完整藏文原文 · 德格版页 当前仅加载第 42 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
མཇལ་བ་ཞེས་བྱ་བ་ཐེག་པ་ཆེན་པོའི་མདོ། བམ་པོ་ལྔ་པ། །དེ་ནས་གནོད་སྦྱིན་བྱེ་བ་ཕྲག་བརྒྱད་ཅུས་ལྷ་མ་ཡིན་རྣམས་ནས་དྲི་ཟའི་བར་དེ་དག་གི་མཆོད་པ་ཡང་མཐོང་། ལུང་བསྟན་པ་ཡང་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་
D60.042.0047a01.01དགའ་བ་དང་། ཡིད་བདེ་བ་སྐྱེས་ནས་བཅོམ་ལྡན་འདས་ཀྱི་ཤེས་རབ་ཀྱི་རྣམ་པ་ལ་རིམ་གྲོ་ཆེན་པོ་བསྐྱེད་དེ་ཆོས་ཉིད་ལ་འཇུག་པ་ཡང་ཐོས་པས་སྟོན་པའི་འདུ་ཤེས་སྐྱེས་པར་གྱུར་ཏོ། །བཅོམ་ལྡན་འདས་ཀྱང་བློ་ཟད་མི་ཤེས་པའི་འདུ་ཤེས་སྐྱེས་པར་གྱུར་ཏེ། དེ་དག་གི་བཅོམ་
D60.042.0047a02.01ལྡན་འདས་བློ་ཟད་མི་ཤེས་པ་ཞེས་བྱ་བར་རིག་ནས་སངས་རྒྱས་ཀྱི་ཆོས་རྣམས་ལ་འདོད་པ་སྐྱེས་པར་གྱུར་ཏོ། །སངས་རྒྱས་ཀྱི་ཆོས་རྣམས་ལ་འདོད་པ་སྐྱེས་པར་གྱུར་ནས་བཅོམ་ལྡན་འདས་ལ་མཆོད་པའི་ཕྱིར་བརྩོན་པར་གྱུར་ཏེ། ཚིགས་སུ་བཅད་པ་དག་གིས་བཅོམ་ལྡན་འདས་ལ་
D60.042.0047a03.01མངོན་པར་བསྟོད་པ། མངོན་ཤེས་སྟོབས་ནི་ཀུན་དུ་མཐའ་ཡས་ཏེ། །རྒྱ་མཚོ་ཆུ་འཛིན་བས་མ་འཚལ་དང་འདྲ། །དེ་བས་མཚུངས་མེད་འཇིག་རྟེན་ཕན་མཛད་པ། །མི་ཡི་སེང་གེ་ཁྱོད་ལ་འདི་ལྟར་བསྟོད། །རི་རབ་སྲང་ལ་གཞལ་བར་ནུས་ཀྱང་གདའ། །གཟི་བརྗིད་ཆེན་པོ་
D60.042.0047a04.01ནམ་མཁའ་གཞལ་རུང་གདའ། །ཤེས་རབ་མཆོག་མངའ་བདེ་གཤེགས་ཡེ་ཤེས་སྟོབས། །ཚད་གཟུང་དཔག་པར་ནུས་པ་ཡོང་མ་མཆིས། །འགྲོ་བ་ཀུན་གྱི་བསམ་པ་ཐུགས་སུ་ཆུད། །སྐྱེ་བོ་དྲང་རུང་མི་རུང་གདུལ་མིན་པ། །དེ་དག་ལས་ཀྱི་རྣམ་པ་མངོན་པར་མཁྱེན། །དེ་
D60.042.0047a05.01བས་མཚུངས་མེད་ཀུན་ཏུ་མཐའ་ཡང་ཡས། །དེ་དག་ཅི་འདྲའི་ཁམས་ལ་བསྟེན་པ་དང་། །དེ་དག་སེམས་རྒྱུད་ཅི་འདྲར་འབྱུང་བ་དང་། །དེ་དག་མོས་པ་ཅི་འདྲ་མ་ལུས་མཁྱེན། །དེ་བས་མཚུངས་མེད་ཀུན་ཏུ་མཐའ་ཡང་ཡས། །འདོད་ཆགས་སྤྱོད་དང་དེ་བཞིན་ཞེ་སྡང་སྤྱོད། །
D60.042.0047a06.01མི་ཡི་གཏི་མུག་སྤྱོད་པ་དེ་བཞིན་མཁྱེན། །ཕྲག་དོག་རྣམ་པའང་དེ་བཞིན་མཁྱེན་པ་སྟེ། །དེ་བས་མཚུངས་མེད་ཀུན་ཏུ་མཐའ་ཡང་ཡས། །འགྲོ་བ་འདི་དག་ལམ་རྒྱུད་གར་འཁྱམས་པ། །དེ་དག་མཚུངས་མེད་ཁྱོད་ཀྱིས་རབ་ཏུ་མཁྱེན། །དེ་ལ་ཡེ་ཤེས་རྒྱུན་ཏུ་རབ་འབྱུང་བས། །དེ་
D60.042.0047a07.01