完整藏文原文 · 德格版页 当前仅加载第 75 函德格 3a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་
D343.075.0003a01.01མཐོང་ངོ་། །མཐོང་ནས་ཀྱང་ཤིན་ཏུ་རིངས་པར་བཅོམ་ལྡན་འདས་ཀྱི་ཐད་དུ་སོང་སྟེ་བཅོམ་ལྡན་འདས་ལ་གསོལ་པ། བཅོམ་ལྡན་འདས་གཤེགས་པ་ལེགས་སོ། །བཅོམ་ལྡན་འདས་བཞུགས་སུ་གསོལ། བདག་ལ་ཕན་གདགས་པའི་སླད་དུ་བཤོས་གསོལ་བར་ཅི་གནང་
D343.075.0003a02.01ཞེས་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཁྱོད་ཀྱིས་ཡོངས་སུ་བཏང་ན་ལྷུང་བཟེད་འདིའི་ནང་དུ་བྱིན་ཅིག །དེ་ནས་བྲམ་ཟེ་ཆེ་ཞིང་མཐོ་བ་གང་པོ་བྲམ་ཟེའི་ཁྱེའུ་ལྔ་བརྒྱས་གཡོག་བྱས་པས། བཅོམ་ལྡན་འདས་ལ་ཞལ་ཟས་རྣམ་པ་སྣ་ཚོགས་ཁུར་བ་དང་།
D343.075.0003a03.01བཤོས་དང་། འཇམས་དང་། བལྡག་པ་དང་། བཞིབ་པ་ལ་སོགས་པས་ལྷུང་བཟེད་འགེངས་པར་བྱེད་དོ། །བཅོམ་ལྡན་འདས་ཀྱིས་ཀྱང་ཉིད་ཀྱི་ལྷུང་བཟེད་ཀྱི་ནང་ནས་དགེ་སློང་སྟོང་གི་ལྷུང་བཟེད་དག་གི་ནང་དུ་ཟས་དེ་དག་འཕོ་བར་མཛད་དོ། །གང་གི་ཚེ་བཅོམ་ལྡན་འདས་ཀྱིས་དགེ་སློང་སྟོང་གི་
D343.075.0003a04.01ལྷུང་བཟེད་རྣམས་གང་བར་ཐུགས་སུ་ཆུད་པ་དེའི་ཚེ་ཉིད་ཀྱི་ལྷུང་བཟེད་གང་བར་བསྟན་ཏོ། །དེ་ནས་དགེ་སློང་སྟོང་ལྷུང་བཟེད་གང་བ་ཟླ་བ་ཚེས་པའི་དབྱིབས་ལྟ་བུར་འཁོད་པ་བསྟན་ཏོ། །ནམ་མཁའ་ལ་གནས་པའི་ལྷ་རྣམས་ཀྱིས་ཀྱང་། བཅོམ་ལྡན་འདས་དང་དགེ་སློང་སྟོང་གི་
D343.075.0003a05.01ལྷུང་བཟེད་རྣམས་གང་བར་གྱུར་ཏོ། །ཞེས་བྱ་བའི་སྒྲ་བརྗོད་དོ། །དེ་ནས་ཆོ་འཕྲུལ་བསྟན་པ་དེས་བྲམ་ཟེ་ཆེ་ཞིང་མཐོ་བ་གང་པོ་དགའ་བར་གྱུར་ནས། དགའ་ཞིང་མགུ་ལ་རབ་ཏུ་དགའ་སྟེ་ཡི་རངས་ཤིང་དགའ་བ་དང་ཡིད་བདེ་བར་གྱུར་ཏེ། སྡོང་པོ་རྩ་བ་ནས་བཅད་པ་བཞིན་དུ་བཅོམ་ལྡན་འདས་
D343.075.0003a06.01ཀྱི་ཞབས་ལ་ཕྱག་འཚལ་ནས་སྨོན་ལམ་བཏབ་པ། དགེ་བའི་རྩ་བ་དང་སེམས་བསྐྱེད་པ་དང་སྦྱིན་པར་བྱ་བའི་ཆོས་ཡོངས་སུ་གཏོང་བ་འདིས། བདག་འཇིག་རྟེན་ལོང་བ་འདྲེན་པ་མེད་ཅིང་ཡོངས་སུ་འདྲེན་པ་མེད་པར་སེམས་ཅན་མ་རྒལ་བ་རྣམས་སྒྲོལ་བ་དང་། མ་གྲོལ་བ་རྣམས་འགྲོལ་བ་དང་།
D343.075.0003a07.01