完整藏文原文 · 德格版页 当前仅加载第 42 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ཀྱི་ཞལ་ནས་འཛུམ་པ་དེ་མཛད་པ། །མཐོང་ནས་ལྷར་བཅས་འཇིག་རྟེན་ཐེ་ཚོམ་འཚལ། །འཛུམ་པའི་རྒྱུ་དེ་གང་ལགས་རང་བྱུང་གསུངས། །ཐེ་ཚོམ་འཚལ་བའི་ཐེ་ཚོམ་བསལ་དུ་གསོལ། །ཁྱོད་ཀྱིས་འཛུམ་མཛད་རྒྱུ་དེ་ཐོས་གྱུར་ན། །འཁོར་འདི་ཐམས་ཅད་ངོ་མཚར་ཐོབ་པར་འགྱུར། །
D60.042.0067b01.01བྱང་ཆུབ་མཆོག་ནི་ཡོངས་སུ་བསྒྲུབ་སླད་དུ། །དེ་དག་ལམ་མཆོག་ཤིན་ཏུ་རྣམ་དག་འགྱུར། །ཐེ་ཚོམ་འཚལ་བ་དག་ནི་ནམ་དུ་ཡང་། །བྱང་ཆུབ་ཡིད་བཞིན་བདེ་བར་མི་འགྲུབ་སྟེ། །ཐེ་ཚོམ་སོམ་ཉི་བསལ་ནས་མཁས་པ་རྣམས། །བྱང་ཆུབ་མཆོག་གི་རྒྱུ་དང་སྐལ་ལྡན་འགྱུར། །རྐང་
D60.042.0067b02.01གཉིས་དབང་པོ་ཁྱོད་ཀྱི་འཁོར་འདི་དག །སྡིག་པ་ཡོངས་སྤངས་བྱང་ཆུབ་སེམས་དང་ལྡན། །ལྷ་རྣམས་ལུང་བསྟན་དེ་དག་ཐོས་གྱུར་ན། །རྒྱལ་བའི་གོ་འཕང་རྒྱ་ཆེན་ཐོབ་པར་འགྱུར། །དེ་བས་རྒྱལ་བས་ཐུགས་རྗེ་ཆེ་བསྐྱེད་ཅིང་། །ཐེ་ཚོམ་འཚལ་བ་རྣམས་ལ་ཐུགས་བརྩེ་བས། །
D60.042.0067b03.01ལྷ་ཚོགས་འདི་དག་ཐམས་ཅད་ལུང་བསྟན་ཅིང་། །འགྲོ་བ་འདི་དག་ཐམས་ཅད་དགའ་བར་མཛོད། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རྟ་ཐུལ་ལ་ཚིགས་སུ་བཅད་དེ་སླར་བཀའ་སྩལ་པ། ངས་ནི་འཇིག་རྟེན་ཕན་ཕྱིར་འཛུམ་པ་མཛད། །རྟ་ཐུལ་ཁྱོད་ཀྱིས་ཞུ་བ་དེ་ཞུས་པ། །
D60.042.0067b04.01ལུང་བསྟན་དེ་ནི་ཁྱོད་ལ་མ་ལུས་པར། །བསྟན་པར་ངས་བྱས་དང་བས་ཀུན་ཀྱང་ཉོན། །འཕྲུལ་དགའི་རིས་ཀྱི་ལྷ་ཚོགས་འདི་རྣམས་ཀྱིས། །ཐམས་ཅད་མཁྱེན་པར་བདག་ཅག་ལུང་བསྟན་ཏེ། །མུ་སྟེགས་ཚོགས་ཀྱིས་བསམ་པ་ཟིལ་མནན་ནས། །འཁོར་འདིར་སེང་གེའི་ང་རོ་ཆེན་པོ་
D60.042.0067b05.01བསྒྲགས། །གནམ་དུ་རྡོ་འཕངས་ས་ལ་ལྟུང་བ་ལྟར། །དེ་ལ་ཐེ་ཚོམ་ཟ་བར་མི་འགྱུར་ཏེ། །དེ་ལྟར་ཐེ་ཚོམ་མེད་པའི་ཚུལ་ཐོབ་པ། །བདག་ཅག་ཉིད་ནི་སྟོབས་བཅུར་འགྱུར་བར་ཤེས། །ཉི་མ་ནུབ་གྱུར་ནམ་སྲོས་གྱུར་པའི་ཚེ། །མི་རྣམས་ཟླ་བ་མྱུར་དུ་འཆར་བར་ཤེས། །དེ་བཞིན་རྒྱལ་
D60.042.0067b06.01བའི་སྲས་པོ་ཚུལ་ཐོབ་དག །བདག་ཅག་ཉིད་ནི་སྟོབས་བཅུར་འགྱུར་བར་ཤེས། །སྐར་ཚོགས་དབུས་ན་ཟླ་བ་གནས་པ་ནི། །སེམས་ཅན་མཚུངས་པར་འདི་ལ་ཐེ་ཚོམ་མེད། །དེ་བཞིན་རྒྱལ་བའི་སྲས་པོ་ཚུལ་ཐོབ་དག །བདག་ཅག་ཐམས་ཅད་མཁྱེན་དུ་འགྱུར་བར་ཤེས། །ཇི་
D60.042.0067b07.01