完整藏文原文 · 德格版页 当前仅加载第 42 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏེ། །དེ་བཞིན་ཤངས་བཅད་རྒྱལ་བ་མི་འཁྲུགས་པ། །དེ་ཐོས་པས་ཀྱང་བདག་ཅག་ཡིད་མི་དགའ། །ཕུག་རོན་སྐྱབས་སུ་མཆིས་པ་མ་བཏང་སྟེ། །གང་ཚེ་འདྲེན་ཁྱོད་སྲང་ལ་གཅལ་གྱུར་པ། །རྒྱལ་བའི་དེ་ཐོས་པས་ཀྱང་མི་བདེ་སྟེ། །བདེ་གཤེགས་བྱང་ཆུབ་སྤྱོད་པ་སྡུག་བསྔལ་ཆེ། །བདག་ཅག་མི་འཚལ་
D60.042.0041a01.01མ་ལགས་ཅི་ཞེ་ན། །བདེ་བར་གཤེགས་ལ་འགྲོ་བ་གནོད་བགྱིད་པ། །ངན་སོང་མུན་པར་ལྷུང་བས་བདེ་གཤེགས་ཀྱི། །སྡུག་བསྔལ་སྤྱོད་པ་དྲན་ནས་མི་དགའ་ལགས། །ཇི་ལྟར་འཇིག་རྟེན་འདྲེན་པ་བློ་འཕགས་དང་། །བདེ་གཤེགས་སྤྱོད་པ་མི་འཚེ་བློར་གྱུར་དང་། །སྒྲུབ་པའི་ཚེ་ན་དེ་ལ་མི་གནོད་པ། །འཇིག་རྟེན་འདྲེན་པ་སྤྱོད་
D60.042.0041a02.01བདེ་བཀའ་སྩལ་གསོལ། །མཐའ་ཡས་བློ་མངའ་བདེ་གཤེགས་སྤྱོད་པ་ལ། །ཐུབ་པ་ཀླུ་ཚོགས་འདི་དག་རབ་ཏུ་བརྩོན། །ཇི་ལྟར་ཁྱོད་ཀྱི་བཀའ་བཞིན་སྤྱོད་འགྱུར་བ། །དེ་ལྟར་བདེ་གཤེགས་བྱང་ཆུབ་ལམ་བསྟན་གསོལ། །རྒ་ཤི་མ་མཆིས་གོ་འཕང་འཐོབ་འཚལ་ཞིང་། །ཀླུ་ཚོགས་འདི་རྣམས་ཐུབ་པ་སྐོམ་པར་གནས། །
D60.042.0041a03.01འགྲོ་བ་འདི་དག་བདེ་བར་འདུལ་འགྱུར་བའི། །བརྟུལ་ཞུགས་སྤྱོད་བདེ་བདེ་གཤེགས་བཀའ་སྩལ་གསོལ། །དེ་ནས་བཅོམ་ལྡན་འདས་ཀྱིས་ཀླུའི་མཆོད་པ་དེ་དག་ཀྱང་གཟིགས། ལྷག་པའི་བསམ་པས་སྨོན་ལམ་བཏབ་པ་དེ་དག་ཀྱང་ཐུགས་སུ་ཆུད་ནས་དེའི་ཚེ་འཛུམ་པ་མཛད་དོ། །འདི་ནི་ཆོས་ཉིད་དེ་སངས་
D60.042.0041a04.01རྒྱས་བཅོམ་ལྡན་འདས་རྣམས་གང་གི་ཚེ་འཛུམ་པ་མཛད་པ་དེའི་ཚེ་ཁ་དོག་སྣ་ཚོགས་དང་། ཁ་དོག་དུ་མའི་འོད་ཟེར་བཅོམ་ལྡན་འདས་ཀྱི་ཞལ་གྱི་སྒོ་ནས་བྱུང་སྟེ་ཚངས་པའི་འཇིག་རྟེན་གྱི་བར་དུ་མངོན་པར་འཕགས་ནས་ཕྱིར་ལོག་སྟེ། བཅོམ་ལྡན་འདས་ཀྱི་དབུའི་གཙུག་ཏུ་ནུབ་བོ། །དེ་ནས་ཚེ་དང་ལྡན་པ་རྟ་ཐུལ་གྱིས་དེའི་
D60.042.0041a05.01ཚེ་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། བརྟུལ་ཞུགས་བཟང་པོ་དགེ་སྦྱོང་ཐུབ་པའི་རྣམས། །རྒྱུ་མེད་རྒྱལ་བ་འཛུམ་པ་མི་མཛད་ན། །འདྲེན་པ་བདེ་གཤེགས་ཐུགས་རྗེ་ཆེ་མངའ་བ། །མཚུངས་མེད་བཅོམ་ལྡན་འཛུམ་རྒྱུ་བཀའ་སྩལ་གསོལ། །ཚོགས་ཀྱི་སློབ་དཔོན་སྐྱེ་བོ་འདི་དག་ནི། །འཛུམ་རྒྱུ་ཉན་
D60.042.0041a06.01འཚལ་ཁྱོད་ཀྱི་ཞལ་དུ་ལྟ། །ཡིད་ནི་ཞུམ་གྱུར་ཐེ་ཚོམ་འཚལ་ཞིང་མཆིས། །མཁས་པ་ཐེ་ཚོམ་རྣམ་པར་བསལ་དུ་གསོལ། །འཇིག་རྟེན་མཁས་པ་སྟོན་པ་ཤཱཀྱ་ཐུབ། །དེ་རིང་སུ་ཞིག་ཡིད་ནི་ཡོངས་སུ་དགའ། །གང་གིས་བདུད་ཀྱི་དབང་པོ་མཐོང་གྱུར་ཏེ། །རྨོངས་པར་བགྱིས་ནས་ཡིད་མི་དགའ་བར་བགྱིས། །ཚོགས་ཀྱི་
D60.042.0041a07.01