完整藏文原文 · 德格版页 当前仅加载第 42 函德格 59a 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་དུ་སེམས་པར་གྱུར་ཅིང་དེ་དག་གིས་ཆོས་ཐམས་ཅད་སྤྲུལ་པ་དང་འདྲ་བར་ཤེས་ནས་ཆོས་ལ་ཐེ་ཚོམ་མེད་པ་ཐོབ་པར་གྱུར་ཏོ། །དེ་དག་དེ་ལྟར་ཐེ་ཚོམ་མེད་ཅིང་ནེམ་ནུར་མེད་པར་གྱུར་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་
D60.042.0059a01.01འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འཁོད་དོ། །དེ་དག་ཆོས་ཐམས་ཅད་སྤྲུལ་པ་དང་འདྲ་བར་རྟོག་ཅིང་བདག་ཅག་ཀྱང་སྤྲུལ་པ་དང་འདྲ་བར་མཐོང་། མཆོད་པ་དེ་དག་ཀྱང་སྤྲུལ་པ་དང་འདྲ་བར་མཐོང་། བཅོམ་ལྡན་འདས་ཀྱང་སྤྲུལ་པ་དང་འདྲ་བར་
D60.042.0059a02.01མཐོང་ནས་བཅོམ་ལྡན་འདས་ཀྱིས་ཆོས་གང་བསྟན་པ་དེ་དག་ཀྱང་སྤྲུལ་པ་དང་འདྲ་བར་ཡང་དག་པར་ཤེས་ཏེ། དེ་དག་གིས་ཆོས་ཐམས་ཅད་སྤྲུལ་པ་ལྟ་བུའོ་ཞེས་བྱ་བར་ཤེས་ནས་ཐེ་ཚོམ་མེད་ཅིང་ནེམ་ནུར་མེད་པར་གྱུར་ཏེ། དེའི་ཚེ་བཅོམ་ལྡན་འདས་ལ་ཚིགས་སུ་བཅད་པ་དག་གིས་
D60.042.0059a03.01མངོན་པར་བསྟོད་དོ། །འགྲོ་བ་ཀུན་གྱིས་མཆོད་པ་གང་བགྱིས་དང་། །སྤྲུལ་པའི་མཆོད་པ་འདི་དག་གང་བགྱིས་དང་། །ལྷ་རྣམས་ཀྱིས་ནི་སངས་རྒྱས་མཆོད་བྱས་པ། །དེ་ལྟར་ཆོས་འདི་ཐམས་ཅད་སྤྲུལ་པ་ཉིད། །འདྲེན་པས་ཆོས་ཀུན་གསུངས་པ་གང་ལགས་དང་། །དེ་བཞིན་
D60.042.0059a04.01གཤེགས་པས་ལུང་བསྟན་མཐའ་དག་ཀྱང་། །འདི་དག་ཐམས་ཅད་སྤྲུལ་པ་འདྲའོ་ཞེས། །དེ་ལྟར་ལྷ་ཚོགས་དེ་དག་བློ་གྲོས་སྐྱེས། །བཅོམ་ལྡན་སྤྲུལ་པ་འདི་དག་ཇི་བཞིན་དུ། །སྟོན་པའང་དེ་བཞིན་སྤྲུལ་དང་འདྲ་བ་སྟེ། །རྒྱལ་བས་ལུང་བསྟན་བདག་ཅག་འཚལ་གྱུར་པས། །འདི་
D60.042.0059a05.01ལ་བདག་ཅག་ཐེ་ཚོམ་མ་མཆིས་སོ། །རྒྱལ་བས་སོ་སོའི་སྐྱེ་བོ་རྣམས་མཁྱེན་ནས། །བྱིས་པའི་ས་ཐོབ་ཐ་སྙད་གང་བཏགས་པ། །དེ་དག་ཀུན་ཀྱང་སྤྲུལ་པ་ཇི་བཞིན་ཏེ། །བདེ་གཤེགས་འགྲོ་བ་ལུང་བསྟན་དེ་བཞིན་ནོ། །སློབ་པ་རྣམས་དང་གང་དག་མི་སློབ་དང་། །བཅོམ་ལྡན་
D60.042.0059a06.01ཉན་ཐོས་དུལ་བའི་ས་ཐོབ་པ། །དེ་དག་ཀུན་ཀྱང་བཅོམ་ལྡན་སྤྲུལ་དང་འདྲ། །བཅོམ་ལྡན་བསྟན་ལ་ཐེ་ཚོམ་མ་མཆིས་སོ། །བཅོམ་ལྡན་གང་རྣམས་མི་སྨྲ་ལྷུར་ལེན་ཅིང་། །བསེ་རུ་ལྟ་བུར་གཉིས་མེད་ཉོན་མོངས་སྤངས། །དེ་དག་རྣམས་ཀྱང་སྤྲུལ་འདྲ་བཅོམ་ལྡན་འདས། །བདེ་
D60.042.0059a07.01