完整藏文原文 · 德格版页 当前仅加载第 42 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
གླང་པོ་རིན་པོ་ཆེས་འགྲོས་མ་ཕྱུང་ངོ་། །ཡང་རྒྱལ་པོ་གྲགས་པ་མཐའ་ཡས་ཀྱིས་ཁ་ལོ་སྒྱུར་བ་ལ་སྨྲས་པ། ཁ་ལོ་སྒྱུར་བ་གླིང་ཆེན་པོ་བཞི་དང་། རིའི་རྒྱལ་པོ་རི་རབ་དང་། རྒྱ་མཚོ་ཆེན་པོ་འདི་ད་ཇི་ལྟར་མཐོང་། ཁ་ལོ་སྒྱུར་བས་སྨྲས་པ། རྒྱལ་པོ་ཆེན་པོ་ད་ནི་གླིང་ཆེན་པོ་བཞི་དང་། རིའི་རྒྱལ་
D60.042.0154b01.01པོ་རི་རབ་དང་། རྒྱ་མཚོ་ཆེན་པོ་དག་ཀྱང་གཡོ་བའམ་འགུལ་བ་དང་། ལྡེག་པ་མ་མཆིས་པར་གནས་པར་མཐོང་ངོ་། །རྒྱལ་པོས་སྨྲས་པ། ཁ་ལོ་སྒྱུར་བ་ད་ནི་གླང་པོའི་རྒྱལ་པོས་འགྲོས་བསླང་བ་ལྟས་རིང་པོ་མི་ཐོགས་པར་རིའི་རྒྱལ་པོ་རི་རབ་ཀྱི་རྩེ་མོར་ཕྱིན་པར་འགྱུར་རོ། །དེ་ནས་རྒྱལ་
D60.042.0154b02.01པོ་གྲགས་པ་མཐའ་ཡས་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་རིང་པོ་མི་ཐོགས་པར་རིའི་རྒྱལ་པོ་རི་རབ་ཀྱི་རྩེ་མོར་ཕྱིན་པ་དང་། ལྷའི་དབང་པོ་བརྒྱ་བྱིན་གྱིས་རྒྱལ་པོ་གྲགས་པ་མཐའ་ཡས་རྒྱང་རིང་པོ་ནས་འོང་བ་མཐོང་ངོ་། །མཐོང་ནས་སྟན་གྱི་ཕྱེད་ལ་བདར་ཏེ་རྒྱལ་པོ་ཆེན་
D60.042.0154b03.01པོ་ཚུར་སྤྱོན། རྒྱལ་པོ་ཆེན་པོ་བྱོན་པ་ལེགས་སོ། །རྒྱལ་པོ་ཆེན་པོ་སྟན་གྱི་ཕྱེད་ལ་བཞུགས་ཤིག་ཅེས་སྨྲས་པ་དང་། རྒྱལ་པོ་གྲགས་པ་མཐའ་ཡས་ལྷའི་དབང་པོ་བརྒྱ་བྱིན་གྱི་སྟན་གྱི་ཕྱེད་ལ་འདུག་སྟེ། དེས་དེར་ལོ་བརྒྱ་སྟོང་ཕྲག་མང་པོར་སུམ་ཅུ་རྩ་གསུམ་པའི་ལྷའི་རྒྱལ་སྲིད་ཕྱེད་ཀྱི་
D60.042.0154b04.01དབང་ཕྱུག་ལ་དབང་བྱས་པར་གྱུར་ཏོ། །དེ་ནས་རྒྱལ་པོ་གྲགས་པ་མཐའ་ཡས་ཡུན་རིང་པོ་འདས་པའི་དུས་ཤིག་ན་འདི་སྙམ་དུ་སེམས་ཏེ། ཀྱེ་མ་བདག་གིས་བརྒྱ་བྱིན་གྱི་སྟན་ཐམས་ཅད་ལ་འདུག་པར་བྱའོ་སྙམ་པ་དང་། དེས་སེམས་བསྐྱེད་མ་ཐག་ཏུ་དཔུང་གི་ཚོགས་ཡན་ལག་བཞི་པ་དང་
D60.042.0154b05.01ལྷན་ཅིག་ཏུ་སྟན་ཕྱེད་པོ་དེ་ལས་ཉམས་ནས་འཛམ་བུའི་གླིང་དུ་གནས་པར་གྱུར་ཏེ། རྒྱལ་པོའི་ཕོ་བྲང་འཁོར་རིན་པོ་ཆེས་རབ་ཏུ་བརྒྱན་པའི་སྐྱེད་མོས་ཚལ་གྱི་ར་བ་ན་འཁོད་པའི་མི་རྣམས་ཀྱིས་རྒྱལ་པོ་གྲགས་པ་མཐའ་ཡས་རྒྱལ་པོའི་ཕོ་བྲང་འཁོར་རིན་པོ་ཆེས་རབ་ཏུ་བརྒྱན་པའི་རིན་པོ་ཆེའི་སྐྱེད་མོས་
D60.042.0154b06.01ཚལ་དུ་འོངས་ཤིང་དེ་ན་འདུག་པ་མཐོང་ནས་མཐོང་མ་ཐག་ཏུ་མྱུར་བ་མྱུར་བར་རིངས་པའི་གཟུགས་ཀྱིས་རྒྱལ་པོའི་ཕོ་བྲང་འཁོར་རིན་པོ་ཆེས་རབ་ཏུ་བརྒྱན་པ་དེ་ན་རྒྱལ་པོ་དགའ་བྱེད་ཅེས་བྱ་བ་རྒྱལ་པོ་བྱེད་ཅིང་འདུག་པ་ལ་སྦྲན་ཏོ། །རྒྱལ་པོ་དགའ་བྱེད་དེས་རིན་པོ་ཆེའི་ཟ་མ་ཏོག་གི་སྐྱེད་མོས་ཚལ་
D60.042.0154b07.01