完整藏文原文 · 德格版页 当前仅加载第 42 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲིར་ལྷ་མ་ཡིན་གྱི་མཆོད་པ་དེ་ལྟ་བུས་རྒྱས་པར་གང་བར་གྱུར་ཏོ། །རིན་པོ་ཆེའི་ཕོ་བྲང་གི་རྡལ་དེ་དག་གིས་ཀྱང་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་སྤྱན་སྔར་འཁོད་པར་གྱུར་ཏོ། །སེར་སྐྱའི་གནས་ཀྱི་གྲོང་ཁྱེར་ཆེན་པོ་
D60.042.0023a01.01ཡང་མི་འགྲེང་བདུན་ཙམ་དུ་མེ་ཏོག་མན་དཱ་ར་བས་རྒྱས་པར་གང་བར་གྱུར་ཏོ། །སྤོས་ཆུས་ཀྱང་རྫབ་ཏུ་གྱུར་ཏོ། །སངས་རྒྱས་ཀྱི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱང་སྤོས་ཆུའི་རྫབ་ཀྱི་དྲི་དེས་ཁྱབ་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་
D60.042.0023a02.01འདིའི་སེམས་ཅན་གང་དག་གིས་སྤོས་ཆུའི་རྫབ་ཀྱི་དྲི་དེ་ཚོར་བ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏེ། བྱང་ཆུབ་ཏུ་སེམས་དང་པོ་བསྐྱེད་པ་དག་ནི་སྨོས་ཀྱང་མི་དགོས་སོ། །དེ་ནས་ལྷ་མ་ཡིན་གྱི་དབང་པོ་ཐགས་ཟངས་
D60.042.0023a03.01རིས་རིན་པོ་ཆེ་སྣ་བདུན་གྱི་ཤིང་རྟ་ལ་ཞོན་ཏེ་ལན་གསུམ་བསྐོར་བ་བྱས་ནས། བཅོམ་ལྡན་འདས་ལ་ཙན་དན་གྱི་ཕྱེ་མས་མངོན་པར་གཏོར་ཏེ། ཚིགས་སུ་བཅད་པ་དག་གིས་མངོན་པར་བསྟོད་པ། བྱང་ཆུབ་དམ་པ་དོན་དུ་གཉེར་སླད་དུ། །སྐྱབས་ཀྱི་དམ་པ་རབ་ཏུ་མི་སྒུལ་བ། །ལྷར་
D60.042.0023a04.01བཅས་འཇིག་རྟེན་མི་འཇིགས་སྩོལ་བ་པོ། །ཁྱོད་ལ་བདག་ནི་སྐྱབས་སུ་ཉེ་བར་མཆི། །གང་ལ་དགའ་བའི་ཡིད་ཀྱིས་སྐྱབས་སོང་ན། །ལོག་ལྟུང་དག་ཏུ་ལྟུང་བར་མི་འགྱུར་བ། །དེ་ལ་བདག་ནི་སྐྱབས་སུ་ཉེ་བར་མཆི། །དཔེ་མེད་བྱང་ཆུབ་འཚལ་བའི་སླད་དུའོ། །འཁོར་བའི་
D60.042.0023a05.01སྡུག་བསྔལ་དག་ནི་བཤིག་བཅོམ་ཞིང་། །མྱ་ངན་ལས་རྒལ་ཉོན་མོངས་དག་གྱུར་ལ། །འདྲེན་པ་གཞན་གྱི་དྲིང་ལ་མི་འཇོག་པ། །ཁྱོད་ལ་བདག་ནི་སྐྱབས་སུ་ཉེ་བར་མཆི། །རྒ་དང་འཆི་བས་ཉེན་པར་གྱུར་པ་ཡི། །ལྷ་དང་མི་རྣམས་འདྲེན་པ་བཅོམ་ལྡན་འདས། །གང་ལ་སྐྱབས་
D60.042.0023a06.01སོང་ཕྱིས་ཀྱང་མི་སྐྱེ་བ། །ཁྱོད་ལ་བདག་ནི་སྐྱབས་སུ་ཉེ་བར་མཆི། །དེ་ནས་ལྷ་མ་ཡིན་གྱི་དབང་པོ་ཐགས་ཟངས་རིས་ཀྱིས་བཅོམ་ལྡན་འདས་ལ་ལན་གསུམ་བསྐོར་བ་བྱས་པའི་ཚེ་རྟའི་རྒྱན་དེ་དག་དང་། ཤིང་རྟའི་རྒྱན་དེ་དག་དང་། ལྷ་མ་ཡིན་གྱི་རྒྱན་དེ་དག་དང་། གདུགས་དང་།
D60.042.0023a07.01