完整藏文原文 · 德格版页 当前仅加载第 42 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
ལུང་བསྟན་པ་ཡང་ཐོས་ནས་སངས་རྒྱས་ཀྱི་ཆོས་རྣམས་ལ་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་ཡིད་བདེ་བ་སྐྱེས་ནས་ཡིད་བྱུང་བ་ཆེན་པོ་སྐྱེས་ཏེ། འདོད་པའི་ཚུལ་གྱིས་ལྷའི་དབང་པོ་བརྒྱ་བྱིན་ལ་སོགས་པ་བཅོམ་ལྡན་འདས་ལ་མཆོད་པའི་
D60.042.0058a01.01ཕྱིར་བརྩོན་པར་གྱུར་ཏེ། དེ་དག་གིས་རིན་པོ་ཆེའི་ཁང་པ་བཀྲ་བ། བལྟ་ན་སྡུག་པ། རིན་པོ་ཆེ་སྣ་བདུན་གྱི་རང་བཞིན་ཅན། མུ་ཏིག་དམར་པོའི་ཕྲེང་བ་དང་། བཻ་དཱུརྱའི་ཕྲེང་བས་བརྒྱན་པ། གསེར་གྱི་ཕྲེང་བ་སྣ་ཚོགས་དང་། ནོར་བུ་རིན་པོ་ཆེ་སྐར་མདོག་གི་ཕྲེང་བས་བརྒྱན་པ།
D60.042.0058a02.01ས་གནས་རིམ་པ་བརྒྱད་དང་། བ་གམ་དང་། ཁང་པ་བརྩེགས་པ་དང་། སྐར་ཁུང་གིས་བརྒྱན་པ། གདུགས་དང་། རྒྱལ་མཚན་དང་། བ་དན་དག་གིས་བརྒྱན་པ། ལྷ་རྫས་ཀྱི་སེང་གེའི་ཁྲིས་བརྒྱན་པ། བླ་རེ་ཆེན་པོ་དང་། དྲིལ་བུ་གཡེར་ཀའི་དྲ་བས་བརྒྱན་པ། ལྷའི་བུ་མོའི་
D60.042.0058a03.01ཚོགས་ཀྱིས་མཛེས་པར་བྱས་པ། ལྷའི་རོལ་མོ་སིལ་སྙན་སྒྲ་རབ་ཏུ་འབྱུང་བ་བྱེ་བ་ཕྲག་བརྒྱད་ཅུ་མངོན་པར་སྤྲུལ་ཏོ། །རྟ་ཅང་ཤེས་ཀྱིས་དྲངས་པའི་ཤིང་རྟ་ལྷ་རྫས་ཀྱི་རྣམ་པས་ལེགས་པར་བརྒྱན་པ། གདུགས་དང་། རྒྱལ་མཚན་དང་། བ་དན་དག་གིས་མཛེས་པར་བྱས་པ་བྱེ་བ་
D60.042.0058a04.01ཕྲག་བརྒྱད་ཅུ་ཡང་མངོན་པར་སྤྲུལ་ཏོ། །སེར་སྐྱའི་གནས་ཀྱི་གྲོང་ཁྱེར་ཆེན་པོ་ཐམས་ཅད་དང་ལྡན་པའི་ཁོ་ར་ཁོར་ཡུག་ཏུ་དཔག་ཚད་དྲུག་ཅུ་ཚུན་ཆད་མེ་ཏོག་མན་དཱ་ར་བ་དང་། ལྷའི་མཆོད་པ་དེ་དག་གིས་རྒྱས་པར་གང་བར་བྱས་སོ། །གླང་པོ་ཆེ་ས་སྲུང་གི་བུ་བྱེ་བ་ཕྲག་བརྒྱད་ཅུ་ཡང་
D60.042.0058a05.01མངོན་པར་སྤྲུལ་ཏེ། གླང་པོ་ཆེ་ས་སྲུང་གི་བུ་དེ་དག་རེ་རེ་ཞིང་ཡང་མགོ་བྱེ་བ་ཕྲག་བརྒྱད་ཅུ་བརྒྱད་ཅུ། གླང་པོ་ཆེ་ས་སྲུང་གི་བུའི་མགོ་དེ་དག་རེ་རེ་ཞིང་ཡང་སོ་དྲུག་དྲུག། སོ་དེ་དག་རེ་རེ་ཞིང་ཡང་རྫིང་བུ་བདུན་བདུན། རྫིང་བུ་དེ་དག་རེ་རེ་ཞིང་ཡང་པད་མ་སྟོང་ཕྲག་བདུན་བདུན། པད་མ་
D60.042.0058a06.01དེ་དག་རེ་རེ་ཞིང་ཡང་འདབ་མ་བརྒྱད་ཁྲི་བརྒྱད་ཁྲི། འདབ་མ་རེ་རེ་ཞིང་ཡང་ལྷའི་བུ་མོ་བདུན་བདུན། ལྷའི་བུ་མོ་དེ་དག་རེ་རེ་ཞིང་ཡང་འཁོར་བདུན་བདུན་ཡོད་པ། རྒྱན་ཐམས་ཅད་ཀྱིས་བརྒྱན་པ་ཤ་སྟག་མངོན་པར་སྤྲུལ་ནས་རིན་པོ་ཆེའི་ཁང་པ་དེ་དག་མདུན་དུ་བྱས་ཏེ། དབུས་སུ་གླང་པོ་
D60.042.0058a07.01