完整藏文原文 · 德格版页 当前仅加载第 42 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
རྟུལ་པོ་དུར་ཁྲོད་བསྟེན། །རང་གི་འདོད་ཆགས་ཞི་བར་བགྱིད། །རྐང་གཉིས་གཙོ་བོའི་ཞལ་མཐོང་ནས། །སྲེད་དང་བཅས་པ་ཁྱོད་ལ་ལྟ། །ལྷའི་བུ་དབང་པོ་རྟོགས་ཀྱིས་གསོལ་པ། འདོད་ཆགས་ཅན་དང་འདོད་ཆགས་དང་། །ཞི་དང་ཤེས་དང་མི་ཤེས་
D60.042.0107a01.01དང་། །སྲིད་པ་ཞི་དང་དབང་པོ་རྣམས། །རྣམ་པར་གཟིགས་ན་སྔོན་མ་དམིགས། །ལྷའི་བུ་དབང་པོ་ལ་གནས་པས་གསོལ་པ། ཞེ་སྡང་གཉེན་པོར་གྱུར་པ་ཡི། །གནོད་སེམས་མེད་དང་དབེན་པ་དག །དབང་པོ་རྟུལ་པོ་སྟེན་པའི་ཚེ། །ཁྱོད་ཀྱིས་འགྲོ་བའི་བསམ་པ་
D60.042.0107a02.01གཟིགས། །ལྷའི་བུ་དབང་པོ་ལ་བརྩོན་པས་གསོལ་པ། ཞེ་སྡང་གཉེན་པོར་བྱམས་པ་གསུང་། །སེམས་ཅན་ཤེས་པ་རྗེས་སུ་སྐྱེ། །ཞེ་སྡང་ཁམས་ནི་ཞི་བར་བགྱིད། །དེ་དག་མི་མཆོག་ཁྱོད་ཀྱིས་མཁྱེན། །ལྷའི་བུ་དབང་པོ་ཚོལ་བས་གསོལ་པ། གནོད་སེམས་
D60.042.0107a03.01མེད་དང་བྱམས་པ་དང་། །ཞི་བའི་ངོ་བོ་ཉིད་མ་གཟིགས། །དག་དང་ཉོན་མོངས་མ་དམིགས་ཏེ། །དེས་ན་འཇིག་རྟེན་ཁྱད་པར་འཕགས། །ལྷའི་བུ་དབང་པོ་རྗེས་སུ་འབྲང་གིས་གསོལ་པ། ལོག་པར་རྣམ་པར་རྟོག་པ་དང་། །ལོག་པར་ཉེ་བར་སྟོན་པ་ཡང་། །ཉོན་མོངས་དམ་
D60.042.0107a04.01ཕྱིར་ཀུན་སྦྱོར་ཏེ། །བཟློག་པས་ཐར་པར་འགྱུར་བ་གཟིགས། །ལྷའི་བུ་ཡེ་ཤེས་ཡང་དག་ཤར་གྱིས་གསོལ་པ། འདོད་ཆགས་ཞེ་སྡང་གཏི་མུག་དང་། །དངོས་ལ་འཛིན་པ་མུན་པ་སྟེ། །བཟློག་པས་སྣང་བ་ཆེན་པོར་འགྱུར། །དེ་ནི་གྲགས་ཆེན་ཁྱོད་ཀྱིས་མཁྱེན། །ལྷའི་བུ་
D60.042.0107a05.01ཡེ་ཤེས་འདོད་ཆགས་ཆད་པས་གསོལ་པ། འདོད་ཆགས་ཞེ་སྡང་གཏི་མུག་དང་། །མུན་པ་སྣང་བ་དངོས་པོ་རྣམས། །རང་བཞིན་ཉིད་ཀྱིས་མ་མཆིས་ཏེ། །དེ་ནི་རྐང་གཉིས་གཙོ་བོས་གཟིགས། །ལྷའི་བུ་སྣང་བ་འཛིན་གྱིས་གསོལ་པ། སེམས་ཅན་གང་གི་ཤེས་པ་གང་། །
D60.042.0107a06.01ཇི་ཙམ་ཡོངས་སུ་བསྒྲུབ་བགྱིས་དང་། །སྣོད་དུ་གང་རུང་ཇི་སྙེད་པ། །དེ་དག་མི་མཆོག་ཁྱོད་ཀྱིས་མཁྱེན། །ལྷའི་བུ་དབང་པོ་དང་ཞེ་འགྲས་པས་གསོལ་པ། །ཉོན་མོངས་སྤང་ཕྱིར་ཤེས་གང་གིས། །ཤེས་པ་དེ་ལ་རྟོག་བགྱིད་པ། །དེ་ཡང་སྟོན་པ་ཁྱོད་ཀྱིས་མཁྱེན། །དེ་
D60.042.0107a07.01