完整藏文原文 · 德格版页 当前仅加载第 42 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་བུ་སྟོང་པ་ཉིད་ལ་མོས་ཀྱིས་གསོལ་པ། སྟོང་པ་ཉིད་ལ་མོས་གྱུར་པ། །འགྲོ་བ་འདི་དག་སྲོག་མེད་གཟིགས། །དམིགས་མེད་ངོ་བོ་ཉིད་མེད་པ། །དེ་ལྟར་སྲོག་ཆགས་རྣམས་ལ་སྟོན། །ལྷའི་བུ་སྟོང་པ་ཉིད་ཀྱི་སྤྱོད་ཡུལ་གྱིས་གསོལ་པ། སངས་རྒྱས་ཀུན་གྱི་སྤྱོད་
D60.042.0099b01.01ཡུལ་ནི། །ཆོས་རྣམས་རང་བཞིན་སྟོང་པ་སྟེ། །སྲོག་ཆགས་རྣམས་ལ་ཐུགས་བརྩེ་བས། །དཔའ་བོས་དེ་ལ་སྤྱད་པར་མཛད། །ལྷའི་བུ་སྟོང་པ་ཉིད་ཀྱི་བསམ་པས་གསོལ་པ། སྐྱོན་དང་བྲལ་ཞིང་བཅིངས་མེད་ལ། །འཇིགས་སྐྲག་ཐམས་ཅད་རབ་ཏུ་སྤངས། །ཆོས་རྣམས་
D60.042.0099b02.01ཀུན་ལ་མི་གནས་ཤིང་། །ནམ་མཁའི་རླུང་བཞིན་སྤྱོད་པ་མཛད། །ལྷའི་བུ་སྟོང་པ་ཉིད་ལ་མངོན་པར་དགའ་བས་གསོལ་པ། སྟོང་ཉིད་ཆོས་ལ་སྟེན་བགྱིད་ཅིང་། །སངས་རྒྱས་སྤྱོད་ཡུལ་གང་མོས་པ། །དེ་དག་སྟོན་པ་མཆོད་པ་སྟེ། །མཆོད་པ་དེ་ནི་བླ་ན་མེད། །ལྷའི་
D60.042.0099b03.01བུ་སྟོང་པ་ཉིད་ཀྱིས་ཡང་དག་པར་འཕགས་ཀྱིས་གསོལ་པ། གང་གིས་འདྲེན་པ་འཕགས་གྱུར་པ། །དེ་ནི་ཡང་དག་འཕགས་ཞེས་གསུངས། །སྟོང་ཉིད་ཆོས་ལ་སྟེན་བགྱིད་པ། །མ་སྨད་དེ་དག་སངས་རྒྱས་འགྱུར། །ལྷའི་བུ་སྟོང་པ་ཉིད་ཀྱིས་འདྲེན་གྱིས་གསོལ་པ། དཔའ་
D60.042.0099b04.01བོ་ཆེན་པོ་ཆོས་རྣམས་གང་། །མྱ་ངན་འདས་མིན་སྟོན་མ་མཆིས། །ཀུན་ཀྱང་མྱ་ངན་འདས་པར་འདྲེན། །དྲང་སྲོང་ཆེན་པོའི་བྱང་ཆུབ་ལགས། །ལྷའི་བུ་སྟོང་པ་ཉིད་ཀྱིས་ཡང་དག་ཤར་གྱིས་གསོལ་པ། སྟོང་ཉིད་ཞི་ལ་བརྟེན་ནས་ནི། །ཁྱོད་ཀྱི་སློབ་མ་ཡང་དག་ཤར། །
D60.042.0099b05.01སྟོང་པ་ཉིད་ལ་གང་སྟེན་པ། །དེ་དག་རིམ་གྲོ་བགྱིད་པ་ལགས། །ལྷའི་བུ་སྟོང་པ་ཉིད་ལ་སྟེན་གྱིས་གསོལ་པ། གང་རྣམས་སྟོང་པ་ཉིད་སྟེན་པ། །མཁས་པ་དེ་དག་རྨོངས་མི་འགྱུར། །ཉོན་མོངས་མེད་ཅིང་ལྟ་མེད་རྣམས། །བྱང་ཆུབ་རྡུལ་མེད་ཐོབ་པར་འགྱུར། །ལྷའི་
D60.042.0099b06.01བུ་སྟོང་པ་ཉིད་ཕུན་སུམ་ཚོགས་པས་གསོལ་པ། གང་རྣམས་སྟོང་ཉིད་སྟེན་བགྱིད་པ། །སངས་རྒྱས་ཆོས་རྣམས་ཕུན་སུམ་ཚོགས། །རང་བྱུང་ཕམ་པ་མེད་པར་འགྱུར། །འཇིག་རྟེན་དོན་ཀྱང་བགྱིད་པར་འགྱུར། །ལྷའི་བུ་སྟོང་པ་ཉིད་ལ་ཡང་དག་པར་ཞུགས་པས་
D60.042.0099b07.01