完整藏文原文 · 德格版页 当前仅加载第 75 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་ཚེ་དང་ལྡན་པ་མཽད་གལ་གྱི་བུ་ཆེན་པོས་དད་པར་བྱས་ཏེ། བསྟན་པ་ལ་བཙུད་ནས་བཅོམ་ལྡན་འདས་ལ་ཤིན་ཏུ་དགའ་བར་གྱུར་ཏོ། །ཁྱིམ་བདག་དེ་ཡང་རྒྱ་ཆེན་པོ་ལ་མོས་པ་ཞིག་སྟེ། དེས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་སྨྲས་པ། བདག་བཅོམ་ལྡན་འདས་
D343.075.0059b01.01ལ་མཆོད་པ་བགྱིད་པར་འཚལ་གྱིས་གྲོགས་མཛོད་ཅིག །ཚེ་དང་ལྡན་པ་མཽད་གལ་གྱི་བུ་ཆེན་པོས་ཀྱང་ཁྱིམ་བདག་དེ་ལ་ཅང་མི་སྨྲ་བས་ཁས་བླངས་སོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་ཁྱིམ་བདག་དེ་ཁྲིད་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས།
D343.075.0059b02.01བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་མཽད་གལ་གྱི་བུ་ཆེན་པོས་འདི་སྐད་ཅེས་གསོལ་ཏོ། །བཙུན་པ་ཁྱིམ་བདག་འདི་ནི་བཅོམ་ལྡན་འདས་
D343.075.0059b03.01ཉན་ཐོས་ཀྱི་དགེ་འདུན་དང་བཅས་པ་གདུགས་ཚོད་གསོལ་བར་འཚལ་ན། བཅོམ་ལྡན་འདས་ཀྱིས་འདི་ལ་ཐུགས་བརྩེ་བའི་སླད་དུ་གནང་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་ཀྱང་ཁྱིམ་བདག་དེ་ལ་ཅང་མི་གསུང་བས་གནང་ངོ་། །དེ་ནས་ཁྱིམ་བདག་
D343.075.0059b04.01དེས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། རོ་བརྒྱ་དང་ལྡན་པའི་ཞལ་ཟས་དང་། མེ་ཏོག་དང་། སྤོས་དང་། མེ་ཏོག་ཕྲེང་དང་། བྱུག་པ་དག་བཤམས་སོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་ལྷའི་དབང་པོ་བརྒྱ་བྱིན་ལ་བསྐུལ་ཏེ། ཁྱིམ་
D343.075.0059b05.01བདག་འདིའི་གྲོགས་གྱིས་ཤིག་ཅེས་བྱས་སོ། །དེ་ནས་ལྷའི་དབང་པོ་བརྒྱ་བྱིན་གྱིས་འོད་མའི་ཚལ་བྱ་ཀ་ལན་ད་ཀ་གནས་པ་དགའ་བྱེད་ཀྱི་ཚལ་དུ་སྤྲུལ་ཏོ། །ས་སྲུང་གི་བུ་དང་རབ་བརྟན་དང་འདྲ་བའི་གླང་པོ་ཆེ་སྟོང་ཕྲག་མང་པོ་དག་ཀྱང་ཁྲིད་དེ་འོངས་ཏེ། དེ་དག་ནི་སངས་རྒྱས་ལ་
D343.075.0059b06.01སོགས་པ་དགེ་སློང་གི་དགེ་འདུན་གྱི་སྟེང་དུ་གདུགས་རྩིབས་བརྒྱ་དང་ལྡན་པ་འཛིན་ཏོ། །བདེ་སོགས་ལ་སོགས་པ་ལྷའི་བུ་མོ་སྟོང་ཕྲག་དུ་མ་ཡང་ཁྲིད་དེ་འོངས་ཏེ། དེ་དག་ནི་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་རྔ་ཡབ་ནོར་བུའི་ཡུ་བ་ཅན་གྱིས་གཡོབ་པར་
D343.075.0059b07.01