完整藏文原文 · 德格版页 当前仅加载第 42 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བའི་ཐུགས་མངའ་དེ་རྟག་མདུན་དུ་བདར། །ཞི་བའི་དགོན་པར་ཞི་བ་བསྟེན་མཛད་པས། །སྟོན་པ་འཇིགས་བྲལ་དེ་ནི་དེར་དགྱེས་སོ། །རྒྱལ་པོས་སྨྲས་པ། །སྔན་ཆད་གཞོན་ནུ་ཁྱིམ་ན་གནས་པའི་ཚེ། །ཡན་ལག་སྤོས་ཀྱི་འབྲུ་མར་ཞིམ་བྱུགས་ཏེ། །
D60.042.0010a01.01རྒྱལ་པོའི་རྐྱེན་དུ་འོས་པས་ཁྲུས་བྱས་ན། །ནགས་ཀྱི་མཐའ་ན་ཐུབ་པ་སུ་ཡིས་བཀྲུ། །འཆར་ཀས་སྨྲས་པ། ཁྲིམས་གཙང་འབབ་སྟེགས་ཆོས་ཆུ་རྫིང་བུ་སྟེ། །ཐུབ་པ་དེས་བཀྲུས་གཞན་ཡང་བཀྲུ་བ་མཛད། །སྐུ་ལ་མི་གཤེར་སྲས་དང་བཅས་སུ་འབོག །རང་ཡང་
D60.042.0010a02.01རྒལ་ལ་སྐྱེ་བོ་ཕལ་ཆེར་སྒྲོལ། །རྒྱལ་པོས་སྨྲས་པ། གསེར་གྱི་སྐུད་པ་ནོར་བུའི་ཕྲེང་བས་བརྒྱན། །རྒྱལ་པོའི་རྐྱེན་འོས་གོས་མཆོག་བཟང་པོ་གྱོན། །ཙན་དན་ཞིམ་པོས་ཤིང་འདབ་ལེགས་པར་བྲིས། །ནགས་ཆེན་དེ་གསེབ་ཐུབ་པ་སུ་ཡིས་བརྒྱན། །འཆར་ཀས་སྨྲས་
D60.042.0010a03.01པ། ཚུལ་ཁྲིམས་སྤོས་བྱུགས་ཡོན་ཏན་ཕྲེང་བས་བརྒྱན། །ཁྲེལ་ཡོད་ན་བཟའ་ཏིང་འཛིན་བསམ་གཏན་རྒྱན། །མངོན་ཤེས་རིག་པ་རྣམ་ཐར་བརྒྱན་པའི་སྐུ། །རྣམ་གྲོལ་གཟི་མངའ་ཐུབ་པ་ནགས་ན་མཛེས། །རྒྱལ་པོས་སྨྲས་པ། རྩེ་གཉིས་མཚོན་དང་རལ་གྲི་
D60.042.0010a04.01མཚོན་ཐོགས་པའི། །དཔའ་བོ་གཡུལ་དུ་འོངས་པས་ལུས་བསྲུངས་ཏེ། །བླ་རེ་གདུགས་ཀྱིས་རྟག་ཏུ་དགབ་དགབ་པ། །གཅིག་པུ་ནགས་ན་འདུག་ན་སུ་ཡིས་བསྲུང་། །འཆར་ཀས་སྨྲས་པ། བྱམས་པའི་སྟོབས་ཀྱིས་ཐུབ་པ་ཡོངས་བསྲུངས་ཏེ། །དེ་དཔུང་ཡེ་ཤེས་
D60.042.0010a05.01ཉན་ཐོས་ཞབས་འབྲིང་གཡོག །ཡོན་ཏན་ཚོགས་ལ་ངེས་པས་འཇིགས་མི་མངའ། །སྟོབས་བཅུ་དགྱེས་པ་མངའ་ཞིང་མི་འཇིགས་བརྙེས། །རྒྱལ་པོས་སྨྲས་པ། ང་ཡི་བུ་ཡི་ཡོན་ཏན་ཁྱོད་ཀྱིས་སྨྲས། །ཆོས་ལེགས་སྤྱོད་ཅིང་དུབ་མེད་བརྗོད་པ་ཐོས། །ཁྱོད་ཀྱང་
D60.042.0010a06.01ཟན་ཟོ་བསོད་སྙོམས་བཀུར་བར་གྱིས། །བདག་ཀྱང་མི་ཡི་དབང་པོ་ལྟར་འགྲོ་འོ། །དེ་སྐད་ཅེས་སྨྲས་པ་དང་། ཚེ་དང་ལྡན་པ་འཆར་ཀས་རྒྱལ་པོ་ཟས་གཙང་མ་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་བཅོམ་ལྡན་འདས་དེ་ནི་ཚོགས་ཀྱི་སློབ་དཔོན། ཚོགས་ཀྱི་
D60.042.0010a07.01