完整藏文原文 · 德格版页 当前仅加载第 42 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་ཀྱིས་སུ། །མི་ཡི་མཆོག་ལ་དད་པ་གང་གིས་བསྐྱེད། །དེ་བཞིན་གཤེགས་པས་གང་གི་བསམ་མཁྱེན་ཏེ། །ཡིད་དུ་འོང་བའི་འཛུམ་པ་མཛད་པར་གྱུར། །བདེ་གཤེགས་ཞལ་ནས་འཛུམ་པ་དེ་མཐོང་ནས། །འདི་ལྟར་བདེ་གཤེགས་འཛུམ་པ་མཛད་པ་
D60.042.0028a01.01འདི། །སུ་ཡི་དཔུང་བཅས་བདུད་ནི་དེང་བཅོམ་ཞེས། །འཁོར་འདི་དེ་རིང་ཐེ་ཚོམ་འཚལ་བར་གྱུར། །དྲང་སྲོང་ཆེན་པོ་རྒྱལ་བ་དགྲ་ལས་རྒྱལ། །ཐེ་ཚོམ་འཚལ་བའི་སོམ་ཉི་བཅད་དུ་གསོལ། །མི་མཆོག་ཁྱོད་ཀྱིས་དེ་རིང་འགྲོ་བ་ཡི། །ཐེ་ཚོམ་སྨྱུར་ཏེ་ལེགས་པར་བཅད་དུ་གསོལ། །དེ་
D60.042.0028a02.01ནས་ཚེ་དང་ལྡན་པ་རྟ་ཐུལ་གྱིས་ཞུ་བ་ཞུས་པའི་ལན་བཅོམ་ལྡན་འདས་ཀྱིས་ཚིགས་སུ་བཅད་དེ་ཚེ་དང་ལྡན་པ་རྟ་ཐུལ་ལ་སླར་བཀའ་སྩལ་པ། རྟ་ཐུལ་ཁྱོད་ཀྱིས་དྲི་བ་ལེགས་པར་དྲིས། །འཇིག་རྟེན་ཕན་ཕྱིར་འཛུམ་པ་ངས་བྱས་པ། །དེ་ཡིས་འབྲས་བུ་མ་ལུས་བསྟན་པར་བྱ། །བསྟན་པ་དེ་ནི་རྩེ་
D60.042.0028a03.01གཅིག་ཡིད་ཀྱིས་ཉོན། །བླ་ན་མེད་པའི་བྱང་ཆུབ་འདོད་པའི་ཕྱིར། །ལྷ་མིན་རྣམས་ཀྱིས་ང་མཆོད་འདི་བྱས་ཏེ། །དེ་དག་སེམས་ནི་ཅི་ལའང་ཆགས་མེད་པས། །ནམ་མཁའི་ངོས་ལ་ལག་མཐིལ་ཆགས་མེད་བཞིན། །ལྷ་མིན་ཚོགས་ཀྱིས་དད་པའི་ཡིད་བྱས་ཏེ། །དེ་དག་ང་ལ་མཆོད་པ་འདི་
D60.042.0028a04.01བྱས་པས། །བློ་ཅན་དེ་དག་ལྷ་མིན་རིས་བོར་ཏེ། །མཐོ་རིས་དོང་ནས་ཡུན་རིང་དགའ་བར་འགྱུར། །དེ་དག་ཕྱི་དུས་རྒྱལ་བ་མིའི་སེང་གེ །གང་གཱའི་ཀླུང་གི་བྱེ་མ་བྱེ་བ་སྙེད། །བསྙེན་བཀུར་བྱས་ནས་ཡིད་འོང་བསྐལ་པ་ལ། །དེ་དག་ཐམས་ཅད་མཚན་འཐུན་རྒྱལ་བར་འགྱུར། །དེ་ཚེ་བདེ་
D60.042.0028a05.01གཤེགས་ཁྲག་ཁྲིག་དྲུག་ཅུའི་རྣམས། །འཇིག་རྟེན་སྒྲོན་མ་ཕྱོགས་སུ་གྲགས་པ་སྟེ། །དེ་དག་མི་གནས་ཆོས་ནི་སྟོན་མཛད་ཅིང་། །ལྷ་དང་བཅས་པའི་འཇིག་རྟེན་འགྲེལ་པར་འགྱུར། །འཇིག་རྟེན་མཁས་པ་དེ་དག་རྣམས་ཀྱི་ཞིང་། །ཤིན་ཏུ་ཡངས་ཤིང་སྙིགས་མ་མེད་པར་འགྱུར། །དེ་ཚེ་
D60.042.0028a06.01ཁྲག་ཁྲིག་དྲུག་ཅུར་ཚངས་པ་ཡི། །རྒྱལ་བ་རྣམས་ཀྱིས་སྟོང་གསུམ་སྦྱོང་བར་འགྱུར། །དེ་དག་ངན་སོང་ཐམས་ཅད་སེལ་བར་མཛད། །དེ་དག་ཞིང་དེར་དགའ་བར་སྤྱོད་པར་འགྱུར། །བརྟན་པ་དེ་དག་མི་ཁོམ་ཐམས་ཅད་སྦྱོང་། །བླ་ན་མེད་པའི་ཐེག་པ་སྟོན་པར་འགྱུར། །དེ་དག་ཚེ་ཡི་
D60.042.0028a07.01