完整藏文原文 · 德格版页 当前仅加载第 75 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་པི་བང་དང་། གླིང་བུ་དང་། རྫ་རྔ་དང་། རྔ་ཟླུམ་རྣམས་དང་། རོལ་མོའི་སྒྲ་རྣམ་པ་སྣ་ཚོགས་བྱེད་དེ། གར་བྱེད་གླུ་ལེན་ལ་མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། པར་ཤི་ཀ་ལ་སོགས་པ་མེ་ཏོག་གི་ཕྲེང་བ་མང་པོ་ཡང་མགུལ་དུ་
D343.075.0085a01.01བཏགས་ནས། གོས་ཁྱད་པར་དུ་འཕགས་པ་དག་བགོས་ཏེ་མཉན་དུ་ཡོད་པའི་ཕྱི་རོལ་ཏུ་བྱུང་ངོ་། །དེ་ནས་མཛའ་སྡེ་བོ་དེ་དག་གིས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་
D343.075.0085a02.01འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུ་ཀུན་ནས་བཟང་བ་མཐོང་ངོ་། །མཐོང་མ་ཐག་ཏུ་དེ་དག་ཆང་གིས་ར་རོ་བ་དེ་ལས་སངས་པར་གྱུར་ཏོ། །དེ་ནས་ར་རོ་བ་ལས་སངས་ནས་སེམས་དགའ་ཞིང་དད་པར་གྱུར་ཏེ། གར་
D343.075.0085a03.01དང་གླུ་དང་རོལ་མོའི་སྒྲ་རྣམས་ཀྱིས་བཅོམ་ལྡན་འདས་ལ་བསྙེན་བཀུར་བྱས་སོ། །ཨུད་པ་ལ་སྔོན་པོ་རྣམས་ཀྱང་བཅོམ་ལྡན་འདས་ཀྱི་སྟེང་དུ་གཏོར་ཏེ། དེ་དག་བཅོམ་ལྡན་འདས་ཀྱི་སྟེང་དུ་ཁང་པ་བརྩེགས་པ་སྔོན་པོ་དང་ཁང་པ་སྔོན་པོ་དང་གདུགས་སྔོན་པོ་ལྟ་བུར་གྱུར་ཏེ་འདུག་ནས། དེ་
D343.075.0085a04.01དག་བཅོམ་ལྡན་འདས་གཤེགས་ན་ནི་འགྲོ་ལ་གཞེས་ན་ནི་སྡོད་དོ། །བཅོམ་ལྡན་འདས་ཀྱིས་ཀྱང་འོད་སྔོན་པོ་དག་བཀྱེ་སྟེ། འོད་དེ་དག་གིས་མཉན་དུ་ཡོད་པ་ནོར་བུ་ཨན་ད་རྙིལ་གྱི་མདོག་འདྲ་བར་འདུག་པར་བྱས་སོ། །དེ་ནས་མཛའ་སྡེ་བོ་དེ་དག་བཅོམ་ལྡན་འདས་ལ་དད་པ་སྐྱེས་ཏེ་སེམས་ལ་
D343.075.0085a05.01རྟས་པར་བྱས་ནས། དགེ་བའི་རྩ་བ་དང་སེམས་བསྐྱེད་པ་དང་སྦྱིན་པར་བྱ་བའི་ཆོས་འདིས་བདག་ཅག་རང་བྱང་ཆུབ་མངོན་སུམ་དུ་བྱེད་པར་གྱུར་ཅིག་ཅེས་བྱས་སོ། །དེ་ནས་བཅོམ་ལྡན་འདས་ཀྱིས་འཛུམ་པ་མཛད་དོ། །འདི་ནི་སངས་རྒྱས་བཅོམ་ལྡན་འདས་རྣམས་གང་གི་ཚེ་འཛུམ་པ་
D343.075.0085a06.01མཛད་པའི་ཆོས་ཉིད་དེ། དེའི་ཚེ་ཞལ་ནས་འོད་ཟེར་སྔོན་པོ་དང་། སེར་པོ་དང་། དམར་པོ་དང་། དཀར་པོ་རྣམས་བྱུང་ནས་ཁ་ཅིག་ནི་འོག་ཏུ་འགྲོའོ། །ཁ་ཅིག་ནི་སྟེང་དུ་འགྲོའོ། །འོག་ཏུ་འགྲོ་བ་གང་ཡིན་པ་དེ་དག་ནི་སེམས་ཅན་དམྱལ་བ་ཡང་སོས་དང་། ཐིག་ནག་དང་། འདུས་འཇོམས་དང་།
D343.075.0085a07.01