完整藏文原文 · 德格版页 当前仅加载第 42 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
བར་གྱུར་ཏོ། །གླང་པོ་ཆེ་བརྒྱད་ཁྲི་པོ་དེ་དག་གི་ཕྱི་བཞིན་རྟ་གསེར་གྱི་རྒྱན་གྱིས་བརྒྱན་པ། གསེར་གྱི་དྲིལ་བུ་གཡེར་ཀ་བརྒྱུས་པ། རིན་པོ་ཆེ་སྣ་བདུན་གྱི་རྒྱན་དང་ལྡན་པ་བརྒྱད་ཁྲི་བཤམས་ཏེ་འདོང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཟས་གཙང་མ་དང་།
D60.042.0016b01.01ཤཱཀྱ་རྣམས་རྒྱང་རིང་པོ་ནས་འོང་བ་གཟིགས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་གང་དག་གིས་སུམ་ཅུ་རྩ་གསུམ་གྱི་ལྷ་སྐྱེད་མོས་ཚལ་དུ་འདོང་བ་མ་མཐོང་བ་དེ་དག་གིས་ཤཱཀྱ་སེར་སྐྱའི་གནས་ནས་འོང་བ་འདི་དག་ལ་ལྟོས་ཤིག །དེ་ཅིའི་ཕྱིར་ཞེ་ན། དགེ་
D60.042.0016b02.01སློང་དག་ཤཱཀྱ་རྣམས་སེར་སྐྱའི་གནས་ནས་བྱུང་བ་དེ་དག་ནི་སུམ་ཅུ་རྩ་གསུམ་གྱི་ལྷ་སྐྱེད་མོས་ཚལ་དུ་འདོང་བ་དང་རྗེས་སུ་འཐུན་པའོ། །དེ་ལ་འདི་སྐད་ཅེས་བྱ་སྟེ། སེར་སྐྱ་ཞེས་བྱའི་གྲོང་ཁྱེར་དམ་པ་ནས། །རྒྱལ་པོ་ཟས་གཙང་མི་ཡི་ཁྱུ་མཆོག་དེ། །འཁོར་དང་བཅས་ཏེ་
D60.042.0016b03.01ཇི་ལྟར་འོང་གྱུར་པ། །དེ་ལྟར་བསྟན་གྱིས་ཁྱེད་རྣམས་དེ་ཉོན་ཅིག །ཤིང་རྟ་བརྒྱ་སྟོང་མཆོག་དང་བཅས་པ་དག །ལེགས་པར་བརྒྱན་ཅིང་མཛེས་པར་སྤྲས་ནས་ནི། །སེར་སྐྱའི་གནས་ཀྱི་གྲོང་ཁྱེར་དམ་པ་ནས། །མི་ཡི་དབང་པོ་དམ་པ་བྱུང་བར་གྱུར། །ཤིང་རྟ་སྔོ་
D60.042.0016b04.01ཞིང་རྒྱན་ཀྱང་སྔོ་བ་དང་། །རྟ་ཡང་སྔོ་ཞིང་སྔོ་བའི་འཁོར་དང་བཅས། །མཚན་མ་ལྔ་པོ་དག་ཀྱང་སྔོ་བ་སྟེ། །དེ་བཞིན་གོས་ཀྱི་དམ་པ་དག་ཀྱང་སྔོ། །ལྕག་ཀྱང་སྔོ་ཞིང་ཐག་སྲད་རྣམས་ཀྱང་སྔོ། །དྲིལ་བུ་གཡེར་ཀའི་དྲ་བ་རྣམས་དང་བཅས། །མི་རྣམས་ཀྱང་ནི་སྔོན་
D60.042.0016b05.01པོའི་གོས་ཅན་ཏེ། །རྒྱལ་མཚན་སྔོན་པོ་བསྒྲེང་བས་མཛེས་པར་བྱས། །ཤིང་རྟ་སེར་ཞིང་རྒྱན་ཀྱང་སེར་བ་དང་། །རྟ་ཡང་སེར་ཞིང་སེར་པོའི་འཁོར་དང་བཅས། །མཚན་མ་ལྔ་པོ་དག་ཀྱང་སེར་པོ་སྟེ། །དེ་བཞིན་གོས་ཀྱི་དམ་པ་དག་ཀྱང་སེར། །ལྕག་ཀྱང་སེར་
D60.042.0016b06.01ཞིང་ཐག་སྲད་རྣམས་ཀྱང་སེར། །དྲིལ་བུ་གཡེར་ཀའི་དྲ་བ་རྣམས་དང་བཅས། །མི་རྣམས་ཀྱང་ནི་སེར་པོའི་གོས་ཅན་ཏེ། །རྒྱལ་མཚན་སེར་པོ་བསྒྲེང་བས་མཛེས་པར་བྱས། །ཤིང་རྟ་དམར་ཞིང་རྒྱན་ཀྱང་དམར་བ་དང་། །རྟ་ཡང་དམར་ཞིང་དམར་པོའི་འཁོར་དང་
D60.042.0016b07.01