完整藏文原文 · 德格版页 当前仅加载第 42 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
མ་རྨོངས་བློ་ལྡན་དེ་དག་རང་གི་ཚེ་ཚད་གནས་པར་འགྱུར། །མྱ་ངན་འདས་ལྟར་ལྷ་ཡི་འདོད་པའི་ཡོན་ཏན་མཉམ་ཉིད་ཞི་བར་རྟོགས། །བསམ་གཏན་བསམ་པས་ཚངས་གནས་མ་སྨད་གྲགས་དང་ལྡན་པར་འགྲོ་བར་འགྱུར། །ཚངས་པའི་གནས་སུ་བསམ་གཏན་མཁས་ཤིང་བསམ་གཏན་
D60.042.0039a01.01འབྲས་བུ་སྤྱད་གྱུར་ནས། །དེར་གནས་དཔེ་མེད་གྱུར་ཅིང་བྱང་ཆུབ་ཡིད་ཀྱིས་བསྐལ་པར་གནས་པར་འགྱུར། །དེ་དག་བསྐལ་པར་ཚངས་གནས་འཐུན་པར་ཡེ་ཤེས་དོན་གཉེར་བརྟུལ་ཞུགས་བཟང་། །ཐུབ་པ་མཁས་པ་ཐབས་མཁས་དེ་དག་འཇིག་རྟེན་དོན་ནི་མཐའ་ཡས་བྱེད། །མཁས་ཐུབ་དེ་དག་དེ་ན་བསམ་
D60.042.0039a02.01གཏན་སྤྱོད་ཡུལ་བསམ་གཏན་ཆགས་པ་མེད། །བསམ་གཏན་བདེ་བ་མཉམ་ཉིད་འདྲར་རིག་བྱང་ཆུབ་ཕྱིར་ནི་དབང་པོ་ཞི། །ཀུན་ཏུ་གྲོལ་ཡིད་དྲང་སྲོང་བྱང་ཆུབ་ཕྱིར་ནི་བྱང་ཆུབ་བློ་དང་ལྡན། །མྱ་ངན་འདས་པ་ལྟ་བུར་བསམ་གཏན་བློ་གཅིག་ཞི་བའི་མཚན་ཉིད་འགྱུར། །བདེ་བར་གཤེགས་དང་བཅོམ་ལྡན་སྲས་པོ་
D60.042.0039a03.01བྱང་ཆུབ་ཞི་བ་ཡོངས་ཚོལ་བ། །ཚངས་པའི་ཡིད་ལྡན་འཇིག་རྟེན་དོན་བྱེད་དེ་དག་ཚངས་གནས་དེ་ན་གནས། །ཀུན་ཀྱང་ཚངས་པའི་བློ་ལྡན་མཐར་ཕྱིན་ཤ་སྟག་བྱང་ཆུབ་དོན་གྱི་ཕྱིར། །རང་འབྱུང་དགོངས་པ་ཁམས་གསུམ་ལམ་ལས་འདས་པའི་ངེས་པར་འབྱུང་བ་སྟོན། །ཚངས་པ་ལ་ནི་གུས་པ་བསྐྱེད་ནས་འགྲོ་
D60.042.0039a04.01བ་བྱང་ཆུབ་ཚོལ་བར་འགྱུར། །ཚངས་པའི་བསམ་པ་རང་བྱུང་བསམ་པ་ངེས་འབྱུང་མཐར་ཐུག་ཤེས་ནས་ནི། །བདེ་བར་གཤེགས་ཀྱི་བསྟན་པ་མཆོག་ལ་བརྩོན་པ་དེ་དག་འགྲོ་བ་ལ། །ཅི་ནས་ཆོས་ཚུལ་འབྲས་བུ་མྱུར་དུ་ཤེས་འགྱུར་དེ་ལྟར་ཆོས་ཀྱང་སྟོན། །དེ་དག་ཚངས་གནས་དེ་ན་གནས་ཤིང་འཇིག་རྟེན་
D60.042.0039a05.01དག་ལ་བྱང་ཆུབ་ཕྱིར། །ཕན་པ་བྱས་ནས་སྲོག་ཆགས་བྱེ་བ་ཁྲག་ཁྲིག་མང་པོ་བྱང་ཆུབ་བཀོད། །རྒྱལ་བ་ཀུན་ལ་མཆོད་ཕྱིར་འཇིག་རྟེན་ཁམས་མང་ཁྲག་ཁྲིག་འགྲོ་བར་འགྱུར། །དབང་པོ་ཞི་བ་དེ་དག་བསྐལ་པ་སྐར་མ་འདྲ་ལ་རྒྱལ་བར་འགྱུར། །ལྷ་དང་མི་དང་ཀླུ་དང་འདབ་{བཟངས་,བཟང་}དག་དང་ལྷ་མིན་བཅས་པ་
D60.042.0039a06.01དང་། །དྲི་ཟ་གྲུལ་བུམ་མིའམ་ཅི་ཚོགས་གནོད་སྦྱིན་འགྲོར་བཅས་དགའ་ཞིང་མགུ། །བཅོམ་ལྡན་འདས་ཀྱིས་བྱང་ཆུབ་ཏུ་ནི་ཡོངས་སྦྱངས་ཆོས་ཀྱིས་སྟོབས་རྙེད་པ། །དེ་དག་ཐམས་ཅད་ཡི་རངས་ཐལ་སྦྱར་བདེ་བར་གཤེགས་ལ་མགོས་ཕྱག་འཚལ། །ཀླུའི་བུ་མོ་ལུང་བསྟན་པའི་ལེའུ་སྟེ་བདུན་པའོ།། །།
D60.042.0039a07.01