完整藏文原文 · 德格版页 当前仅加载第 42 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་ཕན་བཞེད་འཛུམ་པ་གང་མཛད་པ། །མུ་སྟེགས་ཚོགས་འདི་ཤིན་ཏུ་འཕགས་གྱུར་ཏམ། །མི་མཆོག་རང་བྱུང་ཅི་སླད་འཛུམ་མཛད་པ། །འཛུམ་རྒྱུ་དེ་ནི་ཁྱོད་ཀྱིས་བཀའ་སྩལ་གསོལ། །བདེ་བར་གཤེགས་པས་འཛུམ་པ་མཛད་མཐོང་ནས། །འཇིག་རྟེན་ཕན་བཞེད་འགྲོ་འདི་ཐེ་ཚོམ་འཚལ། །
D60.042.0126b01.01ཟླ་བ་ཉ་ལ་འགྲོ་བ་ལྟ་བ་བཞིན། །ལྟ་ཞིང་མཆིས་ན་རྒྱལ་བ་འཛུམ་རྒྱུ་གསུངས། །སུ་ཞིག་རྒྱལ་ལ་མཆོད་པ་དམ་པ་བགྱིས། །གང་གིས་དེ་རིང་ཡབ་ནི་མཉེས་པར་བགྱིས། །རྒྱལ་བའི་ཡོན་ཏན་དེ་རིང་གང་གིས་མཐོང་། །མཁས་པ་མྱུར་དུ་ལེགས་པར་བཀའ་སྩལ་གསོལ། །མུ་སྟེགས་
D60.042.0126b02.01ཅན་རྣམས་ལུང་བསྟན་དེ་ཐོས་ནས། །འཇིག་རྟེན་ཐམས་ཅད་རབ་ཏུ་དགའ་བར་འགྱུར། །འདི་ལྟར་འདི་དག་བདེ་བར་གཤེགས་པས་བཏུལ། །དེས་ན་འགྲོ་བ་ཀུན་གྱི་རྣམ་འདྲེན་ལགས། །རྒྱལ་བས་ཐེ་ཚོམ་ལེགས་པར་བསལ་དུ་གསོལ། །སོམ་ཉི་འཚལ་བའི་སོམ་ཉི་དགུམ་དུ་
D60.042.0126b03.01གསོལ། །དེས་ནི་འཁོར་རྣམས་འདི་དག་ཡི་རངས་ཤིང་། །སངས་རྒྱས་ཁྱོད་ཀྱི་དགོངས་ལ་དད་པར་མཆི། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རྟ་ཐུལ་ལ་ཚིགས་སུ་བཅད་དེ་སླར་བཀའ་སྩལ་པ། རྟ་ཐུལ་ཁྱོད་ཀྱིས་དུས་འདི་ཤེས་གྱུར་ནས། །རྒྱལ་བ་དགྲ་ལས་རྒྱལ་ལ་དྲིས་
D60.042.0126b04.01པ་ལེགས། །འདྲེན་པ་རང་བྱུང་ཉིད་ལ་དེ་དྲིས་པས། །འཇིག་རྟེན་ཕན་པའི་ཚིག་ཀྱང་བརྗོད་པར་གྱུར། །འཛུམ་པ་འདི་ནི་ཇི་ལྟར་ངས་མཛད་པ། །འཛུམ་རྒྱུ་ངས་དེང་ཁྱོད་ལ་བསྟན་པར་བྱས། །ཡང་དག་ཇི་བཞིན་ང་ཡིས་བསྟན་པ་ལ། །དགའ་བའི་ཡིད་དུ་བྱོས་ཏེ་དེང་ཉོན་ཅིག །མུ་སྟེགས་ཚོགས་
D60.042.0126b05.01འདི་རབ་ཏུ་དུལ་གྱུར་ཏེ། །ལྟ་བའི་རྣམ་སྤངས་ལྟ་བ་བཟང་པོར་འགྱུར། །ལྟ་བའི་རྣམ་པར་འཇིག་རྟེན་འཁྱམས་མཐོང་ནས། །སྙིང་རྗེ་ཅན་གྱུར་བྱང་ཆུབ་རབ་ཏུ་ཞུགས། །ལྟ་བའི་རྣམ་པ་དག་ནི་རབ་སྤངས་ཏེ། །ལྟ་བ་དྲང་པོ་རྙོག་མེད་རྟོགས་གྱུར་ཅིང་། །ང་ཡིས་ལུང་བསྟན་ཐོགས་མེད་
D60.042.0126b06.01ཐོས་གྱུར་ནས། །དེ་དག་ཀུན་གྱིས་ཐམས་ཅད་མཁྱེན་སེམས་བསྐྱེད། །སྔོན་གྱི་རྒྱལ་བ་དག་ལ་དད་བསྐྱེད་དེ། །ཐུགས་རྗེ་ལྡན་པ་རྐང་གཉིས་དམ་པ་པོ། །རྒྱལ་བ་བྱེ་བ་ཉི་ཤུར་ཚང་བ་ལ། །བླ་མེད་བྱང་ཆུབ་ཚོལ་ཞིང་བསྙེན་བཀུར་བྱས། །རྒྱལ་བ་རྣམས་ལ་སྦྱིན་པ་མི་ཉུང་ཕུལ། །ཁྲིམས་དང་
D60.042.0126b07.01