完整藏文原文 · 德格版页 当前仅加载第 42 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
ད་ལྟར་དུས་ན་འདྲེན་པ་གང་བཞུགས་པ། །ཀུན་ཀྱང་ཚུལ་གྱིས་བདེ་བར་གཤེགས་པ་ཐོབ། །རབ་འཕྲུལ་ལྷ་ཚོགས་ཐུབ་པའི་ཚུལ་ཤེས་པ། །འདི་དག་ང་ལ་མཆོད་པ་མཆོག་བྱས་ཤིང་། །འདྲེན་པ་ཐམས་ཅད་བསྙེན་བཀུར་རབ་བྱས་ན། །ཚུལ་གྱིས་སུ་ནི་རང་འབྱུང་ཐོབ་པར་འགྱུར། །
D60.042.0068b01.01འཇིག་རྟེན་མཁས་པའི་ཏིང་འཛིན་གང་ཡིན་པ། །དེ་ཡིས་རྒྱལ་བ་རང་བྱུང་གནས་པའི་རྣམས། །དེ་དག་ཐམས་ཅད་རྒྱལ་བའི་སྤྱོད་ཡུལ་ལོ། །ཚུལ་ཐོབ་རྣམས་ཀྱིས་མངོན་བསྟེན་མྱུར་དུ་འཐོབ། །དེ་ལ་རྟ་ཐུལ་སངས་རྒྱས་སྲས་རྣམས་ནི། །སངས་རྒྱས་གནས་པ་དེ་ལ་ནེམ་ནུར་མེད། །
D60.042.0068b02.01སངས་རྒྱས་ཚུལ་ལ་སེམས་ཅན་རྣམ་རྩེ་བ། །ཚུལ་ཤེས་པ་དག་སྟོན་པའི་ལམ་ལ་སྤྱོད། །དེ་ལྟས་ཚུལ་ལ་དད་པའི་ཡིད་བྱས་ཏེ། །བརྩམ་པར་བྱ་ཡི་སྡུག་བསྔལ་སྤྱོད་ལ་མིན། །རྟག་ཏུ་དགེ་བཤེས་མཁས་པ་བསྟེན་བྱས་ན། །བླ་མེད་བྱང་ཆུབ་མྱུར་དུ་ཐོབ་པར་འགྱུར། །བདེ་བར་
D60.042.0068b03.01གཤེགས་པའི་གསུང་མཆོག་ཐོས་ནས་ནི། །འཁོར་ཀུན་རྒྱལ་བའི་བྱང་ཆུབ་ཡི་རངས་ཏེ། །རྗེས་སུ་ཡི་རང་ཐེ་ཚོམ་མེད་གྱུར་ནས། །མཐར་ཕྱིན་བློ་གྲོས་ལ་ནི་ཞུགས་པར་གྱུར། །འཕྲུལ་དགའ་བ་ལུང་བསྟན་པའི་ལེའུ་སྟེ་{བཅྭ་,བཅོ་}བརྒྱད་པའོ།། །།བམ་པོ་
D60.042.0068b04.01བདུན་པ། དེ་ནས་དེའི་ཚེ་ལྷའི་རྒྱལ་པོ་དབང་སྒྱུར་ལ་སོགས་པ་གཞན་འཕྲུལ་དབང་བྱེད་རིས་ཀྱི་ལྷ་ཁྲག་ཁྲིག་ཕྲག་བརྒྱད་ཅུས་ལྷ་མ་ཡིན་རྣམས་ནས་འཕྲུལ་དགའི་ལྷའི་བར་དག་གིས་མཆོད་པ་ཡང་མཐོང་། ལུང་བསྟན་པ་ཡང་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་
D60.042.0068b05.01དགའ་ཞིང་དགའ་བ་དང་། ཡིད་བདེ་བ་སྐྱེས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཕྲུལ་དགའི་ལྷ་རྣམས་ཀྱིས་ཡང་དག་པའི་མཐའ་ཞེས་གང་སྨྲས་པ་དེ་ལ་བདག་ཅག་གིས་ནི་ཡང་དག་པ་ཡང་མི་དམིགས་ན་དེའི་མཐའ་ལྟ་སྨོས་ཀྱང་ཅི་འཚལ།
D60.042.0068b06.01དེ་ཅིའི་སླད་དུ་ཞེ་ན། བཅོམ་ལྡན་འདས་གང་ལ་ལ་ཞིག་གིས་ཡང་དག་པ་དམིགས་ན་ནི་མཐའ་ཡང་དེས་དམིགས་པར་འགྱུར་ཏེ་དེ་ནི་གཉིས་ཀྱིས་སྤྱོད་པའོ། །དེ་ལྟ་བུ་དེ་ནི་ཐེག་པ་ལ་ཡང་དག་པར་ཞུགས་པའི་རིགས་ཀྱི་བུ་དང་། རིགས་ཀྱི་བུ་མོ་རྣམས་ཀྱི་སྤྱོད་ཡུལ་མ་ལགས་སོ། །
D60.042.0068b07.01