完整藏文原文 · 德格版页 当前仅加载第 42 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
མ་མཆིས་མུན་མ་མཆིས། །གཟུགས་མེད་མ་ལགས་གཟུགས་ཅན་མིན། །གཟུང་བ་མ་མཆིས་གྲོལ་མ་མཆིས། །ཁྱོད་ཀྱིས་རང་བཞིན་ཐུགས་སུ་ཆུད། །ལྷའི་བུ་མིག་དཔས་ཀྱིས་གསོལ་པ། ཡུལ་དང་ཕྱོགས་ན་མི་གནས་པ། །ཡོད་དང་མེད་པ་མ་
D60.042.0097a01.01ལགས་པར། །རྨི་ལམ་འདོད་པ་ཇི་བཞིན་དུ། །དེ་དག་རང་བཞིན་ཁྱོད་ཀྱིས་གཟིགས། །ལྷའི་བུ་མིག་མི་འཛུམས་ཀྱིས་གསོལ་པ། བྱིས་པ་རྣམས་ཀྱི་བློ་རྨོངས་པ། །མ་སྐྱེས་པ་དང་མ་འགགས་པ། །བར་ནའང་གནས་པ་མ་མཆིས་པ། །དེ་དག་རང་བཞིན་ཁྱོད་ཀྱིས་
D60.042.0097a02.01གཟིགས། །ལྷའི་བུ་སྟོང་པ་ཉིད་ལ་གནས་པས་གསོལ་པ། གང་ཟག་སེམས་ཅན་མ་མཆིས་པ། །མ་མཆིས་ཐ་སྙད་མ་མཆིས་པ། །བསྟན་པའི་སླད་དུ་བརྗོད་བགྱི་བ། །དེ་དག་རང་བཞིན་ཁྱོད་ཀྱིས་གཟིགས། །ལྷའི་བུ་མཚན་མ་མེད་པ་ལ་གནས་པས་གསོལ་པ། གང་
D60.042.0097a03.01གིས་ཐ་སྙད་གདགས་པ་ཡི། །མཚན་མ་དེ་དག་མ་མཆིས་ཏེ། །ཆོས་ཀུན་མཚན་མ་མ་མཆིས་པར། །རྣམ་པར་འདྲེན་པ་ཁྱོད་ཀྱིས་གཟིགས། །ལྷའི་བུ་སྨོན་པ་མེད་པ་ལ་གནས་པས་གསོལ་པ། ཇི་ལྟར་མཚན་མ་སྟོང་གྱུར་ཅིང་། །སྨོན་པ་དམིགས་སུ་མ་མཆིས་དང་། །
D60.042.0097a04.01སུ་ལ་སྨོན་ལམ་མཆིས་གྱུར་པ། །དེ་ཡང་དེ་ལྟའི་ཚུལ་དུ་མཁྱེན། །ལྷའི་བུ་ཏིང་ངེ་འཛིན་ལ་གཞོལ་བས་གསོལ་པ། རྣམ་ཐར་སྒོ་ལ་བརྟེན་བགྱིས་ཤིང་། །གང་ཞིག་གྲོལ་འགྱུར་དེ་མ་མཆིས། །དེ་བཞིན་ཀུན་ནས་ཉོན་མོངས་པ། །དེ་དག་རང་བཞིན་ཁྱོད་ཀྱིས་གཟིགས། །
D60.042.0097a05.01ལྷའི་བུ་མ་སྨད་པས་གསོལ་པ། ཁྱོད་ནི་སྡིག་པ་ཀུན་སྤངས་ཤིང་། །བསོད་ནམས་ཐམས་ཅད་བསགས་གྱུར་ཏེ། །བདེ་གཤེགས་ཁྱོད་ལ་སྨད་མི་མངའ། །སུ་སྨོད་དེ་དག་མཁས་མ་ལགས། །ལྷའི་བུ་གློག་གི་སྤྲིན་གྱིས་གསོལ་པ། ཇི་ལྟར་གློག་བཅས་སྤྲིན་གྱི་ཚོགས། །
D60.042.0097a06.01ཆར་གྱིས་ས་ཆེན་ངོམས་པར་བགྱིད། །དེ་བཞིན་འདྲེན་པས་ཆོས་ཆར་གྱིས། །འཇིག་རྟེན་རྣམས་ནི་ངོམས་པར་མཛད། །ལྷའི་བུ་བསམ་པ་དོན་ཡོད་ཀྱིས་གསོལ་པ། ཐུབ་ཁྱོད་གསུང་ནི་དོན་མཆིས་ཏེ། །ཆོས་ཀྱི་འཁོར་ལོ་རབ་ཏུ་བསྐོར། །ཤིན་ཏུ་བརྟགས་ཏེ་མཛད་
D60.042.0097a07.01