完整藏文原文 · 德格版页 当前仅加载第 42 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་གང་ལ་ལ་ཞིག་གཉིས་སུ་མ་མཆིས་པའི་ཆོས་རྣམས་ནི་གཉིས་སུ་མེད་དོ་ཞེས་མི་སྤྱོད་མ་མོས་ན་དེ་འདི་སྙམ་དུ་བདག་གིས་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ་སྙམ་དུ་སེམས་སུ་ལགས་ཀྱང་། དེ་ནི་ལམ་ལོག་པར་ཞུགས་
D60.042.0069a01.01པར་འཚལ་བར་བགྱི་བའོ། །དེ་ཅིའི་སླད་དུ་ཞེ་ན། བཅོམ་ལྡན་འདས་གང་འདི་བྱང་ཆུབ་ཏུ་སྨོན་པ་དེ་ནི་ལམ་ལོག་པར་ཞུགས་པ་ལགས་ཏེ། བཅོམ་ལྡན་འདས་གང་མངོན་པར་རྫོགས་པར་འཚང་རྒྱ་བར་བགྱི་བའི་ཆོས་དེ་གང་ཡང་མ་མཆིས་སོ། །དེ་ཅིའི་སླད་དུ་ཞེ་ན།
D60.042.0069a02.01བཅོམ་ལྡན་འདས་ཆོས་འགའ་ཞིག་དམིགས་པར་གྱུར་ན་བྱང་ཆུབ་མངོན་པར་རྫོགས་པར་འཚང་རྒྱ་བར་མི་ནུས་སོ། །བཅོམ་ལྡན་འདས་ཆོས་ནི་འདས་པ་མ་ལགས། མ་འོངས་པ་མ་ལགས། ད་ལྟར་བྱུང་བ་མ་ལགས། འདུས་བྱས་མ་ལགས། འདུས་མ་བྱས་མ་ལགས།
D60.042.0069a03.01དངོས་པོ་མ་ལགས། དངོས་པོ་མ་མཆིས་པ་མ་ལགས། མངོན་པར་ཤེས་པར་བགྱི་བ་མ་ལགས། ཡོངས་སུ་ཤེས་པར་བགྱི་བ་མ་ལགས། སྤང་བར་བགྱི་བ་མ་ལགས། བསྒོམ་པར་བགྱི་བ་མ་ལགས། མངོན་དུ་བགྱི་བ་མ་ལགས་སོ། །བཅོམ་ལྡན་འདས་བྱང་ཆུབ་ཅེས་བགྱི་
D60.042.0069a04.01བ་དེ་ཡང་ཆོས་གང་གི་གཉེན་པོ་ཡང་མ་ལགས་ལ་ཆོས་གང་ཡང་ཆོས་དེའི་གཉེན་པོ་མ་ལགས་སོ། །དེ་ཅིའི་སླད་དུ་ཞེ་ན། ཆོས་དེ་ནི་ཀུན་ནས་ཉོན་མོངས་པ་མ་ལགས། རྣམ་པར་བྱང་བ་མ་ལགས་ཏེ། གང་གིས་ཆོས་གཞན་གྱི་གཉེན་པོར་གྱུར་པའི་ཆོས་དེ་ཡང་རང་བཞིན་གྱིས་
D60.042.0069a05.01མི་དམིགས་ལ་གང་ཆོས་དེའི་གཉེན་པོར་གྱུར་པའི་ཆོས་གཞན་དེ་གང་ཡང་རང་བཞིན་གྱིས་མི་དམིགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་ཐམས་ཅད་ནི་མཚན་མ་དང་བྲལ་བ་སྟེ། དེ་དག་ནི་མངོན་པར་ཤེས་པར་བགྱི་བ་མ་ལགས། ཡོངས་སུ་ཤེས་པར་བགྱི་བ་མ་
D60.042.0069a06.01ལགས། སྤང་བར་བགྱི་བ་མ་ལགས། བསྒོམ་པར་བགྱི་བ་མ་ལགས། མངོན་དུ་བགྱི་བ་མ་ལགས་ཏེ། བཅོམ་ལྡན་འདས་གཟུགས་ནི་གཟུགས་ཀྱི་མཚན་མ་དང་བྲལ་བའོ། །ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ནི་རྣམ་པར་ཤེས་པའི་མཚན་
D60.042.0069a07.01