完整藏文原文 · 德格版页 当前仅加载第 42 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
གཏན་མངའ་བ་ཁྱོད་ལ་ནི། །ལྷར་བཅས་འཇིག་རྟེན་ཡིད་ཀྱང་དགའ། །ལྷའི་བུ་བློ་གྲོས་ངེས་པས་གསོལ་པ། ཐུབ་པ་པི་བང་སྒྲ་འདྲ་བའི། །ཁྱོད་ཀྱི་དམ་ཆོས་ཐོས་གྱུར་ན། །ལྷ་བུ་རྣམས་ཀྱང་ཐེ་ཚོམ་བོར། །རྒྱལ་བ་མཆོག་ལ་ཕྱག་ཀྱང་འཚལ། །ལྷའི་བུ་
D60.042.0111a01.01སྒྱུ་མས་ཚིམ་གྱིས་གསོལ་པ། སྒྱུ་མའི་མཁན་པོས་སྒྱུ་མ་དག །བྱིས་པ་རྨོངས་བྱེད་ཡོངས་བསྟན་ན། །མི་མཁས་དེ་ལ་རྨོངས་པར་འགྱུར། །སྒྱུ་མ་བཞིན་དུ་ཁྱོད་ཀྱིས་བསྟན། །ལྷའི་བུ་སྤྲུལ་པ་ལ་སེམས་པས་གསོལ་པ། ཇི་ལྟར་རྨི་ལམ་སྒྱུ་མཐོང་བ། །དེ་ལྟར་ཁྱོད་ཀྱིས་
D60.042.0111a02.01འགྲོ་བ་གཟིགས། །མགོན་པོའི་བསྟན་པ་དེ་ཐོས་ན། །བདག་ཅག་ཐེ་ཚོམ་མ་མཆིས་སོ། །ལྷའི་བུ་སྒྱུ་མ་ལས་ངེས་པར་བྱུང་གིས་གསོལ་པ། སྒྱུ་མའི་མཁན་པོས་སྒྱུ་སྤྲུལ་ཀྱང་། །སྒྱུ་མ་ལགས་པར་འཚལ་བས་ན། །དེ་ལ་རྨོངས་པར་འགྱུར་མ་མཆིས། །དེ་བཞིན་ཁྱོད་ཀྱིས་
D60.042.0111a03.01འགྲོ་བ་གཟིགས། །ལྷའི་བུ་རྟོག་པའི་རྗེས་སུ་རྟོག་པས་གསོལ་པ། ཇི་ལྟར་བརྩོན་པས་རྨི་ལམ་ན། །སངས་རྒྱས་སྐུ་གཟུགས་བརྟགས་པ་བཞིན། །དེ་ལྟར་རྟོག་པས་འཇིག་རྟེན་བསྐྱེད། །རྣམ་པར་འདྲེན་པ་ཁྱོད་ཀྱིས་གཟིགས། །ལྷའི་བུ་ཀུན་ཏུ་རྟོག་པ་འཇོམས་ཀྱིས་
D60.042.0111a04.01གསོལ་པ། ཀུན་རྟོག་འདོད་ཆགས་རྒྱུ་ལགས་ཏེ། །འདོད་ཆགས་དངོས་པོས་བསྐྱེད་མ་ལགས། །རྟོག་པ་ངན་ལས་འདོད་ཆགས་བྱུང་། །དེ་ནི་རྣམ་འདྲེན་ཁྱོད་ཀྱིས་གཟིགས། །ལྷའི་བུ་ཡོངས་སུ་ཤེས་པ་དང་ལྡན་པས་གསོལ་པ། རི་སུལ་དག་ན་སྒྲ་བྱུང་བ། །བྲག་ཅ་སེམས་
D60.042.0111a05.01ཅན་སྒྲ་མ་ལགས། །དེ་བཞིན་འཇིག་རྟེན་ཁྱོད་ཀྱིས་གཟིགས། །དེ་སླད་འཇིག་རྟེན་ཆགས་མི་མངའ། །ལྷའི་བུ་སྟོན་པ་ལ་མཁས་པས་གསོལ་པ། སྒྲ་ནི་གང་ཡང་མ་མཆིས་ཏེ། །སྒྲ་ནི་བྲག་ཅ་འདྲ་བ་ལགས། །འོན་ཀྱང་མི་དབང་ཁྱོད་ཀྱིས་བསྟན། །བྱིས་པ་མང་པོ་རབ་ཏུ་
D60.042.0111a06.01བཙུད། །ལྷའི་བུ་ནན་ཏན་ལ་མཁས་པས་གསོལ་པ། །ཆོས་རྣམས་དོན་ནི་གཞན་ལགས་ཀྱང་། །བྱིས་པ་རྣམས་ཀྱིས་གཞན་དུ་བརྟགས། །ནན་ཏན་ཆོས་ལས་ཤེས་པར་བགྱི། །དེ་ལ་བདག་ནི་ཐེ་ཚོམ་ཆད། །ལྷའི་བུ་དོན་གྱི་རྗེས་སུ་འབྲང་བས་གསོལ་པ། ཆོས་དོན་ཡང་དག་
D60.042.0111a07.01