完整藏文原文 · 德格版页 当前仅加载第 42 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
པ་འཇོམས་ཀྱིས་གསོལ་པ། སྲིད་པ་ཐམས་ཅད་ཡོངས་བཅོམ་སྟེ། །གང་དག་རྟག་ཏུ་དྲན་སྤྱོད་པ། །དེ་དག་རྫོགས་པའི་སངས་རྒྱས་མཆོད། །སྲོག་ཆགས་རྣམས་ལ་ཆོས་ཀྱང་སྟོན། །ལྷའི་བུ་སྲིད་པ་ལས་རབ་ཏུ་གྲོལ་བས་གསོལ་པ། སྲིད་པའི་རྒྱུན་ལས་རབ་ཏུ་
D60.042.0102a01.01གྲོལ། །རྣམ་པར་འདྲེན་པ་སྲིད་པ་རྒལ། །སྲིད་པ་མཐར་འབྱིན་སངས་རྒྱས་ཏེ། །སྲིད་པ་སེལ་ལ་ཕྱག་ཀྱང་འཚལ། །ལྷའི་བུ་སྲིད་པ་རབ་ཏུ་ཞི་བྱེད་ཀྱིས་གསོལ་པ། སྲིད་པར་ཁྲིད་པ་རབ་ཞི་ཞིང་། །སྲིད་པ་ཕམ་པར་མཛད་ནས་གཤེགས། །བརྟེན་པ་སྲིད་པ་མཐར་འབྱིན་
D60.042.0102a02.01པ། །ཁྱོད་ལ་དོ་ཟླ་མ་མཆིས་སོ། །ལྷའི་བུ་སྲིད་པའི་མཐར་འགྲོ་བས་གསོལ་པ། སྲིད་པའི་མཐར་ཕྱིན་རབ་ཞི་བ། །མགོན་པོ་ཁྱོད་ཀྱི་སྲིད་པའི་མཐའ། །སྲིད་པ་ཕྱིར་འབྱིན་ཐམས་ཅད་མཁྱེན། །སངས་རྒྱས་འཇིག་རྟེན་རྟོགས་པར་མཛད། །ལྷའི་བུ་སྲིད་པའི་ཐ་མའི་
D60.042.0102a03.01ལུས་འཛིན་གྱིས་གསོལ་པ། སྲིད་པའི་རྒྱུ་ནི་རྣམ་སྤངས་ནས། །སྲིད་པ་ཐ་མ་འཛིན་མཛད་པ། །གང་གིས་སྲིད་པ་ལེན་འགྱུར་བའི། །ཁྱོད་ཀྱིས་ཀུན་ཏུ་སྦྱོར་བ་མཐོང་། །ལྷའི་བུ་སྲིད་པ་རབ་ཏུ་ཞི་བ་ཐོབ་ཀྱིས་གསོལ་པ། ཁྱོད་ཀྱིས་སྲིད་པ་སྟོང་མཁྱེན་ཏེ། །སྲིད་པའི་
D60.042.0102a04.01རྒྱུ་ཡང་དེ་བཞིན་ནོ། །ཞུམ་དང་རབ་ཏུ་ཞུམ་མི་མངའ། །མཉམ་ཉིད་གྱུར་ལ་ཕྱག་ཀྱང་འཚལ། །ལྷའི་བུ་སྲིད་པའི་ཕ་རོལ་དུ་འགྲོ་བས་གསོལ་པ། སྲིད་པའི་ཕ་རོལ་རྒལ་བ་སྟེ། །སྲིད་པར་ཁྲིད་པ་ཡང་དག་བསལ། །རྣམ་པར་འདྲེན་པ་ཐུགས་བརྩེ་བས། །སྐྱེ་བོ་གཞན་ནི་
D60.042.0102a05.01སྒྲོལ་བ་མཛད།། །།བམ་པོ་བཅུ་པ། ལྷའི་བུ་ཚོར་བས་མནར་གྱིས་གསོལ་པ། ཚོར་བ་བདག་ཏུ་བགྱི་མ་མཆིས། །སེམས་མ་མཆིས་ཤིང་རྩོལ་མ་མཆིས། །བསམ་གཏན་མཛད་པ་ཆེ་ཁྱོད་ཀྱིས། །ཚོར་བ་ཆུ་བུར་ལྟ་བུར་མཁྱེན། །ལྷའི་བུ་
D60.042.0102a06.01ཚོར་བ་སྟོན་པས་གསོལ་པ། ངོ་བོ་ཉིད་ཀྱིས་དངོས་མེད་པར། །ཚོར་བ་ཁྱོད་ཀྱིས་རབ་ཏུ་མཁྱེན། །རྨི་ལམ་སྡུག་གུའི་དགའ་འདྲ་བ། །དེ་ལ་སོ་སོའི་སྐྱེ་བོ་ཆགས། །ལྷའི་བུ་ཚོར་བ་ལ་ཡོངས་སུ་རྟོགས་པས་གསོལ་པ། ཤེས་རབ་བཅས་པས་ཡོངས་བརྟགས་ན། །ཚོར་བ་
D60.042.0102a07.01