完整藏文原文 · 德格版页 当前仅加载第 42 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
སླད་དུ་ཕུང་པོ་ཞེས་བགྱིའོ། །དཔེར་ན་ཁྱིམ་དང་། ཁང་{བཟངས་,བཟང་}དང་། བསིལ་ཁང་དང་། ཁང་པ་བརྩེགས་པ་དང་། སྐར་ཁུང་ཁོལ་མ་དང་། བ་གམ་དང་། དྲ་བ་དང་། སྟེགས་བུ་དང་། ཁ་ཁྱེར་དང་། སྐར་ཁུང་དང་། རྟ་བབས་དང་། ར་བ་དང་། ཤིང་ཐགས་དང་། འོབས་དང་། ཆོས་མང་པོ་བསགས་པ་ལ།
D60.042.0085b01.01གྲོང་ཁྱེར་ཞེས་བགྱི་བ་བཞིན་དུ་ཕུང་པོ་ཞེས་བགྱི་བ་ཡང་དེ་བཞིན་ཏེ། གཟུགས་དེ་ཡང་ངོ་བོ་ཉིད་ཀྱིས་མི་དམིགས་ན་དེ་ལ་སྤུངས་པ་ལྟ་ག་ལ་མཆིས། སྤུངས་པ་མ་མཆིས་པས་ན་གཟུགས་ཀྱང་མ་མཆིས། གཟུགས་ཀྱི་ཕུང་པོ་ཡང་མ་མཆིས་སོ། །དེ་བཞིན་དུ་ཚོར་བ་དང་། འདུ་ཤེས་དང་།
D60.042.0085b02.01འདུ་བྱེད་དང་། རྣམ་པར་ཤེས་པ་ཡང་རང་བཞིན་གྱིས་དམིགས་སུ་མ་མཆིས་ན་དེ་ལ་སྤུངས་པ་ལྟ་ག་ལ་མཆིས་ཏེ། སྤུངས་པ་མ་མཆིས་པའི་སླད་དུ་རྣམ་པར་ཤེས་པ་ཡང་མ་མཆིས། རྣམ་པར་ཤེས་པའི་ཕུང་པོ་ཡང་མ་མཆིས་སོ། །དེ་ལྟར་ཕུང་པོ་ལ་འཇུག་པས་གཟུངས་ཐོབ་པར་འགྱུར།
D60.042.0085b03.01གཟུངས་ཐོབ་པས་སྤོབས་པ་ཐོབ་པར་འགྱུར་རོ། །དེ་ལ་སྐྱེ་མཆེད་ལ་འཇུག་པས་གཟུངས་ཐོབ་པར་འགྱུར་བ་ནི་མིག་གི་སྐྱེ་མཆེད་ཅེས་བགྱི་བ་ནི་ཅིའི་སྐྱེ་མཆེད་ཅེས་བགྱི་ན། སྡུག་བསྔལ་གྱི་སྐྱེ་མཆེད་དོ། །དེ་ལ་མིག་གང་ཞེ་ན། འབྱུང་བ་ཆེན་པོ་བཞི་དང་བ་སྟེ། སའི་ཁམས་དང་། ཆུའི་ཁམས་དང་།
D60.042.0085b04.01མེའི་ཁམས་དང་། རླུང་གི་ཁམས་དང་བའོ། །དེ་ལ་སའི་ཁམས་དང་བ་ནི་རང་བཞིན་མ་མཆིས་པ་སྟེ། ཆོས་གང་གི་རང་བཞིན་མི་དམིགས་པ་དེ་ནི་ཡོངས་སུ་མ་གྲུབ་པའོ། །དེ་བཞིན་དུ་ཆུའི་ཁམས་དང་བ་དང་། མེའི་ཁམས་དང་བ་དང་། རླུང་གི་ཁམས་དང་བ་ནི་རང་བཞིན་མ་མཆིས་པ་སྟེ།
D60.042.0085b05.01ཆོས་གང་གི་རང་བཞིན་མི་དམིགས་པ་དེ་ནི་ཡོངས་སུ་མ་གྲུབ་པའོ། །དེ་ལྟར་ཡོངས་སུ་མ་གྲུབ་པའི་མིག་གི་སྐྱེ་མཆེད་དེ་ནི་འདས་པ་ཞེས་གདགས་པར་བགྱི་བ་མ་ལགས། མ་འོངས་པ་དང་། ད་ལྟར་བྱུང་བ་ཞེས་གདགས་པར་བགྱི་བ་མ་ལགས་སོ། །དེ་ཅིའི་སླད་དུ་ཞེ་ན། འདི་ལྟར་མིག་གི་སྐྱེ་
D60.042.0085b06.01མཆེད་ནི་དངོས་པོ་མ་མཆིས་པ་སྟེ། དངོས་པོ་མ་མཆིས་པའི་སླད་དུ་སྐྱེ་བ་མ་མཆིས་པའོ། །གང་ལ་སྐྱེ་བ་མ་མཆིས་པ་དེ་ལ་འགག་པ་མ་མཆིས་ཏེ། གང་མ་སྐྱེས་མ་འགགས་པ་དེ་ནི་གདགས་སུ་མ་མཆིས་པའོ། །དེ་ལྟར་མིག་ཀྱང་མ་སྐྱེས་མ་འགགས། སྐྱེ་མཆེད་དང་སྡུག་བསྔལ་ཡང་མ་སྐྱེས་
D60.042.0085b07.01