完整藏文原文 · 德格版页 当前仅加载第 75 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་
D343.075.0254b01.01སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་ཏེ་རྒྱལ་པོའི་ཁབ་ན་འོད་མའི་ཚལ་
D343.075.0254b02.01བྱ་ཀ་ལན་ད་ཀ་གནས་པ་ན་རྟེན་ཅིང་བཞུགས་སོ། །དེའི་ཚེ་རྒྱལ་པོའི་ཁབ་ན་ཚོང་དཔོན་ཕྱུག་ཅིང་ནོར་མང་ལ་ལོངས་སྤྱོད་ཆེ་བ། ཡོངས་སུ་འཛིན་པ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུའི་ནོར་དང་འགྲན་པ་ཞིག་གནས་
D343.075.0254b03.01པ་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་ཏུ་རྩེ་ཞིང་དགའ་ལ་དགའ་མགུར་སྤྱོད་དོ། །དེ་དེ་དང་རྩེ་ཞིང་དགའ་ལ་དགའ་མགུར་སྤྱོད་པ་ལས་ཆུང་མ་ལ་བུ་ཆགས་ནས་བུ་མ་བྱུང་བར་རེ་ཞིག་ན་ཡང་དེ་ཉིད་དང་རྩེ་ཞིང་དགའ་ལ་དགའ་མགུར་
D343.075.0254b04.01སྤྱོད་དོ། །དེ་རྩེ་ཞིང་དགའ་ལ་དགའ་མགུར་སྤྱོད་པ་ལས་མངལ་ན་བུ་སྔ་མ་དེ་འདུག་བཞིན་དུ་རེ་ཞིག་ན་མའི་ལྟོར་དེའི་བུ་སྔ་ཕྱིར་བཅུ་བྱུང་ཡང་བུ་དང་པོ་དེ་ནི་མངལ་ཉིད་ན་འདུག་བཞིན་ནོ། །དེ་ནས་རེ་ཞིག་ན་ཁྱིམ་བདག་དེའི་ཆུང་མ་དེ་ན་བར་གྱུར་ནས་དེ་ལ་རྩ་བ་དང་།
D343.075.0254b05.01སྡོང་བུ་དང་། ལོ་མ་དང་། མེ་ཏོག་དང་། འབྲས་བུའི་སྨན་རྣམས་ཀྱིས་རིམ་གྲོ་བྱས་ཀྱང་ནད་དེ་ཞི་བར་མ་གྱུར་ནས། གང་གི་ཚེ་དེ་ཤི་ལ་ཐུག་པའི་ནད་ཀྱིས་ཐེབས་ཏེ་འཆིར་ཉེ་བ་དེའི་ཚེ་དེས་ཁྱིམ་ཐབ་ལ་སྨྲས་པ། ཇོ་བོ་མཁྱེན་པར་མཛོད་ཅིག །འདིའི་
D343.075.0254b06.01ནང་ན་བདག་གི་བུ་དང་པོ་མཆིས་ཀྱིས་ནམ་བདག་གུམ་པ་ན་གློ་གཡས་རོལ་མཚོན་གྱིས་དྲལ་ཏེ་ཁྱེའུ་དང་པོ་ནས་མཆིས་པ་དེ་ཕྱུང་ཤིག་ཅེས་དེ་སྐད་སྨྲས་ནས། བསགས་པ་ཀུན་ནི་ཐ་མར་ཟད། །མཐོན་པོ་རྣམས་ནི་ཐ་མར་ཉིལ། །ཕྲད་པ་རྣམས་ནི་ཐ་མར་འབྲལ། །
D343.075.0254b07.01