完整藏文原文 · 德格版页 当前仅加载第 42 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་པ། སངས་རྒྱས་ཆོས་ལ་ཞུགས་གྱུར་ཏེ། །སྟོང་པ་ཉིད་ལ་གང་སྟེན་པ། །དེ་ལ་བདུད་རྣམས་བྱེ་བ་ཕྲག །སྟོང་གིས་དཀྲུག་པར་མི་ནུས་སོ། །ལྷའི་བུ་མཚན་མ་མེད་ལ་དགའ་བས་གསོལ་པ། མཚན་མ་མེད་ལ་མངོན་དགྱེས་ཏེ། །
D60.042.0100a01.01དངོས་པོ་ཐམས་ཅད་རྣམ་བཤིག་ནས། །སངས་རྒྱས་འཇིག་རྟེན་རྣམས་ནས་བྱུང་། །མཚན་མ་རྣམས་ལ་ཆགས་མི་མངའ། །ལྷའི་བུ་མཚན་མ་མེད་ལ་གནས་པས་གསོལ་པ། མཚན་མ་མེད་ལ་སྤྱོད་གྱུར་ཅིང་། །ཞི་བ་ཞི་ལ་སྤྱོད་པ་རྣམས། །མཚན་མ་
D60.042.0100a02.01རྣམ་པར་བཤིག་རྣམས་ཀྱིས། །ཚུལ་ནི་བདུད་ཀྱིས་ཤེས་མི་ནུས། །ལྷའི་བུ་མཚན་མ་མེད་པའི་སྤྱོད་ཡུལ་གྱིས་གསོལ་པ། སངས་རྒྱས་ཀུན་གྱི་སྤྱོད་ཡུལ་ལ། །འདྲེན་པ་ཁྱོད་ནི་སྤྱོད་མཛད་དེ། །མཚན་མ་མི་མངའ་རྟོགས་དཀའ་ཞིང་། །ཞི་སྤྱོད་ཁྱོད་
D60.042.0100a03.01ལ་ཕྱག་ཀྱང་འཚལ། །ལྷའི་བུ་མཚན་མ་མེད་པས་སྐོམ་གྱིས་གསོལ་པ། ཐུབ་པའི་འཁོར་འདི་ཐམས་ཅད་ནི། །མཚན་མ་མེད་པས་སྐོམ་གྱུར་ཏེ། །ཡབ་ཀྱི་དཀོར་ནི་འཚལ་གྱུར་ནས། །དེ་བཞིན་གཤེགས་ལ་བཀུར་སྟི་བགྱིད། །ལྷའི་བུ་མཚན་མ་མེད་པ་ལ་སྤྱོད་
D60.042.0100a04.01པས་གསོལ་པ། མཚན་མ་མེད་ལ་ཉིན་མཚན་དུ། །གང་ཟག་མཆོག་ནི་སྤྱོད་མཛད་པས། །ལྷ་དང་དྲི་ཟ་མི་དག་ཀྱང་། །ཁྱོད་ཀྱི་ཚུལ་ནི་མ་འཚལ་ཏོ། །ལྷའི་བུ་མཚན་མ་མེད་པས་རྣམ་པར་གྲོལ་གྱིས་གསོལ་པ། ཆོས་རྣམས་ཐམས་ཅད་རྣམ་བཤིག་ཅིང་། །
D60.042.0100a05.01དཔའ་ཆེན་འཇིག་རྟེན་སྒྲོན་མ་ཁྱོད། །མཚན་མ་མེད་ལ་གནས་པར་མཛད། །དེ་བས་ཁྱོད་ལ་ཕྱག་ཀྱང་འཚལ། །ལྷའི་བུ་མཚན་མ་མེད་པ་ལ་རྣམ་པར་རྩེ་བས་གསོལ་པ། ཐུབ་ཆེན་དཔའ་བོ་ཆེན་པོ་ཁྱོད། །མཚན་མ་མེད་ལ་རྣམ་པར་རོལ། །མི་རྣམས་ཡོངས་སུ་སྨིན་
D60.042.0100a06.01མཛད་ཅིང་། །སངས་རྒྱས་ཡེ་ཤེས་མཆོག་ལ་ཞུགས། །ལྷའི་བུ་མཚན་མ་མེད་པས་ཡོངས་སུ་གྲུབ་ཀྱིས་གསོལ་པ། གང་གིས་མཚན་མ་སྤངས་གྱུར་པ། །དེ་དག་བྱང་ཆུབ་གྲུབ་པ་སྟེ། །ཡབ་ཀྱི་ཆོས་ཀྱི་བརྟུལ་ཞུགས་ཅན། །དེ་དག་རྫོགས་པའི་སངས་རྒྱས་མཆོད། །
D60.042.0100a07.01