完整藏文原文 · 德格版页 当前仅加载第 42 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་འཇིག་རྟེན་མགོན་པོ་ཡིས། །མི་ཅི་རྣམས་ཀྱི་ལུང་བསྟན་བཤད། །ལུང་བསྟན་དེ་ཐོས་འཁོར་གྱི་རྣམས། །ཀུན་ཀྱང་ཡི་ནི་རངས་པར་གྱུར། །མིའམ་ཅི་ལུང་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་ལྷ་ཕྲེང་ལྡན་
D60.042.0054a01.01གླང་པོ་ཅན་བརྒྱད་ཁྲིས་ལྷ་མ་ཡིན་རྣམས་ནས་མིའམ་ཅིའི་བར་དག་གིས་མཆོད་པ་ཡང་མཐོང་། ལུང་བསྟན་པ་ཡང་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ནས་སངས་རྒྱས་ཀྱི་ཆོས་རྣམས་ལ་མོས་ཤིང་བཅོམ་ལྡན་འདས་
D60.042.0054a02.01ལ་མཆོད་པའི་ཕྱིར་བརྩོན་པར་གྱུར་ཏེ། དེ་དག་གིས་སེར་སྐྱའི་གནས་ཀྱི་གྲོང་ཁྱེར་ཆེན་པོ་ཐམས་ཅད་ཀྱི་ཁོར་ཡུག་ཏུ་དཔག་ཚད་དྲུག་ཅུ་ཚུན་ཆད་མེ་ཏོག་མན་དཱ་ར་བས་པུས་ནུབ་ཙམ་དུ་གང་བར་བྱས་སོ། །དེ་ནས་དེ་དག་གིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཚིགས་
D60.042.0054a03.01སུ་བཅད་པ་དག་གིས་མངོན་པར་བསྟོད་པ། ཞི་བའི་དབང་པོ་འཛུམ་པའི་ཞལ། །སྲོག་ཆགས་ཀུན་ལ་ཐུགས་བརྩེ་བ། །བདེ་བར་གཤེགས་པ་ཐུགས་རྗེ་ཅན། །འཇིག་རྟེན་བདག་པོ་མི་ཡི་སྟག །སངས་རྒྱས་ཆོས་ལ་མོས་པ་ཡི། །འཁོར་འདི་ཇི་སྲིད་འདིར་གནས་པར། །
D60.042.0054a04.01ཞབས་མཆོག་མཛེས་ཤིང་དགའ་ལྡན་པ། །ཐུགས་རྗེ་ཅན་ལ་མགོས་ཕྱག་འཚལ། །ཇི་ལྟར་དགུང་ཟླ་ཉ་བའི་ཚེ། །མི་རྣམས་ཟླ་བ་ཕྱག་འཚལ་བ། །དེ་བཞིན་ལྷ་ཚོགས་འདི་རྣམས་ཀྱང་། །བཅོམ་ལྡན་འདས་ཀྱི་ཞལ་དུ་ལྟ། །དཔག་ཏུ་མེད་པའི་དགེ་སྤྱད་པ། །དཔག་
D60.042.0054a05.01ཡས་ཡེ་ཤེས་ཕུང་པོ་ལྡན། །གཟི་བརྗིད་དཔག་ཡས་ཕུང་པོ་ཅན། །བློ་མཆོག་ཁྱོད་ལ་མགོས་ཕྱག་འཚལ། །སྟོབས་བཅུ་མངའ་ཞིང་དཔལ་སྟུག་པ། །བདེན་བཞི་མི་བསྙེངས་དྲི་གསུམ་སེལ། །རྒྱལ་བའི་{བཅྭ་,བཅོ་}བརྒྱད་ཆོས་དང་ལྡན། །ཐེ་ཚོམ་མི་མངའ་སྨྲ་བའི་མཆོག །སུམ་
D60.042.0054a06.01ཅུ་རྩ་གཉིས་མཚན་མངའ་ཞིང་། །དཔེ་བྱད་བཟང་པོ་བརྒྱད་ཅུ་ལྡན། །དབང་པོའི་རྒྱལ་མཚན་མཚུངས་མེད་ཐུགས། །བདེ་གཤེགས་ཁྱོད་ལ་ཕྱག་འཚལ་ལོ། །ཚུལ་ཁྲིམས་སྟོབས་ཀྱི་མཐར་ཕྱིན་པ། །ཏིང་འཛིན་སྟོབས་གནས་མི་བསྐྱོད་པ། །ཡེ་ཤེས་སྟོབས་ཀྱི་མཚོན་ཆ་
D60.042.0054a07.01