་ལྷ་མ་ཡིན་རྣམས་དང་། ནམ་

མཁའ་ལྡིང་རྣམས་དང་། ཀླུའི་བུ་མོ་རྣམས་དང་། ཀླུ་རྣམས་ཀྱི་མཆོད་པ་ཡང་མཐོང་། ལུང་བསྟན་པ་ཡང་ཐོས་ནས་ཚིམ་ཞིང་མགུ་ལ་ཡི་རངས་ཏེ་རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ནས་ངོ་མཚར་ཐོབ་པར་གྱུར་ཏེ། འདི་ལྟར་དེ་བཞིན་གཤེགས་པ་ལ་ཤེས་རབ་ཀྱི་མངའ་ཆེན་པོ་མངའ་ཞིང་། འདི་ལྟར་བཅོམ་ལྡན་འདས་ལ་

མཆོད་པ་རྒྱ་ཆེན་པོ་འདི་ལྟ་བུ་བྱས་པས་ཀྱང་ངོ་མཚར་དུ་མི་དགོངས་ཏེ། འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་རྒྱ་ཆེ་ཞིང་ཡོངས་སུ་རྒྱས་པ་ཡིན་པས་མཐོ་བའམ་དམའ་བར་མི་འགྱུར་རོ། །དེ་བཞིན་དུ་བཅོམ་ལྡན་འདས་ཀྱང་ཆོས་ཐམས་ཅད་ལ་ཐེ་ཚོམ་མི་མངའ་ཞིང་ཡོན་ཏན་ཐམས་ཅད་ཡོངས་སུ་རྫོགས་ལ། ཐམས་ཅད་མཁྱེན་པའི་ཡེ་

ཤེས་ཡངས་པ་མངའ་བས་མཆོད་པ་འདི་ལྟ་བུ་དག་བཞེས་ཀྱང་མཐོ་བའམ་དམའ་བར་མི་འགྱུར་ཞིང་ངོ་མཚར་དུ་མི་དགོངས་པ་ནི་ངོ་མཚར་ཤིན་དུ་ཆེའོ་སྙམ་མོ། །དེ་ནས་གྲུལ་བུམ་བྱེ་བ་ཕྲག་{བཅྭ་,བཅོ་}བརྒྱད་པོ་དེ་དག་གིས་བདག་ཅག་ཉིད་ཀྱི་མཆོད་པས་བཅོམ་ལྡན་འདས་ལ་མཆོད་པའི་ཕྱིར་རིན་པོ་ཆེ་སྣ་བདུན་གྱི་བླ་རེ་བྱེ་བ་ཕྲག་{བཅྭ་,བཅོ་}བརྒྱད་མངོན་