完整藏文原文 · 德格版页 当前仅加载第 42 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཆོས་ཐམས་ཅད་རང་བཞིན་མ་མཆིས་པ་ནི་བྱང་ཆུབ་ལགས་པར་རིག་པར་བགྱིའོ། །ཐ་ན་མཚམས་མེད་པ་རྣམས་ཀྱང་བྱང་ཆུབ་བོ། དེ་ཅིའི་སླད་དུ་ཞེ་ན། བཅོམ་ལྡན་འདས་བྱང་ཆུབ་ནི་རང་བཞིན་མ་མཆིས་པ་སྟེ། མཚམས་མེད་པ་རྣམས་ཀྱང་རང་བཞིན་མ་མཆིས་
D60.042.0067a01.01པ་ལགས་པས་དེའི་སླད་དུ་མཚམས་མེད་པ་རྣམས་ཀྱང་བྱང་ཆུབ་ཅེས་བགྱིའོ། །བཅོམ་ལྡན་འདས་ཕུང་པོ་མ་ལུས་པའི་མྱ་ངན་ལས་འདས་པའི་དབྱིངས་ནི་རང་བཞིན་མ་མཆིས་པ་སྟེ། མཚམས་མེད་པ་རྣམས་ཀྱང་དེའི་རང་བཞིན་ནོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་ཐམས་ཅད་
D60.042.0067a02.01ནི་ཕུང་པོ་མ་ལུས་པའི་མྱ་ངན་ལས་འདས་པའི་དབྱིངས་ཏེ། མཚམས་མེད་པ་རྣམས་ཀྱང་དེའི་རང་བཞིན་ནོ། །བཅོམ་ལྡན་འདས་གང་སུ་དག་ཡོངས་སུ་མྱ་ངན་ལས་འདའ་བར་འཚལ་བ་དེ་དག་ནི་གནོད་པར་འགྱུར་བའི་ཆོས་ཅན་ཏེ། དེ་ཅིའི་སླད་དུ་ཞེ་ན། གལ་ཏེ་འཁོར་བར་ཞུགས་པ་ཞིག་
D60.042.0067a03.01མཆིས་ན་ནི་མྱ་ངན་ལས་འདའ་བ་ཡང་བཙལ་བར་འགྱུར་ན། ཡང་དག་པའི་མཐའ་ལ་ནི་འཁོར་བར་ཞུགས་པ་གང་ཡང་མ་མཆིས་ན་དེ་མྱ་ངན་ལས་འདས་པ་ཅི་ཞིག་ཚོལ་བར་འགྱུར། བཅོམ་ལྡན་འདས་ཡང་དག་པའི་མཐའ་ནི་གཉིས་སུ་མ་མཆིས་པ་སྟེ། བཅོམ་ལྡན་འདས་དེ་ལ་
D60.042.0067a04.01བདག་ཅག་སོམ་ཉི་མ་མཆིས་ཐེ་ཚོམ་མ་མཆིས་སོ། །བཅོམ་ལྡན་འདས་གང་ལ་ལ་ཞིག་ཆོས་འདི་ལ་ནེམ་ནུར་དང་ཐེ་ཚོམ་མ་མཆིས་ན་དེ་ནི་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D60.042.0067a05.01ཏུ་ལུང་བསྟན་པར་འཚལ་བར་བགྱིའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ལྷའི་རྒྱལ་པོ་རབ་འཕྲུལ་ལ་སོགས་པ། འཕྲུལ་དགའ་རིས་ཀྱི་ལྷ་བྱེ་བ་ཕྲག་བདུན་ཅུ་པོ་དེ་དག་རང་གིས་རང་ལུང་བསྟན་པ་གསན་ནས་འགྲོ་བ་ཐམས་ཅད་རབ་ཏུ་དགའ་བར་བྱ་བའི་ཕྱིར་དེའི་ཚེ་འཛུམ་པ་
D60.042.0067a06.01མཛད་དོ། །དེ་ནས་ཚེ་དང་ལྡན་པ་རྟ་ཐུལ་གྱིས་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། འཇིག་རྟེན་ཕན་པར་བཞེད་པས་འཛུམ་པ་མཛད། །འཛུམ་པའི་རྒྱུ་ནི་ཁྱོད་ཀྱིས་མ་བསྟན་ཏེ། །རང་བྱུང་སྐྱེས་བུ་དམ་པ་གང་དག་ཀྱང་། །རྒྱུ་མ་མཆིས་པར་འཛུམ་པ་མི་མཛད་པས། །
D60.042.0067a07.01