完整藏文原文 · 德格版页 当前仅加载第 75 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་བསྐུར་བའི་རྒྱལ་པོ་དེས། ཡང་དག་པར་རྫོགས་པའི་སངས་རྒྱས་གང་པོ་ཉན་ཐོས་ཀྱི་དགེ་འདུན་དང་བཅས་པ་ལ་ཟླ་བ་གསུམ་གྱི་བར་དུ་ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་ལ་སྤྱན་དྲངས་སོ། །
D343.075.0062b01.01ཡང་དག་པར་རྫོགས་པའི་སངས་རྒྱས་གང་པོས་ཀྱང་ཅང་མི་གསུང་བས་གནང་ངོ་། །དེ་ནས་རྒྱལ་རིགས་སྤྱི་བོ་ནས་དབང་བསྐུར་བའི་རྒྱལ་པོ་དེས་ཡང་དག་པར་རྫོགས་པའི་སངས་རྒྱས་གང་པོས་ཅང་མི་གསུང་བས་གནང་བར་རིག་ནས་ཟླ་བ་གསུམ་གྱི་བར་དུ་ན་བཟའ་
D343.075.0062b02.01དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་ཀྱིས་བསྙེན་བཀུར་བྱས་སོ། །བཅོམ་ལྡན་འདས་ཀྱི་སྐུ་གཟུགས་ཀྱང་རིན་པོ་ཆེ་ལས་བྱས་ཏེ། སངས་རྒྱས་ཀྱི་དགའ་སྟོན་བྱས་ནས་དེར་སྲོག་ཆགས་འབུམ་ཕྲག་
D343.075.0062b03.01དུ་མ་དད་པ་ཆེན་པོ་ཐོབ་སྟེ། རྒྱུ་དེ་དང་རྐྱེན་དེས་དེ་དག་ཡོངས་སུ་མྱ་ངན་ལས་འདས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་རྒྱལ་པོར་གྱུར་པ་གང་ཡིན་པ་དེ་ནི་ང་ཡིན་ཏེ། ངས་ཡང་དག་པར་རྫོགས་པའི་སངས་རྒྱས་གང་པོ་ལ་དེ་ལྟ་བུའི་
D343.075.0062b04.01མཆོད་པ་བྱས་པ་དེས་ན། ངས་འཁོར་བ་ན་བདེ་བ་མཐའ་ཡས་པ་ཉམས་སུ་མྱོང་སྟེ། དེ་ཉིད་ཀྱི་རྒྱུས་ད་ལྟར་དེ་བཞིན་གཤེགས་པར་གྱུར་པ་ན་ཡང་ང་ལ་ཚོང་དཔོན་དང་བརྒྱ་བྱིན་གྱིས་འདི་ལྟ་བུའི་མཆོད་པ་བྱས་སོ། །དགེ་སློང་དག་དེ་བས་ན་འདི་ལྟར་བསླབ་པར་
D343.075.0062b05.01བྱ་སྟེ། སྟོན་པ་ལ་བཀུར་སྟི་བྱའོ། །བླ་མར་བྱའོ། །རི་མོར་བྱའོ། །མཆོད་པ་བྱའོ། །སྟོན་པ་ལ་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ནས་བརྟེན་ཏེ་གནས་པར་བྱའོ་ཞེས་དགེ་སློང་ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་
D343.075.0062b06.01ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །གང་པོ་ལ་སོགས་པའི་རྟོགས་པ་བརྗོད་པ་བརྒྱ་པ་ལས། སྡོམ་གྱི་ཚིགས་སུ་བཅད་པ་གཉིས་པ་རྫོགས་སོ།། །།
D343.075.0062b07.01