完整藏文原文 · 德格版页 当前仅加载第 75 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།ཀ་བ་ཞེས་བྱ་བ་ནི། སངས་རྒྱས་བཅོམ་ལྡན་འདས་ལ་རྒྱལ་པོ་རྣམས་དང་། བློན་པོ་ཆེན་པོ་རྣམས་དང་། ཕྱུག་པོ་རྣམས་དང་། ཕོ་
D343.075.0036a01.01བྲང་འཁོར་གྱི་མི་རྣམས་དང་། ཚོང་དཔོན་རྣམས་དང་། དེད་དཔོན་རྣམས་དང་། ལྷ་རྣམས་དང་། ཀླུ་རྣམས་དང་། གནོད་སྦྱིན་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མི་འམ་ཅི་རྣམས་དང་། ལྟོ་འཕྱེ་ཆེན་པོ་རྣམས་ཀྱིས་བཀུར་སྟི་བྱས། བླ་
D343.075.0036a02.01མར་བྱས། རི་མོར་བྱས། མཆོད་པ་བྱས་ཏེ། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱིས་མཆོད་ཅིང་ཤེས་པའི་སངས་རྒྱས་བཅོམ་ལྡན་འདས་བསོད་ནམས་ཆེན་པོ་དང་ལྡན་པ། ན་བཟའ་
D343.075.0036a03.01དང་། ཞལ་ཟས་དང་། གཟིམས་ཆ་དང་། གདན་དང་། སྙུན་གསོས་དང་། སྨན་ཟོང་རྣམས་བརྙེས་པ། ཉན་ཐོས་ཀྱི་དགེ་འདུན་དང་བཅས་པ་ཀུ་རུའི་ལྗོངས་རྒྱུ་ཞིང་གཤེགས་པ་ལས་ཀུ་རུའི་གྲོང་ཁྱེར་དུ་བྱོན་ཏེ། ཀུ་རུའི་སྐྱེ་བོའི་ཚོགས་དེ་དག་ཀྱང་སངས་རྒྱས་ཀྱིས་གདུལ་བར་འགྱུར་བར་
D343.075.0036a04.01སེམས་རྒྱ་ཆེན་པོ་དང་ལྡན་པ། སྦྱིན་པ་ལ་སྲེད་པ་ཤ་སྟག་གོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ངས་ལྷའི་དབང་པོ་བརྒྱ་བྱིན་ལྷའི་འཁོར་གྱིས་བསྐོར་བ་དགུག་གོ། །འོན་ཀྱང་དེ་མཐོང་བས་འདི་རྣམས་ཀྱི་དགེ་བ་འཕེལ་བར་འགྱུར་རོ་སྙམ་དུ་དགོངས་སོ། །དེ་ནས་བཅོམ་
D343.075.0036a05.01ལྡན་འདས་ཀྱིས་འཇིག་རྟེན་པའི་དགོངས་པ་བསྐྱེད་དེ། ཀྱེ་མ་ལྷའི་དབང་པོ་བརྒྱ་བྱིན་ལྷའི་ཚོགས་ཀྱིས་གཡོག་བྱས་པས། ཙན་དན་ས་མཆོག་པའི་ཀ་བ་ཁྱེར་ཏེ། འོངས་ན་ལེགས་སོ་སྙམ་དུ་དགོངས་ནས། དགོངས་པ་བསྐྱེད་པའི་མོད་ལ་ལྷའི་དབང་པོ་བརྒྱ་བྱིན་ལྷའི་ཚོགས་ཀྱིས་གཡོག་
D343.075.0036a06.01བྱས་པ། གང་ན་ལས་ཐམས་ཅད་པ་དང་རྒྱལ་པོ་ཆེན་པོ་བཞི་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། གྲུལ་བུམ་དུ་མས་གཡོག་བྱས་པ་དག་ལྷགས་ཏེ་ཙན་དན་ས་མཆོག་པའི་ཀ་བ་ཁྱེར་ཏེ་འོངས་ནས། ཧ་ཧ་ཞེས་ཅ་ཅོ་དང་ག་ཞ་བཏོན་ཏེ་སྐད་ཆེན་པོ་ཕྱུང་ནས། བཅོམ་
D343.075.0036a07.01