完整藏文原文 · 德格版页 当前仅加载第 42 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
ཞོན་ཏེ། ལྷའི་རོལ་མོ་སིལ་སྙན་ལེན་ཅིང་ནམ་མཁའ་ལས་རྒྱུ་སྟེ། བཅོམ་ལྡན་འདས་ལ་ལན་སུམ་ཅུ་རྩ་དྲུག་ཏུ་བསྐོར་བ་བྱས་ནས་ལྷའི་ཙན་དན་གྱི་ཕྱེ་མས་བཅོམ་ལྡན་འདས་ལ་གཏོར། མངོན་པར་གཏོར། མངོན་པར་རབ་ཏུ་གཏོར་ཏོ། །ལྷའི་ཨ་ག་རུའི་ཕྱེ་མ་དང་། ལྷའི་ཏ་མ་ལའི་ལོ་མ་
D60.042.0044b01.01དང་། ཨུད་པ་ལའི་ཕྱེ་མ་དང་། ལྷའི་གསེར་ཕྱེ་དང་། ལྷའི་མེ་ཏོག་མཱན་དཱ་ར་བ་དང་། མཱན་དཱ་ར་བ་ཆེན་པོ་དང་། མན་ཛུ་ཥ་ཀ་དང་། མན་ཛུ་ཥ་ཀ་ཆེན་པོ་དང་། པ་རུ་ཥ་ཀ་དང་། པ་རུ་ཥ་ཀ་ཆེན་པོ་དང་། མདོག་དཀར་དང་། མདོག་དཀར་ཆེན་པོ་དག་གིས་བཅོམ་ལྡན་འདས་
D60.042.0044b02.01ལ་གཏོར། མངོན་པར་གཏོར། མངོན་པར་རབ་ཏུ་གཏོར་ཏོ། གསེར་དང་། དངུལ་དང་། བཻ་དཱུརྱ་དང་། ཤེལ་དང་། སྤུག་དང་། མུ་ཏིག་དམར་པོ་དང་། རྡོའི་སྙིང་པོའི་མེ་ཏོག་རྣམས་དང་། སྤྲུལ་པའི་མེ་ཏོག་རྣམས་ཀྱིས་བཅོམ་ལྡན་འདས་ལ་གཏོར། མངོན་པར་གཏོར།
D60.042.0044b03.01མངོན་པར་རབ་ཏུ་གཏོར་ཏོ། །སྤོས་ཀྱི་བླ་རེ་དེ་དག་ལས་སྤོས་ཀྱི་ངད་འབྱུང་སྟེ་འགྲོ་ཞིང་ལྡོག་གོ །ལྷའི་སྤོས་ཆུ་རྣམ་པ་སྣ་ཚོགས་ཀྱི་ཆར་ཡང་སྟེང་གི་བར་སྣང་ལས་མངོན་པར་བབ་བོ། །སྤོས་ཆུའི་ཆར་དེ་མངོན་པར་བབ་པས་ཀྱང་སེར་སྐྱའི་གནས་ཀྱི་གྲོང་ཁྱེར་ཆེན་པོ་ཁོ་ར་ཁོར་ཡུག་ཏུ་དཔག་ཚད་དྲུག་
D60.042.0044b04.01ཅུ་ཚུན་ཆད་སྤོས་ཆུས་རྫབ་ཏུ་གྱུར་ཏེ། སྤོས་ཆུའི་རྫབ་དེའི་དྲིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་རྒྱས་པར་གང་བར་གྱུར་ནས་སེམས་ཅན་གང་དག་གིས་སྤོས་ཀྱི་དྲི་དེ་ཚོར་བར་གྱུར་པ་དང་། རོལ་མོ་སིལ་སྙན་དེ་དག་གི་སྒྲ་ཐོས་པར་གྱུར་པ་དེ་དག་ཐམས་ཅད་ཀྱང་བླ་ན་
D60.042.0044b05.01མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །དེ་ལྟར་དྲི་ཟ་རེ་རེས་ཀྱང་བཅོམ་ལྡན་འདས་ལ་མཆོད་པའི་ཕྱིར་གླང་པོ་ཆེ་ས་སྲུང་གི་བུ་མགོ་བྱེ་བ་ཕྲག་སུམ་ཅུ་རྩ་དྲུག་ལ་ལྷའི་བུ་མོ་གླུ་ལེན་པ་དང་། གར་བྱེད་པ་འཁོད་པ་དག་གིས་མཆོད་དེ་སྐྱེ་བོ་ཐམས་ཅད་ཀྱང་འདུན་
D60.042.0044b06.01པར་བྱས་སོ། །ལྷའི་བུ་མོ་དེ་དག་ལས་ལ་ལ་ནི་ལུས་ཀྱི་ཚུལ་སྒྱུར། ལ་ལ་ནི་ཙན་དན་དང་། ཨ་ག་རུ་དང་། ཏ་མ་ལའི་ལོ་མའི་ཕྱེ་མ་འཐོར་ལ་ལ་ནི་ལྷ་མ་ཡིན་གྱི་ལྷ་རྫས་ཀྱི་ཕྱེ་མ་དང་། སྤོས་རྣམ་པ་སྣ་ཚོགས་ཀྱི་ཕྱེ་མ་འཐོར། ལ་ལ་ནི་མེ་ཏོག་མན་དཱ་ར་བ་དང་། མན་དཱ་ར་བ་
D60.042.0044b07.01