完整藏文原文 · 德格版页 当前仅加载第 42 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
བཅད་པ་འདི་ཡང་སྨྲས་སོ། །གང་བརྟེན་གང་ལ་གནས་བཅས་ནས། །གང་ཟག་མཆོག་ལ་མཆོད་འགྱུར་བ། །དེ་འདྲ་བ་ཡི་གྲོགས་པོ་དང་། །རྟག་པར་རྒྱུན་དུ་ཕྲད་པར་ཤོག །ལྷ་མ་ཡིན་གྱི་དབང་པོ་ཐགས་ཟངས་རིས་ཀྱིས་ཇི་ལྟར་བྱས་པ་དེ་བཞིན་དུ་ལྷ་མ་ཡིན་གྱི་དབང་པོ་རབ་སིམ་
D60.042.0024b01.01གྱིས་ཀྱང་བཅོམ་ལྡན་འདས་ལ་མཆོད་པ་བྱས་ནས་རིན་པོ་ཆེ་སྣ་བདུན་གྱི་ཤིང་རྟ་ལ་ཞོན་ཏེ། བཅོམ་ལྡན་འདས་ལ་ལན་གསུམ་སྐོར་བ་བྱེད་ཅིང་ཚིགས་སུ་བཅད་པ་འདི་དག་གིས་བཅོམ་ལྡན་འདས་ལ་མངོན་པར་བསྟོད་པ། སྟོབས་བཅུ་བརྩོན་བདེན་ཁྱོད་ལ་ཕྱག་འཚལ་ལོ། །མི་འཇིགས་
D60.042.0024b02.01འཇིགས་བྲལ་ཁྱོད་ལ་ཕྱག་འཚལ་ལོ། །ཆོས་ལ་མ་འདྲེས་ངེས་པར་གྱུར་པ་པོ། །འགྲོ་བའི་འདྲེན་པ་ཁྱོད་ལ་ཕྱག་འཚལ་ལོ། །ཀུན་སྦྱོར་འཆིང་བ་གཅོད་ལ་ཕྱག་འཚལ་ལོ། །འཁོར་རྒྱུད་མི་གནས་པ་ལ་ཕྱག་འཚལ་ལོ། །མཐར་ཕྱིན་ཐང་གནས་ཁྱོད་ལ་ཕྱག་འཚལ་ལོ། །འགྲོ་བ་བྱིང་
D60.042.0024b03.01བ་སྒྲོལ་ལ་ཕྱག་འཚལ་ལོ། །སེམས་ཅན་འགྲོགས་ཀྱང་རྒོད་པ་མི་མངའ་ཞིང་། །འགྲོ་བ་ཀུན་ལ་ཐུགས་ནི་རྣམ་གྲོལ་ཏེ། །པད་མ་ཆུ་ཡིས་མི་གོས་འདྲ་བ་བོ། །བློ་ཟབ་བསམ་མི་ཁྱབ་ལ་ཕྱག་འཚལ་ལོ། །སངས་རྒྱས་ཐུབ་པ་ཁྱོད་ཀྱིས་སྟོང་ཉིད་མཁྱེན། །རྣམ་པ་ཀུན་ཏུ་མཚན་མ་ཐམས་
D60.042.0024b04.01ཅད་བཤིག །ཁྱོད་ནི་གང་དུའང་སྨོན་པ་ཡོང་མི་མངའ། །མི་གནས་ནམ་མཁའ་མཉམ་ལ་ཕྱག་འཚལ་ལོ། །ལྷ་མ་ཡིན་གྱི་དབང་པོ་རབ་སིམ་གྱིས་ཇི་ལྟར་བྱས་པ་དེ་བཞིན་དུ་ལྷ་མ་ཡིན་གྱི་དབང་པོ་ཤིང་རྟ་བཟང་གིས་ཀྱང་། བཅོམ་ལྡན་འདས་ལ་མཆོད་པ་བྱས་ནས་རིན་པོ་ཆེ་སྣ་བདུན་
D60.042.0024b05.01གྱི་ཤིང་རྟ་ལ་ཞོན་ཏེ། བཅོམ་ལྡན་འདས་ལ་ལན་གསུམ་སྐོར་བ་བྱེད་ཅིང་གསེར་ཕྱེ་དག་གིས་གཏོར་ནས་ཚིགས་སུ་བཅད་པ་དག་གིས་བཅོམ་ལྡན་འདས་ལ་མངོན་པར་བསྟོད་པ། ས་དང་བར་སྣང་དང་ནི་ལྷའི་ཡུལ་ནའང་། །བདེ་གཤེགས་ཁྱོད་མཉམ་མ་མཆིས་ལྷག་མ་མཆིས། །
D60.042.0024b06.01མཚན་མར་གཟུང་ནས་ཕྱིན་ཅི་ལོག་ཞུགས་པའི། །འགྲོ་བ་སྨིག་རྒྱུ་འདྲ་བར་ཁྱོད་ཀྱིས་མཁྱེན། །འདི་ན་བྱེད་པ་ཚོར་བ་སེམས་ཅན་མེད། །གང་ཟག་མེད་ཅིང་བདག་གིར་བྱ་བ་མེད། །ཆོས་ཀུན་སྟོང་ཞིང་བྱེད་པ་ཀུན་ལས་དབེན། །རང་བཞིན་མེད་ཅིང་གཡོ་མེད་ཞི་ཞེས་བསྟན། །སུ་ཞིག་
D60.042.0024b07.01