完整藏文原文 · 德格版页 当前仅加载第 42 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་སྤྲུལ་ཏེ་སྒྲ་ཕྱུང་ངོ་། །ཀླུའི་མེ་ཏོག་གི་འདུན་ཁང་དེ་ལ་ཡང་མེ་ཏོག་རྣམ་པ་སྣ་ཚོགས་ཀྱི་ལྡ་ལྡི་ཕྱེ་བ་ཕྲག་དགུ་བཅུ་བྲེས་སོ། །རིན་པོ་ཆེ་སྣ་བདུན་གྱི་ཀ་བ་དེ་དག་ཀྱང་བཻ་དཱུརྱའི་དྲ་བས་ལེགས་པར་བརྒྱན་ཏོ། །འདུན་ཁང་དེའི་གཞི་ཡང་རིན་ཐང་མེད་པའི་ནོར་བུ་རིན་པོ་ཆེས་ཡོག་པར་བྱས་པར་གྱུར་
D60.042.0040a01.01ཏོ། །འདུན་ཁང་དེའི་གཞི་ནི་འཇམ་པ་བསྒྱུར་དུ་རུང་བ་སྟེ། འདི་ལྟ་སྟེ། དཔེར་ན་སུམ་ཅུ་རྩ་གསུམ་པའི་ལྷ་རྣམས་ཀྱི་རྡོ་ལེབ་ཨར་མོ་ནིག་ལྟར་འཇམ་པ་ཁ་དོག་བཻ་དཱུརྱ་ལྟར་འདུག་པ། ཀ་ཙ་ལིན་དི་ཀ་ལྟར་རེག་ན་བདེ་བ། ཉམས་དགའ་བ། སེམས་ཅན་མཐོང་བ་རྣམས་ཀྱི་མིག་མྱ་ངན་ལས་འདའ་བར་འགྱུར་བ། མི་
D60.042.0040a02.01དང་ལྷ་རྣམས་ཀྱི་ཡིད་དུ་འོང་བ་ལྟ་བུའོ། །ནོར་བུ་རིན་པོ་ཆེ་སྣ་ཚོགས་དེ་དག་གི་ནང་ནས་ནོར་བུ་ལ་ལ་ལས་ནི་མེ་འབྱུང་། ལ་ལ་ལས་ནི་ཆུ་འབྱུང་བ་ཤ་སྟག་སྟེ། དེ་ལའང་ལ་ལ་ལས་ནི་ཆུ་ཁ་དོག་སྔོན་པོ་འབྱུང་། ལ་ལ་ལས་ནི་ཆུ་ཁ་དོག་སེར་པོ་འབྱུང་། ལ་ལ་ལས་ནི་ཆུ་ཁ་དོག་དམར་པོ་འབྱུང་། ལ་ལ་ལས་ནི་ཆུ་ཁ་དོག་དཀར་
D60.042.0040a03.01པོ་འབྱུང་། ལ་ལ་ལས་ནི་ཆུ་ཁ་དོག་སྣ་ཚོགས་འབྱུང་ངོ་། ནོར་བུ་ལ་ལ་ལས་ནི་བདེ་བར་བསིལ་བའི་རླུང་འབྱུང་། ནོར་བུ་ལ་ལ་ལས་ནི་དེ་མ་ཡིན་པའི་ཡོ་བྱད་གཞན་དག་བསམ་པ་བཞིན་དུ་འབྱུང་། ལ་ལ་ནི་སྣུམ་གྱི་བྱ་བ་བྱེད། ལ་ལ་ནི་མེ་ལོང་གི་བྱ་བ་བྱེད་དེ་འཁོར་དེ་དག་ཐམས་ཅད་ཀྱང་ནོར་བུ་རིན་པོ་ཆེ་དེའི་
D60.042.0040a04.01ནང་དུ་སྣང་བར་གྱུར་ཏོ། །སེར་སྐྱའི་གནས་ན་སེམས་ཅན་གང་ཇི་སྙེད་ཅིག་རྒྱུ་བ་དེ་དག་ཐམས་ཅད་ཀྱང་ནོར་བུ་རིན་པོ་ཆེ་དེ་དག་གི་ནང་དུ་སྣང་བར་གྱུར་ཏེ། ཐམས་ཅད་དང་ལྡན་པའི་འཁོར་གྱིས་བཅོམ་ལྡན་འདས་རྣམ་པར་སྤྲུལ་པའི་ཆོ་འཕྲུལ་དེ་དག་རྣམ་པར་སྤྲུལ་པ་མཛད་པ། ཉན་ཐོས་ཀྱི་དགེ་འདུན་དང་བཅས་པ་
D60.042.0040a05.01ཡང་ནོར་བུ་རིན་པོ་ཆེ་དེ་དག་གི་ནང་ན་བཞུགས་པར་མཐོང་བར་གྱུར་ཏོ། །འདུན་ཁང་གི་གཞི་དེའི་འོག་ནས་ཀྱང་ཀླུའི་མཐུས་གདུགས་རྣམ་པ་སྣ་ཚོགས་མངོན་པར་འཐོན་པར་གྱུར་ཏོ། །རྒྱལ་མཚན་རྣམ་པ་སྣ་ཚོགས་དང་། བ་དན་རྣམ་པ་སྣ་ཚོགས་དང་། མེ་ཏོག་གི་ལྡ་ལྡི་རྣམ་པ་སྣ་ཚོགས་དང་། སྤོས་ཀྱི་ལྡ་ལྡི་རྣམ་པ་སྣ་
D60.042.0040a06.01ཚོགས་དང་། རིན་པོ་ཆེའི་ལྡ་ལྡི་རྣམ་པ་སྣ་ཚོགས་དང་། མུ་ཏིག་གི་ཕྲེང་བ་རྣམ་པ་སྣ་ཚོགས་དང་། མེ་ཏོག་བརྩེགས་མའི་ལྡ་ལྡི་རྣམ་པ་སྣ་ཚོགས་དང་། རྟ་རྣམ་པ་སྣ་ཚོགས་དང་། དྲིལ་བུ་གཡེར་ཀའི་དྲ་བ་རྣམ་པ་སྣ་ཚོགས་ཀྱང་འཐོན་པར་གྱུར་ཏོ། །དེ་ནས་ཀླུའི་རྒྱལ་པོ་དགའ་བོ་དང་། ཉེ་དགའ་ལ་སོགས་པ་ཀླུ་
D60.042.0040a07.01