完整藏文原文 · 德格版页 当前仅加载第 42 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་བྱས་མ་ལགས་འདུས་མ་བྱས་མ་ལགས། །དེ་ལྟར་གང་འཚལ་དེ་དག་རྒྱལ་བའི་སྲས། །རྒྱལ་དང་འགྲོ་འདི་དེ་ལྟར་ཡོངས་མཐོང་ཞིང་། །སྟོན་པའི་དགོངས་པ་དེ་ལྟར་འཚལ་གྱུར་ལ། །དེ་ལྟར་བགྱིས་ན་གང་ཟག་མཆོག་མཆོད་ཅིང་། །འདྲེན་པ་འཁོར་དང་བཅས་ལ་བསྙེན་
D60.042.0065b01.01བཀུར་ལགས། །རྣམ་པར་འདྲེན་ལ་བསྟོད་པའི་བསོད་ནམས་གང་། །ཇི་སྙེད་འཇིག་རྟེན་ཕན་མཛད་མཁྱེན་པ་ཡི། །དགེ་བ་དེ་ཡིས་འགྲོ་བ་རང་བྱུང་བ། །རྒྱལ་བ་མཚན་མཆོག་ལྡན་པ་གྲུབ་པར་ཤོག །དེ་ནས་བཅོམ་ལྡན་འདས་ཀྱིས་དགའ་ལྡན་རིས་ཀྱི་ལྷ་དེ་དག་གི་ལྷག་པའི་
D60.042.0065b02.01བསམ་པ་ཐུགས་སུ་ཆུད་ནས་འཛུམ་པ་མཛད་དོ། །དེ་ནས་ཚེ་དང་ལྡན་པ་རྟ་ཐུལ་གྱིས་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། འདྲེན་པ་རྒྱུ་ཡི་སྟོབས་ནི་གང་ཞིག་གིས། །སྟོབས་བཅུ་བརྙེས་པ་འདི་ལྟར་འཛུམ་མཛད་པ། །འཛུམ་པའི་རྒྱུ་དེ་འདྲེན་པས་བཀའ་སྩལ་
D60.042.0065b03.01གསོལ། །དེས་ནི་འཇིག་རྟེན་འདི་དག་དགའ་བར་འགྱུར། །ཤཱཀྱ་ཐུབ་པའི་ཞལ་ནས་འཛུམ་མཛད་པ། །འགྲོ་བ་འདིས་མཐོང་ཐེ་ཚོམ་འཚལ་འགྱུར་ཏེ། །ཉན་པར་འཚལ་ཞིང་གཞན་དུ་མི་སེམས་པར། །ཀུན་ཀྱང་འཇིག་རྟེན་ཕན་པའི་ཞལ་དུ་ལྟ། །འདི་ལྟར་དཔེར་ན་ནད་པ་ནད་སྐྱོ་བ། །
D60.042.0065b04.01སྨན་པས་བསྒོ་བ་བཞིན་དུ་འཛིན་བགྱིད་པ། །དེ་བཞིན་འཁོར་འདི་ལུང་བསྟན་ཐོས་འཚལ་ཞིང་། །རྐང་གཉིས་དབང་པོ་བདེ་གཤེགས་ཞལ་དུ་ལྟ། །འཁོར་འདི་ཐམས་ཅད་རྒྱ་ཆེན་ལྡན་པ་སྟེ། །སངས་རྒྱས་དགོངས་ལ་ཞེན་པའི་ཡིད་དང་ལྡན། །རྒྱལ་བས་ལུང་བསྟན་དེ་དག་ཐོས་འཚལ་ཏེ། །
D60.042.0065b05.01ཀུན་ཀྱང་བདེ་གཤེགས་ཞལ་དུ་ལྟ་ཞིང་སྡོད། །དེ་ལ་རྒྱལ་བས་ཐུགས་རྗེ་ཆེ་བསྐྱེད་ཅིང་། །ཅི་ནས་འཁོར་འདི་རབ་ཏུ་དགར་འགྱུར་དང་། །སངས་རྒྱས་དགོངས་ལ་བསམ་པ་གཞོག་འགྱུར་བར། །ཡེ་ཤེས་སྟོབས་ཀྱིས་ཐེ་ཚོམ་གཅད་དུ་གསོལ། །མི་ཡི་ཁྱུ་མཆོག་ལུང་བསྟན་དུས་ལ་བབ། །
D60.042.0065b06.01ཐེ་ཚོམ་འཚལ་བའི་ཐེ་ཚོམ་བསལ་དུ་གསོལ། །སངས་རྒྱས་སླར་སྡོའི་དགྲ་ནི་མི་མངའ་ན། །རྟོག་གེའི་ཚོགས་ཀྱི་སྡེ་ནི་གཞིག་ཏུ་གསོལ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རྟ་ཐུལ་ལ་ཚིགས་སུ་བཅད་དེ་སླར་བཀའ་སྩལ་པ། རྟ་ཐུལ་ཁྱོད་ཀྱིས་འཇིག་རྟེན་སྒྲོན་མཛད་ལ། །འཛུམ་
D60.042.0065b07.01