完整藏文原文 · 德格版页 当前仅加载第 75 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེ་བཞིན་གཤེགས་པའི་གཟིམས་ཁྲི་
D343.075.0111b01.01ས་ལ་ཟུང་གི་བར་དུ་བཤམས་ཏེ། སྔས་བྱང་ཕྱོགས་སུ་བསྟན་ལགས་སོ། །དེ་ནས་བཅོམ་ལྡན་འདས་གཟིམས་ཁྲི་ག་ལ་བ་དེར་གཤེགས་ཏེ་བྱོན་ནས་གློ་གཡས་ཕྱོགས་ཀྱིས་གཟིམས་ཏེ། ཞབས་གཤིབས་ནས་སྣང་བའི་འདུ་ཤེས་དང་དྲན་པ་དང་། ཤེས་བཞིན་དང་ལྡན་ཞིང་
D343.075.0111b02.01མྱ་ངན་ལས་འདས་པའི་འདུ་ཤེས་འབའ་ཞིག་ཐུགས་ལ་དགོངས་སོ། །དེའི་ཚེ་གྲོང་ཁྱེར་ཀུ་ཤི་ན་ཀུན་ཏུ་རྒྱུ་རབ་བཟང་ཞེས་བྱ་བ་ཞིག་འདུག་སྟེ། དེ་རྒས་ཏེ་རྙིས་ཤིང་འཁོགས་ལ་སྐྱེས་ནས་ལོ་བརྒྱ་ཉི་ཤུ་ལོན་པ་དང་གྲོང་ཁྱེར་ཀུ་ཤི་ན་འཁོད་པའི་གྱད་ཡུལ་པ་རྣམས་ཀྱིས་བཀུར་སྟི་བྱས།
D343.075.0111b03.01བླ་མར་བྱས། རི་མོར་བྱས། མཆོད་པ་བྱས་ཏེ་དགྲ་བཅོམ་པར་འཛིན་ཏོ། །དེ་ནས་ཀུན་ཏུ་རྒྱུ་རབ་བཟང་གིས་དགེ་སྦྱོང་གཽ་ཏ་མ་དོ་ནུབ་ནམ་ཕྱེད་ན་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་རོ་ཞེས་ཐོས་ནས་དེ་འདི་སྙམ་
D343.075.0111b04.01དུ་སེམས་ཏེ། བདག་ཆོས་རྣམས་ལ་སོམ་ཉི་ཡང་ཡོད། ཐེ་ཙོམ་ཡང་ཡོད་ལ། གཽ་ཏ་མ་དེས་བདག་གི་སོམ་ཉ་དེ་བསལ་བར་ནུས་པའི་རེ་བ་ཡང་བདག་ལ་ཡོད་དོ་སྙམ་ནས། ཐོས་མ་ཐག་ཏུ་གྲོང་ཁྱེར་ཀུ་ཤིར་སོང་སྟེ་སཱ་ལ་ཟུང་ག་ལ་བ་དེར་སོང་ངོ་། །དེའི་ཚེ་ཚེ་དང་
D343.075.0111b05.01ལྡན་པ་ཀུན་དགའ་བོ་གཙུག་ལག་ཁང་གི་ཕྱི་རོལ་གྱི་ཐང་གི་འཆག་ས་ན་འཆག་ཅིང་འདུག་པ་ཀུན་ཏུ་རྒྱུ་རབ་བཟང་གིས་མཐོང་ངོ་། །ཚེ་དང་ལྡན་པ་ཀུན་དགའ་བོ་རྒྱང་ནས་མཐོང་ནས། ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཀུན་དགའ་བོ་དང་
D343.075.0111b06.01མངོན་སུམ་དུ་ཡང་དག་པར་མགུ་བར་འགྱུར་བ་དང་། ཡང་དག་པར་དགའ་བར་འགྱུར་བའི་གཏམ་རྣམ་པ་སྣ་ཚོགས་ཀྱིས་འདྲེས་ནས་ཕྱོགས་གཅིག་ཏུ་སྡོད་དོ། །ཕྱོགས་གཅིག་ཏུ་བསྡད་ནས་ཀུན་ཏུ་རྒྱུ་རབ་བཟང་གིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །
D343.075.0111b07.01