完整藏文原文 · 德格版页 当前仅加载第 42 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་ཡིད་བཞིན་གྱི་རས་བཅོས་བུའི་བླ་རེས་བྲེས་སོ། །དེ་ནས་བཅོམ་ལྡན་འདས་བར་སྣང་གི་འཆགས་དེ་ནས་བབས་ཏེ། གང་ན་ཁྲི་བཤམས་པ་ལ་བཞུགས་སོ། །རྒྱལ་པོ་ཟས་གཙང་མ་ཡང་འཁོར་དང་བཅས་པས་བཅོམ་ལྡན་འདས་ཀྱི་ཞབས་ལ་མགོ་
D60.042.0019a01.01བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ །འདོད་པ་ན་སྤྱོད་པའི་ལྷ་རྣམས་དང་གཟུགས་ན་སྤྱོད་པའི་ལྷ་རྣམས་ཀྱང་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བར་སྣང་ལ་འཁོད་པར་གྱུར་ཏོ། །འདི་ལ་འདི་ནི་ཆོས་ཉིད་ཡིན་ཏེ་དེ་ལ་འདི་སྐད་ཅེས་བྱའོ། །སེར་སྐྱ་ཞེས་
D60.042.0019a02.01བྱ་གྲོང་ཁྱེར་དམ་པ་ཡི། །ནྱ་གྲོ་དྷ་ཡི་ར་བ་ཉམས་དགའ་བར། །རྒྱལ་པོ་ཟས་གཙང་དེ་དང་གང་གི་ཚེ། །འཇིག་རྟེན་མགོན་པོ་ཕྲད་པ་དེ་ཡི་ཚེ། །སྐྱེ་བོ་མང་པོ་དག་ནི་འདུས་གྱུར་ཏེ། །ལྷ་མ་ཡིན་དང་མཁའ་ལྡིང་དབང་པོ་དང་། །ཀླུ་ཚོགས་རྣམས་དང་དེ་བཞིན་གྲུལ་བུམ་
D60.042.0019a03.01དང་། །དྲི་ཟའི་རྒྱལ་པོ་རྣམས་ཀྱང་འདུས་པར་གྱུར། །དེ་བཞིན་གསང་བའི་བདག་པོ་རྣམས་འདུས་ཏེ། །མིའམ་ཅིའི་ཚོགས་དང་མི་རྣམས་དང་། །དེ་བཞིན་འདོད་པ་དག་ན་སྤྱོད་པའི་ལྷ། །རབ་ཏུ་དགའ་བ་རྣམས་ཀྱང་འདུས་པར་གྱུར། །དེ་བཞིན་གཟུགས་ཀྱི་ཁམས་སུ་གཏོགས་
D60.042.0019a04.01པ་ཡི། །ཚངས་པ་རྣམས་དང་ཚངས་པའི་རིས་རྣམས་དང་། །འོད་གསལ་བ་དང་དགེ་རྒྱས་པ་དག་དང་། །འབྲས་བུ་ཆེ་བར་གཏོགས་དང་གནས་གཙང་འདུས། །དགེ་སྦྱོང་དག་དང་དེ་བཞིན་བྲམ་ཟེ་དང་། །སྤྱོད་པ་ཅན་དང་ཀུན་ཏུ་རྒྱུ་དག་དང་། །གཅེར་བུ་པ་དང་མུ་སྟེགས་གཞན་མང་
D60.042.0019a05.01པོ། །ལོག་ལམ་རྗེས་སུ་འབྲང་བ་རྣམས་ཀྱང་འདུས། །སངས་རྒྱས་ཉིད་ཀྱི་གཟི་བརྗིད་དམ་པ་ཡིས། །རྒྱལ་པོ་ཆེན་པོ་ཟས་གཙང་དེ་ཡི་སེམས། །ཡོངས་སུ་སྨིན་པར་བྱ་བའི་དོན་གྱི་ཕྱིར། །དེ་ཡི་ཚེ་ན་འདུས་པ་ཆེན་པོར་གྱུར། །སྔོན་ཆད་བཅོམ་ལྡན་འདས་ཀྱིས་ལེགས་བཤད་
D60.042.0019a06.01པའི། །ཚིག་གིས་འཁོར་རྣམས་ཡོངས་སུ་ཚིམ་པར་མཛད། །ད་ནི་རྒྱལ་བ་རྒྱལ་པོ་ཟས་གཙང་ལ། །རྒྱལ་བའི་མཐུ་ནི་རབ་ཏུ་བསྟན་པར་བཞེད། །བཅོམ་ལྡན་འདས་ལ་རྒྱལ་པོ་ཟས་གཙང་གིས། །གཞོན་ནུ་ཁྱོད་ནི་ས་བདག་ཆེན་པོ་ཡི། །རྒྱལ་པོར་འགྱུར་ཞེས་མཁས་པས་
D60.042.0019a07.01