完整藏文原文 · 德格版页 当前仅加载第 75 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་མི་མང་པོས་གང་བ་དང་། འཐབ་པ་དང་། རྩོད་པ་ཞི་བ་དང་། འཁྲུག་པ་དང་། ནང་འཁྲུག་དང་། ཆོམ་རྐུན་དང་། མུ་གེ་དང་། ནད་རྣམས་མེད་པ་དང་། འབྲས་སཱ་ལུ་དང་། བུ་རམ་ཤིང་དང་། བ་ལང་དང་། མ་ཧེ་དང་
D343.075.0095b01.01ལྡན་པར་འདུག་སྟེ། གནོད་པ་མེད་ཅིང་ཚེར་མ་དཀྲུགས་ལ་བུ་གཅིག་པ་ལ་བྱ་བ་བཞིན་དུ་རྒྱལ་སྲིད་བསྐྱངས་སོ། །རྒྱལ་པོ་དེ་ཡང་དད་པ་དང་ལྡན་ལ་དགེ་ཞིང་བསམ་པ་བཟང་བ་བདག་ལ་ཕན་པ་དང་གཞན་ལ་ཕན་པ་ལ་ཞུགས་པ། སྙིང་རྗེ་ཆེ་བ། བདག་ཉིད་ཆེ་བ། ཆོས་འདོད་པ།
D343.075.0095b02.01སྐྱེ་དགུ་ལ་བྱམས་པ། ཐམས་ཅད་སྦྱིན་པ། ཐམས་ཅད་ཡོངས་སུ་གཏོང་བ། ཆགས་པ་མེད་པར་ཡོངས་སུ་གཏོང་བ། གཏོང་བ་ཆེན་པོ་ལ་གནས་པ་ཞིག་གོ། །དེ་ནས་རྒྱལ་པོ་དེ་ལ་བཙུན་མོ་མཛེས་ལྡན་མ་ཞེས་བྱ་བ་གཟུགས་བཟང་ཞིང་བལྟ་ན་སྡུག་ལ་མཛེས་པ་ཡན་ལག་དང་ཉིང་
D343.075.0095b03.01ལག་ཐམས་ཅད་དང་ལྡན་པ་ཞིག་ཡོད་དོ། །བུ་གཅིག་པ་མཛེས་ལྡན་ཞེས་བྱ་བ་སྡུག་ཅིང་ཕོངས་ལ་སྙིང་དུ་སྡུག་ཅིང་ཡིད་དུ་འོང་བ། བཟོད་པ་དང་ལྡན་པ། མི་འཐུན་པ་མེད་པ་ཞིག་ཀྱང་ཡོད་དོ། །དེ་ནས་ཕྱི་ཞིག་ན་རྒྱལ་པོ་གཟུགས་བཟང་ཆོས་འདོད་པར་གྱུར་ནས་དེས་བློན་པོ་ཐམས་
D343.075.0095b04.01ཅད་བསོགས་ཏེ་སྨྲས་པ། ཡུལ་གྱི་གཙོ་བོ་དག་ང་ཆོས་འདོད་ཀྱིས་ངའི་ཆོས་ཚོལ་ཅིག་ཅེས་བསྒོའོ། །དེ་ནས་བློན་པོ་དེ་དག་གིས་ཐལ་མོ་སྦྱར་ཏེ་གསོལ་པ། རྒྱལ་པོ་ཆེན་པོ་ཆོས་ནི་དཀོན་ཏེ་སངས་རྒྱས་འཇིག་རྟེན་དུ་བྱུང་ན་གདོད་ཆོས་འབྱུང་ངོ་ཞེས་གདའོ། །དེ་ནས་རྒྱལ་པོས་གསེར་འབུམ་
D343.075.0095b05.01ཡོད་པའི་སྣོད་རྒྱལ་མཚན་གྱི་རྩེ་མོ་ལ་བཏགས་ཏེ། ཡུལ་ཐམས་ཅད་དུ་དྲིལ་བསྒྲགས་ནས་ངའི་ཡུལ་ན་ཆོས་སྨྲ་བ་གང་ཡིན་པ་དེ་ལ་གསེར་འབུམ་ཡོད་པའི་སྣོད་འདི་སྦྱིན་ནོ། །བཀུར་སྟི་ཆེན་པོས་ཀྱང་བཀུར་ཞིང་བསྟོད་པར་བྱའོ་ཞེས་ཀྱང་བྱས་སོ། །དེ་ནས་ཡུན་རིང་པོ་ཞིག་ལོན་ཀྱང་ཆོས་སྨྲ་བ་
D343.075.0095b06.01སུ་ཡང་མི་སྣང་ངོ་། །དེ་ནས་རྒྱལ་པོ་ཆོས་ཀྱི་ཕྱིར་གདུང་ཞིང་ཡི་ཆད་དོ། །ལྷའི་དབང་པོ་བརྒྱ་བྱིན་ནི་འོག་མ་ལ་ཤེས་པའི་མཐོང་བ་འཇུག་སྟེ། དེས་རྒྱལ་པོ་ཆོས་ཀྱི་ཕྱིར་ཕོངས་ཤིང་འདུག་པ་མཐོང་ནས་དེ་འདི་སྙམ་དུ་སེམས་ཏེ། བདག་གིས་རྒྱལ་པོ་གཟུགས་བཟང་བགམ་པར་བྱའོ་སྙམ་མོ། །
D343.075.0095b07.01