完整藏文原文 · 德格版页 当前仅加载第 42 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཀྱང་ངོ་མཚར་དུ་གྱུར་ཏེ། དེ་དག་གྲོང་དུ་དོང་ནས་ཀྱེ་གྲོགས་པོ་དག་འདི་ལྟར་ལྷའི་བུ་ཞིག་བར་སྣང་ལས་བབས་ཏེ། རྒྱལ་པོའི་སྐྱེད་མོས་ཚལ་འདིར་ཕྱིན་ཏོ་ཞེས་ཚིག་ཏུ་བརྗོད། སྒྲ་བསྒྲགས་སོ། །རྒྱལ་པོ་ཆེན་པོ་དེ་ནས་ཡུལ་འཁོར་གྱི་མི་དང་རྒྱལ་པོར་བཅས་པས་དེ་སྐད་ཐོས་ནས་
D60.042.0161b01.01མྱུར་བ་མྱུར་བར་རིངས་པའི་གཟུགས་སུ་གླུ་དང་། རོལ་མོ་དང་། མེ་ཏོག་དང་། སྤོས་དང་། ཕྲེང་བ་དང་། བདུག་སྤོས་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དང་། བླ་རེ་དག་ཐོགས་ནས་གཙང་སྦྲའི་སྤྱོད་པས་གྲོང་ཁྱེར་དེ་ནས་བྱུང་སྟེ། སྐྱེད་མོས་ཚལ་དེ་
D60.042.0161b02.01ག་ལ་བ་དེར་དོང་ངོ་། །རྒྱལ་པོ་ཆེན་པོ་རྒྱལ་པོ་ང་ལས་ནུ་དེ་སྐྱེད་མོས་ཚལ་དེར་འདུག་མ་ཐག་ཏུ་ས་ཆེན་པོ་འདི་ཡང་རྣམ་པ་དྲུག་ཏུ་གཡོས་པར་གྱུར་ཏོ། །རྒྱལ་པོ་ཆེན་པོ་དེ་ནས་ཡུལ་འཁོར་གྱི་མི་དང་རྒྱལ་པོར་བཅས་པ་མིའི་དྲི་ཁྱད་པར་དུ་འཕགས་པས་རྒྱལ་པོ་ང་ལས་ནུའི་དྲུང་དུ་དོང་བ་
D60.042.0161b03.01དང་། རྒྱལ་པོ་ང་ལས་ནུ་ལྷའི་ལོངས་སྤྱོད་ལ་གོམས་པས་མིའི་ལོངས་སྤྱོད་མི་བཟོད་པར་གྱུར་ནས་ས་ལ་བྱིང་ཞིང་མི་གནས་པར་གྱུར་ཏེ། འདི་ལྟ་སྟེ་དཔེར་ན་མར་གྱི་གོང་བུའམ། མར་སར་གྱི་གོང་བུ་བྱེ་མ་ཚ་བ་ལ་བཞག་ན་ཞུ་ཞིང་མི་གནས་པ་དེ་བཞིན་དུ་ཡུལ་འཁོར་གྱི་མི་དང་རྒྱལ་པོར་བཅས་
D60.042.0161b04.01པས་དེ་བྱིང་བར་གྱུར་པ་མཐོང་ནས་ཁྱོད་སུ་ཞིག་ལགས་ཤེས་དྲིས་སོ། །དེ་ནས་རྒྱལ་པོ་ང་ལས་ནུས་རྒྱལ་པོ་དང་། ཡུལ་འཁོར་གྱི་མིར་བཅས་པ་དེ་དག་ལ་འདི་སྐད་ཅེས་སྨྲས་སོ། །ཁྱེད་ཀྱིས་རྒྱལ་པོ་ང་ལས་ནུ་ཞེས་བྱ་བ་ཞིག་བྱུང་བ་དེ་ཐོས་སམ། དེ་དག་གིས་སྨྲས་པ། བདག་ཅག་
D60.042.0161b05.01གིས་རྒན་རབས་དག་ལས་རྒྱལ་པོ་ང་ལས་ནུ་ཞེས་བགྱི་བ་ཞིག་ལུས་དེ་ཉིད་ཀྱིས་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་མཐོ་རིས་སུ་བཞུད་དོ་ཞེས་ཐོས་སོ། །རྒྱལ་པོ་ང་ལས་ནུས་དེ་དག་ལ་སྨྲས་པ། གྲོགས་པོ་དག་རྒྱལ་པོ་ང་ལས་ནུ་ཞེས་བྱ་བ་དེ་ནི་ཁོ་བོ་ཡིན་ཏེ། མཐོ་རིས་
D60.042.0161b06.01ནས་ཉམས་ནས་ལྷུང་བར་གྱུར་ཏོ་ཞེས་སྨྲས་ནས། རྒྱལ་པོ་དང་ཡུལ་འཁོར་གྱི་མིར་བཅས་པ་དེ་དག་གིས་གླུའི་དབྱངས་ཀྱི་ཚིགས་སུ་བཅད་པས་དེ་ལ་འདི་སྐད་ཅེས་སྨྲས་སོ། །བདག་ཅག་རྣམས་ཀྱིས་རྒན་རབས་ལས། །མི་ཡི་བདག་པོ་རྫུ་འཕྲུལ་ཆེ། །མྱ་ངན་བྲལ་ཞིང་གྲགས་ཆེན་ལྡན། །
D60.042.0161b07.01