完整藏文原文 · 德格版页 当前仅加载第 42 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་དོན་དྲིས་དེ་ནི་དུས་དང་ལྡན། །དེ་ལྟར་འཇིག་རྟེན་མཁས་ལ་དྲིས་པས་ན། །དེ་རིང་འགྲོ་བ་འདི་ཡི་དོན་ཆེན་བྱས། །འཇིག་རྟེན་ཕན་ཕྱིར་འཛུམ་པ་འདི་མཛད་པ། །གང་གིས་ཆོས་རབ་འདི་དག་ཤེས་གྱུར་ཏེ། །ང་ལ་མཆོད་པ་རྒྱ་ཆེན་འདི་བྱས་པའི། །དགའ་ལྡན་
D60.042.0066a01.01ལྷ་ཡི་བསམ་པ་མཁྱེན་ནས་མཛད། །འགྲོ་བ་ཡང་དག་རྟོགས་པ་བཞིན་དུ་མཐོང་། །རྒྱལ་བའི་དགོངས་པས་ཆོས་ཉིད་བརྙེས་པར་གྱུར། །གང་ལ་འགྲོ་བ་ཐམས་ཅད་རྨོངས་གྱུར་པའི། །རྣམ་པར་ཐར་པའི་སྒོ་གསུམ་རབ་ཏུ་རྟོགས། །སྔོན་གྱི་རྒྱལ་བ་རྣམས་ལ་ལྷག་བྱ་བྱས། །བསམ་
D60.042.0066a02.01པ་གཅིག་གིས་ཞུ་བ་ལེགས་པར་ཞུས། །དེ་ཉིད་དུ་ནི་སྟོང་ཉིད་ལེགས་པར་བསྒོམས། །སྔོན་ཆད་བྱས་པ་དེ་ནི་འདིར་ཡང་བསྟན། །དེ་དག་དེ་བཞིན་གཤེགས་དང་དེང་ཕྲད་ཅིང་། །སྐྱེས་བུ་མཆོག་དང་འགྲོགས་པ་ཐོབ་གྱུར་ནས། །སྟོང་པ་ཉིད་ཀྱིས་འདྲེན་པ་བསྟོད་བྱས་པས། །དེ་རིང་
D60.042.0066a03.01འགྲོ་བའི་དོན་ཆེན་ཤིན་ཏུ་བྱས། །འགྲོ་བ་ཐམས་ཅད་སྐྱེ་མེད་ཇི་བཞིན་དུ། །བྱང་ཆུབ་རྒྱལ་བ་དེ་བཞིན་ལུང་བསྟན་དང་། །གང་དག་ཞི་བ་ཐོབ་ནས་སྤྱོད་པ་དང་། །བྱང་ཆུབ་དེ་བཞིན་དེ་དག་སྐྱེ་བ་མེད། །འགྲོ་བ་ཀུན་གྱི་ཆོས་ཉིད་འདི་འདྲ་བ། །དེ་ཤེས་བྱང་ཆུབ་ཐོབ་པར་འགྱུར་རོ་ཞེས། །ལྷ་
D60.042.0066a04.01རྣམས་གང་ཡང་དེ་ལ་ཐེ་ཚོམ་མེད། །བྱང་ཆུབ་སེམས་ཀྱིས་རྟག་པར་དེ་ལྟར་སྤྱོད། །དེ་བཞིན་འགྲོ་བ་འགག་མེད་ཇི་བཞིན་དུ། །ལྷ་ཚོགས་འདི་དག་རྟོགས་པའི་བློ་ལྡན་ཏེ། །མཁས་པ་འདི་དག་ནེམ་ནུར་མེད་པས་ན། །དེ་ཕྱིར་འདི་དག་རྒྱལ་བ་རང་བྱུང་འགྱུར། །གནས་པ་མེད་པ་
D60.042.0066a05.01ལ་ནི་ངེས་གྱུར་ནས། །གཡོ་བ་མེད་པ་དེ་ལ་ནེམ་ནུར་མེད། །འགྲོ་བ་ཀུན་ལ་སེམས་པ་ཡོད་མིན་པ། །དེ་ལའང་ལྷ་རྣམས་ཐེ་ཚོམ་ཡོད་མེད་དོ། །ཆོས་རྣམས་ངོ་བོ་ཉིད་ཀྱིས་རང་བཞིན་མེད། །བྱང་ཆུབ་སེམས་དང་དེ་བཞིན་བྱང་ཆུབ་ཀྱང་། །ཐམས་ཅད་ངོ་བོ་ཉིད་ཀྱིས་རང་བཞིན་
D60.042.0066a06.01མེད། །དེ་ལའང་ལྷ་རྣམས་ཐེ་ཚོམ་རྣམ་པར་དག །བློ་མཆོག་ལྡན་པའི་དགའ་ལྡན་ལྷ་འདི་རྣམས། །ཀུན་ཀྱང་གནས་མེད་དེ་ལ་རབ་གནས་ཏེ། །དེ་ཕྱིར་ལྷ་རྣམས་བྱང་ཆུབ་རྙེད་མི་དཀའ། །རང་བྱུང་ཉིད་ནི་མྱུར་དུ་ཐོབ་པར་འགྱུར། །འདྲེན་པས་སྐར་མ་འདྲ་བའི་བསྐལ་པ་ལ། །འགྲོ་
D60.042.0066a07.01