完整藏文原文 · 德格版页 当前仅加载第 75 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མཛད་ནས། ཤིང་ཟད་པའི་མེ་བཞིན་དུ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དེ་ནས་རྒྱལ་པོ་གཉེན་ཡོད་ཀྱིས་བཅོམ་ལྡན་འདས་ཀྱི་སྐུ་གདུང་ལ། སྐུ་གདུང་གི་མཆོད་པ་བྱས་ནས།
D343.075.0173b01.01རིན་པོ་ཆེ་སྣ་བཞི་ལས་བྱས་པའི་མཆོད་རྟེན་ཁོ་ར་ཁོར་ཡུག་ཏུ་དཔག་ཚད་གཅིག་ཡོད་ལ། འཕང་དུ་རྒྱང་གྲགས་གཅིག་ཡོད་པ་ཞིག་བརྩིགས་ཏེ། དེར་རྒྱལ་པོ་གཉེན་ཡོད་གཉེན་གྱི་ཚོགས་དང་བཅས་པ་དང་། བློན་པོའི་ཚོགས་ཀྱིས་ཞབས་འབྲིང་
D343.075.0173b02.01བྱས་པས་མཆོད་རྟེན་གྱི་དུས་སྟོན་བྱས་སོ། །ཕྱིས་རེ་ཞིག་ན་ཉི་མ་གཅིག་ཅིག །མི་དབུལ་པོ་ཞིག་མཆོད་རྟེན་གྱི་འཁོར་སའི་ནང་དུ་སོང་ནས་དེས་དེ་ལ་མེ་ཏོག་རྙིས་པ་དག་དང་། མཆོད་རྟེན་རྡུལ་གྱིས་ཡོག་པ་དག་མཐོང་ངོ་། །དེ་ནས་དེས་སངས་
D343.075.0173b03.01རྒྱས་ཀྱི་ཡོན་ཏན་རྗེས་སུ་དྲན་ནས་དད་པ་སྐྱེས་ཏེ། ཕྱགས་མ་བླངས་ནས་མཆོད་རྟེན་ཡང་ཕྱགས་མེ་ཏོག་རྙིས་པ་ཡང་བསལ་ཏོ། །དེ་ནས་མཆོད་རྟེན་ལ་རྡུལ་མེད་ཅིང་དྲི་མ་མེད་པ་མཐོང་ནས། དགའ་བ་སྐྱེས་ཏེ་ཞབས་ལ་ཕྱག་འཚལ་ནས།
D343.075.0173b04.01སྨོན་ལམ་བཏབ་པ། དགེ་བའི་རྩ་བ་དང་སེམས་བསྐྱེད་པ་འདིས་ན་བདག་གིས་ཀྱང་ཡོན་ཏན་འདི་ལྟ་བུ་དག་ཐོབ་པར་གྱུར་ཅིག །སྟོན་པ་འདི་ལྟ་བུ་མཉེས་པར་བྱེད་པར་གྱུར་ཅིག །མི་མཉེས་པར་བྱེད་པར་མ་གྱུར་ཅིག་ཅེས་བྱས་སོ། །བཅོམ་
D343.075.0173b05.01ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་མི་དབུལ་པོར་གྱུར་པ་གང་ཡིན་པ་དེ་ནི། བྱད་བཟང་འདི་ཡིན་ཏེ། དེས་མཆོད་རྟེན་ལ་ཕྱག་དར་བྱས་པས་ན་བྱད་གཟུགས་བཟང་པོར་གྱུར་ཏོ། །སྨོན་ལམ་བཏབ་པ་
D343.075.0173b06.01དེས་ནི་ཚེ་འདི་ཉིད་ལ་དགྲ་བཅོམ་པ་ཉིད་མངོན་སུམ་དུ་བྱས་སོ། །དགེ་སློང་དག་དེ་ལྟར་ན་ལས་གཅིག་ཏུ་ངེས་པར་གནག་པ་རྣམས་ནི་རྣམ་པར་སྨིན་པ་ཡང་གཅིག་ཏུ་ངེས་པར་གནག་པར་འགྱུར་རོ། །ལས་གཅིག་ཏུ་ངེས་པར་དཀར་བ་རྣམས་ནི་རྣམ་པར་སྨིན་པ་
D343.075.0173b07.01