完整藏文原文 · 德格版页 当前仅加载第 42 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་ཉི་མ་ནུབ་པར་གྱུར་པའི་ཚེ། །ཉི་མ་མི་མཐོང་སེམས་ཅན་དེ་དག་ཤེས། །དེ་བཞིན་བདེ་གཤེགས་སྲས་པོ་ཚུལ་ཤེས་པ། །ཡེ་ཤེས་དམ་པ་ཐོབ་པར་འགྱུར་དུ་ཤེས། །ཆུ་ཀླུང་ཇི་ལྟར་གཞོལ་བར་འབབ་འགྱུར་ཞིང་། །རྒྱ་མཚོར་འབབ་པར་མཁས་པ་རྣམས་
D60.042.0068a01.01ཀྱིས་ཤེས། །དེ་བཞིན་བདེ་གཤེགས་སྲས་པོ་ཚུལ་ཤེས་པ། །བྱང་ཆུབ་རྒྱ་ཆེན་ཐོབ་པར་འགྱུར་བར་ཤེས། །ཇི་ལྟར་གནམ་དུ་བོང་བ་འཕངས་པ་ནི། །ས་ལ་ལྟུང་བར་འགྱུར་དུ་ཐེ་ཚོམ་མེད། །དེ་བཞིན་རྒྱལ་སྲས་མཁས་པ་དེ་དག་ཀྱང་། །འཇིག་རྟེན་མཁས་པ་མྱུར་འགྱུར་ཡེ་ཤེས་
D60.042.0068a02.01འཇུག །གང་ཐོས་ནས་ནི་ཐེ་ཚོམ་མེད་འགྱུར་ཞིང་། །སངས་རྒྱས་ཡོན་ཏན་གནས་པར་བདག་ཤེས་ལ། །རང་གི་སར་ཉེ་ལག་སྟོང་མ་ཡིན་པར། །མཁས་པ་རྣམས་ཀྱི་ཆོས་ཉིད་རབ་ཏུ་མཐོང་། །གལ་ཏེ་བདུད་ཀྱི་ཚོགས་ནི་བྱེ་བ་དག །སངས་རྒྱས་གཟུགས་བསྒྱུར་བར་ཆད་སྨྲས་བྱས་
D60.042.0068a03.01ཀྱང་། །ཆོས་ལ་མཁས་པ་ཆོས་ཉིད་རབ་མཐོང་བ། །དེ་དག་བྱང་ཆུབ་ལས་ནི་བཟློག་མི་ནུས། །དེ་ལྟར་སངས་རྒྱས་ཡོན་ཏན་རབ་གནས་ཤིང་། །བདག་གིས་བདག་ཉིད་ལུང་བསྟན་རྗོད་བྱེད་པ། །དེ་ལ་འདྲེན་པ་ཆོ་ག་ཚུལ་མཁྱེན་པ། །མི་དབང་ལུང་བསྟན་དེ་ལ་ཡི་རང་མཛོད། །དེ་
D60.042.0068a04.01ལྟར་ལྷ་ཚོགས་འདི་དག་ཚུལ་འདི་ལ། །གཞན་གྱི་དྲིང་ལ་མི་འཇོག་མངོན་ཤེས་ཤིང་། །དེ་དག་བདེ་གཤེགས་འགྱུར་ཞེས་རང་སྨྲ་ལ། །འཇིག་རྟེན་མཁས་པ་རྗེས་སུ་ཡི་རང་མཛད། །རྟ་ཐུལ་དེ་བས་མཁས་པ་གང་གི་རྣམས། །བླ་མེད་བྱང་ཆུབ་ཐོབ་པར་བྱར་སེམས་པ། །དེ་དག་
D60.042.0068a05.01ཚུལ་འདི་ཤེས་པར་གང་གྱུར་པའི། །འཕགས་པའི་སྐྱེ་བོ་མཁས་ལ་བསྟེན་པར་བྱ། །གང་དག་ཚུལ་ལ་འཇུག་པ་རབ་མཐོང་ཞིང་། །མཁས་པ་གང་དག་བདེ་གཤེགས་བསྙེན་བཀུར་བ། །དེ་དག་བྱང་ཆུབ་ལག་མཐིལ་འདྲ་བར་གསལ། །ཚུལ་ཤེས་དེ་དག་རང་གིས་རང་འབྱུང་འགྱུར། །
D60.042.0068a06.01གང་གིས་བསྐལ་པ་སྟོང་དུ་དཀའ་ཐུབ་སྤྱད། །ཤ་ཁྲག་པགས་ལ་མི་ལྟ་བྱས་པ་བས། །གང་གིས་ཚུལ་འདི་སྐད་ཅིག་རྟོགས་གྱུར་ན། །དེ་ནི་ཁྱད་འཕགས་དཀའ་ཐུབ་ད་ལྟར་མིན། །འདས་པའི་རང་བྱུང་གང་རྣམས་བྱུང་བ་དང་། །མ་འོངས་སེམས་ཅན་ཕན་བཞེད་གང་འབྱུང་དང་། །
D60.042.0068a07.01