完整藏文原文 · 德格版页 当前仅加载第 75 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
ངའི་མདུན་དུ་སངས་རྒྱས་ཀྱི་ཟློས་གར་གྱི་གར་ཐབས་གྱིས་ཤིག་ཅེས་བྱས་ནས། དེ་དག་གིས་རྒྱལ་པོ་དེའི་བཀའ་སྤྱི་བོས་མནོས་ཏེ། ལྷ་བཀའ་བཞིན་འཚལ་ལོ་ཞེས་བྱས་སོ། །དེ་ནས་སངས་རྒྱས་ཀྱི་ཟློས་གར་སྦྱར་ཏེ་ལེགས་པར་སྦྱངས་ནས། རྒྱལ་པོའི་བློན་པོའི་ཚོགས་དང་
D343.075.0203a01.01བཅས་པའི་མདུན་དུ་ཟློས་གར་གྱི་གར་ཐབས་བྱས་སོ། །དེ་ནས་དེར་ཟློས་གར་མཁན་གྱི་གར་གྱི་སློབ་དཔོན་ཉིད་ནི། སངས་རྒྱས་ཀྱི་ཆ་ལུགས་ཀྱིས་ནང་དུ་འོངས་སོ། །ཟློས་གར་མཁན་གཞན་རྣམས་ནི་དགེ་སློང་གི་ཆ་ལུགས་ཀྱིས་ནང་དུ་འོངས་སོ། །དེ་ནས་རྒྱལ་པོ་དགའ་ཞིང་མགུ་ལ་རབ་ཏུ་དགའ་ནས།
D343.075.0203a02.01ཟློས་གར་མཁན་གྱི་སློབ་དཔོན་ལ་སོགས་པ་ཟློས་གར་མཁན་གྱི་ཚོགས་རྣམས་ལ་ནོར་གྱི་ཕུང་པོ་ཆེན་པོ་བྱིན་ནོ། །དེ་ནས་དེ་དག་བཅོམ་ལྡན་འདས་ཀྱི་བསྟན་པ་ལ་དད་པ་རྙེད་ནས། སྦྱིན་པ་དང་། རབ་ཏུ་སྦྱིན་པ་དག་བྱིན་ནས་ཡང་དག་པའི་སྨོན་ལམ་བཏབ་པ། དགེ་བའི་རྩ་བ་དང་སེམས་
D343.075.0203a03.01བསྐྱེད་པ་དང་སྦྱིན་པར་བྱ་བའི་ཆོས་ཡོངས་སུ་གཏོང་བ་འདིས་ན། བདག་ཅག་ཀྱང་མ་འོངས་པའི་སངས་རྒྱས་རྣམས་མཉེས་པར་བྱེད་པར་གྱུར་ཅིག །མི་མཉེས་པར་བྱེད་པར་མ་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས། ཟློས་གར་མཁར་གང་ཡིན་པ་དེ་དག་ནི་ཨུད་པ་ལ་ལ་
D343.075.0203a04.01སོགས་པ་འདི་དག་ཡིན་ཏེ། འདི་དག་གིས་དེར་སྨོན་ལམ་བཏབ་པ་དེས་ནི་ད་ལྟར་དགྲ་བཅོམ་པ་ཉིད་མངོན་སུམ་དུ་བྱས་སོ། །དགེ་སློང་དག་དེ་ལྟར་ན་ལས་གཅིག་ཏུ་ངེས་པར་གནག་པ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་གནག་པར་འགྱུར་རོ། །ལས་གཅིག་ཏུ་ངེས་པར་དཀར་བ་རྣམས་
D343.075.0203a05.01ནི་རྣམ་པར་སྨིན་པ་ཡང་གཅིག་ཏུ་ངེས་པར་དཀར་བར་འགྱུར་རོ། །ལས་འདྲེན་མ་རྣམས་ནི་རྣམ་པར་སྨིན་པ་ཡང་འདྲེན་མར་འགྱུར་རོ། །དགེ་སློང་དག་དེ་བས་ན། ལས་གཅིག་ཏུ་ངེས་པར་གནག་པ་རྣམས་དང་ལས་འདྲེན་མ་རྣམས་སྤངས་ལ། ལས་གཅིག་ཏུ་ངེས་པར་དཀར་བ་རྣམས་འབའ་ཞིག་ལ་
D343.075.0203a06.01གཏད་པར་བྱ་སྟེ། དགེ་སློང་ཁྱོད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།མཛེས་ལྡན་མ་ཞེས་བྱ་བ་ནི། སངས་རྒྱས་བཅོམ་ལྡན་འདས་ལ་རྒྱལ་
D343.075.0203a07.01