完整藏文原文 · 德格版页 当前仅加载第 42 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀུན་གཟིགས། །སྐྱེས་བུས་ཇི་ལྟར་རྔ་དེ་བརྡུངས་པའི་ཚེ། །སྒྲ་དེ་ཡན་ལག་མ་བྱུང་རང་དབང་མིན། །ཇི་ལྟར་སྒྲ་བཞིན་ཁྱོད་ཀྱི་ཡན་ལག་སྟོང་། །མི་དབང་ཁྱོད་ཀྱིས་དེ་བཞིན་ཆོས་ཀུན་གཟིགས། །དེ་ནས་བཅོམ་ལྡན་འདས་ཀྱིས་ཚངས་རིས་ཀྱི་ལྷ་དེ་དག་
D60.042.0074a01.01དང་། མི་མཇེད་ཀྱི་བདག་པོ་ཚངས་པ་དེའི་ལྷག་པའི་བསམ་པ་ཐུགས་སུ་ཆུད་ཅིང་ཞི་གནས་དང་ཡེ་ཤེས་མཐོང་བའི་བསྟོད་པ་དེས་དེ་ལྟར་བསྟོད་པས་འཁོར་དེ་ཡང་དགེ་བའི་རྩ་བ་བསགས་པར་གྱུར་པར་གཟིགས་ནས་དེའི་ཚེ་འཛུམ་པ་མཛད་དོ། །དེ་ནས་ཚེ་དང་ལྡན་པ་རྟ་ཐུལ་
D60.042.0074a02.01གྱིས་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། ཤཱཀྱ་ཐུབ་པའི་ཞལ་ནས་འཛུམ་མཛད་དྲི་མེད་དག་མཐོང་ནས། །ལྷར་བཅས་མིར་བཅས་ཀླུ་དང་གནོད་སྦྱིན་བཅས་པའི་འཇིག་རྟེན་ཀུན། །སྐྱོབ་པའི་འཛུམ་མཐོང་ཐམས་ཅད་ལྡན་པའི་འགྲོ་བ་ཐེ་ཚོམ་འཚལ། །
D60.042.0074a03.01བདེ་གཤེགས་ཞལ་{བཟངས་,བཟང་}དེ་ལ་ལྟ་ཞིང་ཐོས་པར་དགའ་སྟེ་སྡོད། །རྒྱལ་བ་འཛུམ་མཛད་ལེགས་པར་བཀའ་སྩོལ་ཐེ་ཚོམ་དགུམ་དུ་གསོལ། །རྣམ་པར་འདྲེན་པ་ཐུབ་མཆོག་ཀུན་མཁྱེན་སངས་རྒྱས་འདྲེན་པ་རྣམས། །རྒྱུ་མ་མཆིས་པར་འཇིག་རྟེན་དོན་བྱེད་འཛུམ་མཛད་མ་
D60.042.0074a04.01མཐོང་ན། །བདེ་གཤེགས་ཁྱོད་ཀྱིས་གང་སླད་འཛུམ་མཛད་ཐེ་ཚོམ་རྒྱུ་དེ་གསུངས། །རྒྱལ་བ་འཛུམ་མཛད་རྒྱུ་ཐོས་འགྲོ་བ་རྣམས་ནི་དགའ་བར་འགྱུར། །འཁོར་འདི་ཐེ་ཚོམ་འཚལ་ནས་ཐལ་མོ་སྦྱར་ཏེ་ཁྱོད་ལ་སེམས། །བདེ་གཤེགས་ཐུབ་པའི་གསུང་མཆོག་ཐེ་ཚོམ་
D60.042.0074a05.01གཅོད་པ་ཉན་འཚལ་ན། །རྣམ་འདྲེན་ཐུབ་པ་འཛུམ་མཛད་རྒྱུ་དེ་དེ་དག་རྣམས་ལ་གསུངས། །ཐོས་ནས་འགྲོ་བ་དགའ་ཞིང་ཐེ་ཚོམ་མ་མཆིས་འཕེལ་བར་འགྱུར། །འཁོར་འདི་སྙིང་བོ་ལྡན་ཞིང་རྙོག་མེད་སངས་རྒྱས་ཡོན་ཏན་འཚལ། །སྟོན་པ་ཁྱོད་ཀྱི་ཞལ་མཛེས་ཟླ་བ་མཛེས་
D60.042.0074a06.01པ་འདྲ་ལ་ལྟ། །འདྲེན་པ་ཆགས་མེད་རྫོགས་པ་ཚངས་པ་འདྲ་བའི་གསུང་བསྒྲགས་གསོལ། །དེ་ཐོས་འཁོར་རྣམས་ཐེ་ཚོམ་ཆད་ཅིང་ཆོས་ལ་གནས་པར་འགྱུར། །ཁྱོད་ཀྱི་ཚངས་པའི་གསུང་མཆོག་དོན་ལྡན་འཇིག་རྟེན་འདས་རིག་ནས། །སྐྱེ་བོ་དགའ་ཞིང་མགུ་བའི་ཡིད་
D60.042.0074a07.01