完整藏文原文 · 德格版页 当前仅加载第 75 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
མིག་དང་ལྡན་པས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་ཆོས་མཉན་པའི་ཕྱིར་སྤྱན་སྔར་འདུག་སྟེ། བཅོམ་ལྡན་འདས་ཀྱིས་དེ་ལ་ལེ་ལོའི་ཉེས་པ་དང་བརྩོན་འགྲུས་རྩོམ་པའི་ཕན་ཡོན་རྣམ་པ་དུ་མ་བཀའ་སྩལ་ནས། ཙན་དན་གྱི་དབྱུག་གུ་ཞིག་ཀྱང་དེ་ལ་
D343.075.0011a01.01བྱིན་ཏེ་ཁྱེའུ་དབྱུག་གུ་འདི་རྡུངས་ཤིག་ཅེས་བཀའ་སྩལ་ཏོ། །དེ་ནས་དེས་དབྱུག་གུ་དེ་བརྡུངས་པ་དང་། སྒྲ་སྙན་པ་ཐོས་པར་གྱུར་ལ་རིན་པོ་ཆེའི་གཏེར་སྣ་ཚོགས་ཀྱང་མཐོང་ངོ་། །དེ་ནས་དེ་འདི་སྙམ་དུ་སེམས་དེ། ཀྱེ་མ་བརྩོན་འགྲུས་རྩོམ་པ་ལ་ནི་ཁྱད་པར་ཆེན་པོ་དེ་ལྟ་བུ་ཡོད་ཀྱིས།
D343.075.0011a02.01བདག་གིས་ཕྱིར་ཞིང་བརྩོན་འགྲུས་བརྩམ་པར་བྱ་གོར་མ་ཆག་སྙམ་ནས་དེས་མཉན་དུ་ཡོད་པར་དྲིལ་གྱི་སྒྲ་བསྒྲགས་ཏེ། བདག་ཉིད་ཀྱིས་དེད་དཔོན་བྱ་བར་བསྒྲགས་ནས་རྒྱ་མཚོ་ཆེན་པོ་ལ་ལན་དྲུག་རྒལ་ཏེ་གྲུའི་དོན་གྲུབ་པས་རིན་པོ་ཆེ་ཆེན་པོ་བསྡུས་ཏེ། བཅོམ་ལྡན་འདས་ཉན་ཐོས་ཀྱི་
D343.075.0011a03.01དགེ་འདུན་དང་བཅས་པ་ཁྱིམ་གྱི་ནང་དུ་བཤོས་གསོལ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་བོ། །དེ་ནས་བཅོམ་ལྡན་འདས་ཀྱིས་ཁྱེའུ་ལེ་ལོ་ཅན་གྱི་རྒྱུ་གཅིག་ནས་གཅིག་ཏུ་བརྒྱུད་པ་དང་ལས་གཅིག་ནས་གཅིག་ཏུ་བརྒྱུད་པ་མཁྱེན་ནས་
D343.075.0011a04.01འཛུམ་པ་མཛད་དོ། །འདི་ནི་སངས་རྒྱས་བཅོམ་ལྡན་འདས་རྣམས་གང་གི་ཚེ་འཛུམ་པ་མཛད་པའི་ཆོས་ཉིད་དེ་དེའི་ཚེ་ཞལ་གྱི་སྒོ་ནས་འོད་ཟེར་སྔོན་པོ་དང་། སེར་པོ་དང་། དམར་པོ་དང་། དཀར་པོ་རྣམས་བྱུང་ནས་ཁ་ཅིག་ནི་འོག་ཏུ་འགྲོའོ། །ཁ་ཅིག་ནི་སྟེང་དུ་འགྲོའོ། །
D343.075.0011a05.01འོག་ཏུ་འགྲོ་བ་གང་ཡིན་པ་དེ་དག་ནི་སེམས་ཅན་དམྱལ་བ་ཡང་སོས་དང་། ཐིག་ནག་དང་། འདུས་འཇོམས་དང་། ངུ་འབོད་དང་། ངུ་འབོད་ཆེན་པོ་དང་། ཚ་བ་དང་། རབ་ཏུ་ཚ་བ་དང་། མནར་མེད་པ་དང་། ཆུ་བུར་ཅན་དང་། ཆུ་བུར་རྡོལ་དང་། སོ་ཐམས་ཐམས་
D343.075.0011a06.01དང་། ཀྱི་ཧུད་ཟེར་དང་། ཨ་ཆུ་ཟེར་དང་། ཨུད་པལ་ལྟར་གས་པ་དང་། པད་མ་ལྟར་གས་པ་དང་། པད་མ་ལྟར་གས་པ་ཆེན་པོར་སོང་ནས་ཚ་བའི་སེམས་ཅན་དམྱལ་བ་གང་ཡིན་པ་དེ་དག་ཏུ་ནི་བསིལ་བར་གྱུར་ཏེ་འབབ་བོ། གྲང་བའི་སེམས་ཅན་དམྱལ་བ་གང་ཡིན་པ་དེ་དག་ཏུ་ནི་དྲོ་བར་
D343.075.0011a07.01