完整藏文原文 · 德格版页 当前仅加载第 75 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་འཛམ་བུའི་གླིང་ན་འཁོར་བཞི་པོ་མཆིས་པ་རྣམས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་
D343.075.0234a01.01ཡང་ངམ། འཚོའམ། སྟོབས་དང་ལྡན་ནམ། བདེ་བ་དང་ལྡན་ནམ། མི་བདེ་བ་མི་མངའ་འམ། བདེ་བ་ལ་རེག་པ་ལ་གནས་སམ་ཞེས་ཀྱང་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། མཽད་གལ་གྱི་བུ་ཁྱོད་དང་འཛམ་བུའི་གླིང་ན་འཁོར་
D343.075.0234a02.01བཞི་པོ་འཁོད་པ་རྣམས་བདེ་བར་གྱུར་ཅིག་མཽད་གལ་གྱི་བུས་གསོལ་པ། བཙུན་པ་འཛམ་བུའི་གླིང་ན་འཁོར་བཞི་པོ་མཆིས་པ་རྣམས་ནི་བཅོམ་ལྡན་འདས་ཀྱི་ཞལ་མཐོང་བར་འཚལ་ཏེ་འདི་སྐད་ཅེས་ཀྱང་མཆིའོ། །བཙུན་པ་འཛམ་བུའི་གླིང་པའི་མི་རྣམས་
D343.075.0234a03.01བཅོམ་ལྡན་འདས་ལ་བལྟ་བ་དང་། ཐད་དུ་མཆི་བ་དང་། བསྙེན་བཀུར་བགྱི་བའི་སླད་དུ་སུམ་ཅུ་རྩ་གསུམ་པའི་ལྷ་ཡུལ་དུ་མཆི་བ་དེ་ལྟ་བུའི་རྫུ་འཕྲུལ་དང་མཐུ་མ་མཆིས་ལ། སུམ་ཅུ་རྩ་གསུམ་པའི་ལྷ་རྣམས་ལ་ནི་གང་གིས་སུམ་ཅུ་རྩ་གསུམ་པའི་ལྷ་རྣམས་
D343.075.0234a04.01བཅོམ་ལྡན་འདས་ལ་བལྟ་བ་དང་། ཐད་དུ་མཆི་བ་དང་། བསྙེན་བཀུར་བགྱི་བའི་སླད་དུ་འཛམ་བུའི་གླིང་དུ་མཆི་བ་དེ་ལྟ་བུའི་རྫུ་འཕྲུལ་དང་མཐུ་མཆིས་ན། ཐུགས་བརྩེ་བའི་སླད་དུ་བཅོམ་ལྡན་འདས་སུམ་ཅུ་རྩ་གསུམ་པའི་ལྷ་ཡུལ་ནས་འཛམ་བུའི་
D343.075.0234a05.01གླིང་དུ་གཤེགས་སུ་གསོལ་ཞེས་ཀྱང་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། མཽད་གལ་གྱི་བུ་འོ་ན་ཁྱོད་འཛམ་བུའི་གླིང་དུ་སོང་ལ་འཁོར་བཞི་པོ་རྣམས་ལ། ཀྱེ་བཅོམ་ལྡན་འདས་ནི་ད་སྟེ་ཞག་བདུན་ན་སུམ་ཅུ་རྩ་གསུམ་པའི་ལྷ་ཡུལ་
D343.075.0234a06.01ནས་འཛམ་བུའི་གླིང་དུ་གྲོང་ཁྱེར་སྣང་ལྡན་གྱི་འདབ། ཨ་པད་ཛ་རའི་ནགས་སུ་ཤིང་ཨུ་དུམ་བ་རའི་དྲུང་དུ་གཤེགས་སོ་ཞེས་སྦྲོན་ཅིག །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་བཅོམ་ལྡན་འདས་ཀྱིས་བཀའ་སྩལ་པ་མཉན་ཏེ། བཅོམ་ལྡན་འདས་
D343.075.0234a07.01