完整藏文原文 · 德格版页 当前仅加载第 42 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
བ་སྤྱད་ཅིང་ཞི་བའི་ཕ་རོལ་བྱོན། །ཞི་བ་བསྟེན་པར་མཛད་ཅིང་འགྲོ་ལ་ཞི་བ་བསྟེན་པ་རྗེས་སུ་སྟོན། །ཞི་བའི་སྤྱོད་ཡུལ་དགྱེས་ཤིང་བྱང་ཆུབ་ཞི་ལ་དྲི་བྲལ་འཁྲུགས་མ་མཆིས། ཁྱོད་ཀྱིས་འཆི་མེད་ཞི་བ་འགྲོ་རྒྱུད་ཐམས་ཅད་ཟད་པ་མྱུར་དུ་བརྙེས། །ཞི་བ་ཐོབ་པར་བགྱིད་པའི་ཞི་
D60.042.0072b01.01བའི་ལམ་མཆོག་ཞི་བ་ཡང་དག་བསྟེན། །ཡན་ལག་བརྒྱད་པས་ཉོན་མོངས་ཀློང་རྣམས་ཞི་མཛད་འགྲོ་བ་ཐམས་ཅད་བཏོན། །སྔོན་གྱི་རྒྱལ་བས་བསྟེན་པའི་བྱང་ཆུབ་གཞལ་ཡས་ཞི་བ་དེ་ལ་འགོད། །དེ་བསྟེན་སངས་རྒྱས་འཕགས་པས་བསྟེན་པའི་གྲོང་ཁྱེར་ཞི་བར་དེང་ཞེས་གསུང་། །
D60.042.0072b02.01འདྲེན་པ་དེ་ལྟར་འགྲོ་བ་འདི་ལ་རྒྱལ་བས་བསྟེན་པའི་བསླབ་པ་བསྟན། །གལ་ཏེ་བསླབ་པ་དེ་སློབ་འགྲོ་བ་འདི་དག་བྱང་ཆུབ་གཞལ་ཡས་འཐོབ། །བསླབས་ནས་ཞི་ཞིང་ཡིད་ཞི་ཞི་བའི་ལམ་དོང་དབང་པོ་ཞི་བ་དག །འཇིག་རྟེན་མཁས་པ་འགྲོ་བ་ཞི་བྱེད་མཐུ་ཆེན་ཞི་བ་ཤེས་པར་
D60.042.0072b03.01འགྱུར། །འདྲེན་པ་ཁྱོད་ཀྱི་སྲས་མཆོག་ཞི་བ་འགྲོ་བ་ཞི་བགྱིད་གང་དག་གིས། །འཆི་མེད་ཞི་བ་མཚན་མ་ཐམས་ཅད་ཟད་པ་རྣམ་པར་རྟོག་གྱུར་པ། །དེ་དག་འདྲེན་པ་ཚུལ་ལ་མཁས་པ་མཆོད་པ་མཆོག་གིས་མཆོད་པར་འགྱུར། །ཉོན་མོངས་ཞི་ཞིང་མཚན་མ་ཀུན་སྤངས་ཞི་བ་
D60.042.0072b04.01རྟག་ཏུ་སྟོན་པར་འགྱུར། །འགྲོ་བ་ཐམས་ཅད་ཞི་ཞིང་མཚན་མ་བྲལ་བ་དེ་ཉིད་མྱ་ངན་འདས། །ཐུབ་པ་གང་དག་ཞི་ལས་ཞི་འདོད་སེམས་པ་དེ་དག་ཉོན་མོངས་འགྱུར། །རྒྱལ་བ་ཁྱོད་ཀྱི་བྱང་ཆུབ་དང་ནི་འགྲོ་ཀུན་ཆོས་ཀུན་བསམ་མི་ཁྱབ། །ཐུབ་པ་བློ་ལྡན་འདམ་ལས་རྒལ་
D60.042.0072b05.01བ་དེ་ལ་བདག་ཅག་དོགས་མ་མཆིས། །གང་དག་ཕུང་པོ་བོར་ཏེ་བྱང་ཆུབ་ཞི་ཚོལ་དེ་ལ་ཞི་བར་རྟོགས། །ཕུང་པོ་འཇིག་པ་དེ་དག་ཤཱཀྱ་ཐུབ་པའི་བསྟན་ལ་དགའ་མ་ལགས། །དབེན་པའི་བློ་གྲོས་ལྡན་པ་ཞི་ཚོལ་དེ་དག་བློ་འཁྲུགས་གྱུར་པ་སྟེ། །ཆོས་ཀྱི་མཚན་མ་སྤྱོད་ཡུལ་
D60.042.0072b06.01འདི་དག་བྱིས་པ་ཞེས་ནི་སྟོན་པས་གསུངས། །ཐམས་ཅད་མཁྱེན་པས་ཞི་དང་མཚན་མའི་འཆིང་བ་འདི་དག་གསུངས། །ཐུབ་པ་གང་དག་ཕུང་པོ་རྣམས་ལ་རྣམ་པ་ཀུན་ཏུ་མཚན་མི་རྙེད། །དེ་དག་ཤཱཀྱ་ཐུབ་པའི་བསྟན་པ་མཛེས་བྱེད་གང་དག་མཚན་མེད་དགའ། །དེ་དག་བྱང་ཆུབ་སྐྱོན་བྲལ་
D60.042.0072b07.01