完整藏文原文 · 德格版页 当前仅加载第 42 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
རི་འདྲ་བ། །མཆོད་པ་རྒྱ་ཆེན་འདི་དག་བཞེས་སུ་གསོལ། །འགྲོ་བ་ཐམས་ཅད་མིང་དང་མཚན་མ་དང་། །ཐ་སྙད་ཙམ་མཁྱེན་ཐུབ་པ་ཆགས་མི་མངའ། །འདྲེན་པ་ཁྱོད་ཀྱི་ཏིང་འཛིན་ཞི་བསྒྲུབས་པས། །ཤེས་རབ་ལྡན་ལ་དྲེགས་པ་ཡོང་མི་མངའ། །རྒྱལ་བ་ཁྱོད་ཀྱིས་འགྲོ་བ་སྒྱུ་འདྲར་མཁྱེན། །རང་བཞིན་
D60.042.0043a01.01སྟོང་སྟེ་རྨི་ལམ་དགའ་འདྲ་དང་། །ཆུ་ཟླ་ནམ་མཁའི་སྨིག་རྒྱུ་ལྟ་བུར་ནི། །བདེ་བར་གཤེགས་པས་འགྲོ་བ་འདི་དག་གཟིགས། །དྲི་ཟའི་གྲོང་ཁྱེར་ཇི་ལྟར་སྣང་གྱུར་ཀྱང་། །གྲོང་ཁྱེར་དེ་ནི་ཕྱོགས་བཅུ་ཀུན་ན་མེད། །གཞན་དུ་གྲོང་ཁྱེར་དེ་ནི་མིང་ཙམ་སྟེ། །དེ་བཞིན་བདེ་བར་གཤེགས་པས་འགྲོ་འདི་གཟིགས། །མཆོད་པ་འདི་ཀུན་བྲག་
D60.042.0043a02.01ཅ་ཇི་བཞིན་ཏེ། །ཤིང་རྟ་གདུགས་དང་བླ་རེ་སིལ་སྙན་དང་། །མེ་ཏོག་རྒྱལ་མཚན་ཐལ་མོ་སྦྱར་བགྱིས་པ། །བྲག་ཅ་ཇི་བཞིན་དེ་དག་དེ་ལྟར་གདའ། །འདྲེན་པ་མཆོད་པ་འདི་བགྱིས་བདག་ཅག་ཀྱང་། །སངས་རྒྱས་རྐང་གཉིས་མཆོག་ཏུ་མྱུར་འགྱུར་ཤོག །རྨི་ལམ་འདྲ་བར་འགྲོ་བ་བདག་ཅག་གིས། །རྟོགས་བགྱིས་རྒྱལ་བ་ཁྱོད་བཞིན་
D60.042.0043a03.01བསྟན་པར་བགྱི། །ན་དང་རྒ་ཤིས་ཡོངས་སུ་གཙེས་གྱུར་པའི། །སྐྱེ་བོ་མཐོང་ནས་བདག་ཅག་རྣམས་ཀྱིས་ཀྱང་། །བྱང་ཆུབ་མྱུར་ཐོབ་རྒ་ཤི་མེད་པའི་གནས། །གང་ཐོས་གྲོལ་འགྱུར་འགྲོ་ལ་བསྟན་པར་བགྱི། །བདག་ཅག་བྱང་ཆུབ་ལམ་མཆོག་སངས་རྒྱས་ནས། །སེམས་ཅན་བློ་སྟོར་རྣམས་ལ་བསྟན་པར་བགྱི། །ཐུབ་པ་འཁྲུགས་མེད་
D60.042.0043a04.01ཆོས་རྣམས་རབ་སྟོན་པ། །མྱ་ངན་འདས་མཆོག་སེམས་ཅན་བསྟན་པར་བགྱི། །དེ་ནས་བཅོམ་ལྡན་འདས་ཀྱིས་གྲུལ་བུམ་དེ་དག་གི་ལྷག་པའི་བསམ་པ་ཐུགས་སུ་ཆུད་ནས་འཛུམ་པ་མཛད་དོ། །དེ་ནས་ཚེ་དང་ལྡན་པ་རྟ་ཐུལ་གྱིས་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། སྟོན་པ་རྒྱུ་མེད་འཛུམ་པ་མི་མཛད་དེ། །རྣམ་འདྲེན་
D60.042.0043a05.01འཇིག་རྟེན་མཁས་ལ་མཚར་མི་མངའ། །ངོ་མཚར་འགྱུར་མེད་རྒྱལ་བས་འཛུམ་མཛད་ན། །འཛུམ་རྒྱུ་ལེགས་པར་བཀའ་སྩོལ་ཉན་པར་འཚལ། །རྒྱལ་བའི་ཞལ་ནས་འཛུམ་པ་མཛད་མཐོང་ནས། །འགྲོ་བ་འདི་དག་ཐེ་ཚོམ་སོམ་ཉི་འཚལ། །ཐེ་ཚོམ་འཚལ་བ་རྣམས་ཀྱི་ཐེ་ཚོམ་ཁུམ། །མི་ཡི་དབང་པོ་འཛུམ་པའི་རྒྱུ་ཡང་གསུངས། །
D60.042.0043a06.01གང་གིས་དེ་རིང་ཆོས་ལ་ཡིད་བཞག་གྱུར། །དེ་རིང་གང་གིས་ཆོས་ཀྱི་རྒྱལ་ཡང་མཐོང་། །དེང་དུས་སངས་རྒྱས་བསྔགས་པའི་མཆོད་པ་བགྱིས། །མི་ཡི་དམ་པ་བདག་ནི་ཉན་པར་འཚལ། །དེ་རིང་འདུས་བྱས་སྡུག་བསྔལ་ཤེས་གྱུར་ནས། །གང་གིས་འདུ་བྱེད་གྱུར་པའི་ཡིད་གཅིག་བཅོམ། །གང་ཞིག་ཡང་དག་མཐའ་ལ་མི་
D60.042.0043a07.01