完整藏文原文 · 德格版页 当前仅加载第 42 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད། །ལྷའི་བུ་སེམས་ལ་ཡང་དག་པར་རྟོགས་པས་གསོལ་པ། །སྒྱུ་མའི་མཁན་ནམ་སློབ་མ་བཞིན། །གང་གིས་འགྲོ་བ་འདི་བཅིངས་པའི། །སེམས་དེ་ཁྱོད་ཀྱིས་ཡང་དག་བརྟགས། །དེ་ནི་ཁྱོད་ཀྱིས་ཇི་བཞིན་མཁྱེན། །ལྷའི་བུ་སེམས་ཀྱི་སྤྱོད་ཡུལ་
D60.042.0103a01.01ལ་སྤྱོད་པས་གསོལ་པ། སེམས་ཀྱི་སྤྱོད་ཡུལ་ཁྱོད་ཀྱིས་མཁྱེན། །རྣམ་པར་འདྲེན་པ་རྨི་ལམ་ན། །ཇི་ལྟར་ཚོགས་ཀྱི་གྲངས་བཞིན་དུ། །བྱིས་པའི་སེམས་རྨོངས་བགྱིད་པར་གཟིགས། །ལྷའི་བུ་སེམས་ཀྱི་དབང་ཕྱུག་གིས་གསོལ་པ། །དུལ་གྱུར་ལས་སུ་རུང་བ་ཡི། །སེམས་
D60.042.0103a02.01ཀྱི་རང་བཞིན་རྟོག་མེད་པ། །གང་ལ་འཇིག་རྟེན་གཏིང་མི་རྙེད། །མཚན་ཉིད་བརྟན་པ་ཁྱོད་ཀྱིས་གཟིགས། །ལྷའི་བུ་སེམས་ལ་དཔའ་བས་གསོལ་པ། གང་གིས་སེམས་ལ་སེམས་མེད་ཤེས། །མཁས་པ་སྒྱིད་ལུག་མི་འགྱུར་ཞིང་། །བདུད་སྡེ་རབ་ཏུ་འདུལ་བགྱིད་པ། །དེ་དག་འདིར་
D60.042.0103a03.01ནི་དཔའ་ཞེས་བགྱི། །ལྷའི་བུ་སེམས་ཀྱིས་ཡང་དག་འཕགས་ཀྱིས་གསོལ་པ། གང་དག་སེམས་ལ་སེམས་མེད་ཤེས། །དེ་དག་སངས་རྒྱས་སྲས་ལགས་ཏེ། །དཔའ་ཆེན་སངས་རྒྱས་ཆོས་རྣམས་ལ། །སྐྱེས་བུ་དེ་དག་ཡང་དག་འཕགས། །ལྷའི་བུ་ཞི་བའི་སེམས་ཀྱིས་གསོལ་པ།
D60.042.0103a04.01གང་གིས་སེམས་ལ་དབང་བགྱིས་པ། །སེམས་ཅན་དེ་དག་ཞི་རབ་ཞི། །བདུད་ཀྱི་ཞགས་ལས་རབ་གྲོལ་བས། །དེ་དག་བདུད་ཀྱི་དབང་མི་མཆི། །ལྷའི་བུ་སེམས་མཉེན་པས་གསོལ་པ། མི་རྣམས་གང་དག་སེམས་མཉེན་ཞིང་། །བསྙེན་པར་དཀའ་དང་དཔའ་བ་དང་། །ཁྱོད་ཀྱི་བསྟན་
D60.042.0103a05.01ལ་གང་མོས་པ། །དེ་དག་འདོད་པར་ཞུམ་མི་འགྱུར། །ལྷའི་བུ་སེམས་དག་པས་གསོལ་པ། སེམས་དག་ལས་རྣམས་གཙང་གྱུར་ཅིང་། །ཡང་དག་རྟོགས་པས་སྤྱོད་བགྱིད་པ། །དེ་དག་རྒྱལ་བའི་བསྟན་ཐོས་ནས། །ཟབ་མོ་རྣམས་ལ་ཞུམ་མི་འགྱུར། །ལྷའི་བུ་ཆོས་ཉིད་ལ་གནས་
D60.042.0103a06.01པས་གསོལ་པ། གང་གི་ཡིད་ནི་ཆོས་ཉིད་ལ། །རབ་ཏུ་དགའ་ཞིང་ཐོགས་མེད་པ། །དེ་དག་མི་དབང་སྲས་པོ་སྟེ། །ཞི་བའི་སར་ནི་ཕྱིན་པ་ལགས། །ལྷའི་བུ་ཆོས་ལ་སེམས་པས་གསོལ་པ། ཆོས་རྣམས་ཐམས་ཅད་ཆོས་དབྱིངས་སུ། །འདྲེན་པ་དེ་ལ་བསླབས་པ་རྣམས། །ཆོས་
D60.042.0103a07.01