完整藏文原文 · 德格版页 当前仅加载第 75 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་ཁྱེའུ་མཛེས་ལྡན་བལྟ་བའི་ཕྱིར་འོང་བར་འདོད་ཀྱིས། ཁྱེད་ཀྱིས་བྱ་བའམ་བཤམ་པ་གང་ཡིན་པ་དེ་གྱིས་ཤིག་ཅེས་སྤྲིང་ངོ་། །དེ་ནས་སྐྱེ་བོ་ཕལ་པོ་ཆེ་སྐྲག་སྟེ། གལ་ཏེ་རྒྱལ་པོ་དམག་གི་དཔུང་ཆེན་པོ་དང་འདིར་འོངས་སུ་ཟིན་ན་གནོད་པ་ཆེན་པོ་ཞིག་ཏུ་མི་འགྱུར་རམ་སྙམ་མོ། །
D343.075.0285b01.01དེ་ནས་ཁྱེའུ་དེའི་བཞོན་པ་བཟང་པོ་བཤམས་ཏེ་སྐྱེས་སུ་མུ་ཏིག་གི་དོ་ཤལ་འབུམ་བརྫངས་ནས་རྒྱལ་པོ་མྱ་ངན་མེད་ཀྱི་ཐད་དུ་བཏང་སྟེ། དེ་མཐར་གྱིས་སོང་སོང་བ་དང་། གྲོང་ཁྱེར་པ་ཏྲ་ལིའི་བུར་ཕྱིན་ནས་མུ་ཏིག་གི་དོ་ཤལ་འབུམ་ཁྱེར་ཏེ་རྒྱལ་པོ་མྱ་ངན་མེད་ཀྱི་ཐད་དུ་ཕྱིན་ཏོ། །དེ་ནས་རྒྱལ་
D343.075.0285b02.01པོ་མྱ་ངན་མེད་ཀྱིས་ཁྱེའུ་མཛེས་ལྡན་གྱི་བྱད་གཟུགས་མཛེས་པ་དང་ཁ་དོག་རྒྱས་པ་དང་། ལྷའི་རྫིང་བུ་དང་། སྐྱེད་མོས་ཚལ་མཐོང་ནས། མཐོང་མ་ཐག་ཏུ་མཆོག་ཏུ་ཡ་མཚན་དུ་གྱུར་ཏོ། །དེ་ནས་རྒྱལ་པོ་མྱ་ངན་མེད་ཀྱིས་གནས་བརྟན་ཉེ་བར་སྲུང་ལ་ཡ་མཚན་དུ་བསྟན་པའི་
D343.075.0285b03.01ཕྱིར་ཁྱེའུ་མཛེས་ལྡན་ཁྲིད་དེ་ཁྱིམ་བྱའི་ཀུན་དགའི་ར་བར་སོང་ངོ་། །ཀུན་དགའི་ར་བ་དེ་ན་དགྲ་བཅོམ་པ་ཉེ་བར་སྲུང་ལ་སོགས་པ་ཁྲི་བརྒྱད་སྟོང་གནས་སོ། །སློབ་པ་དང་། སོ་སོའི་སྐྱེ་བོ་དགེ་བ་ནི་དེའི་ཉིས་འགྱུར་དུ་གནས་སོ། །དེ་ནས་དེས་གནས་བརྟན་གྱི་རྐང་པ་ལ་ཕྱག་འཚལ་ནས་
D343.075.0285b04.01ཆོས་མཉན་པའི་ཕྱིར་མདུན་དུ་འདུག་གོ། །གནས་བརྟན་ཉེ་བར་སྲུང་གིས་ཀྱང་དེ་ལ་ཆོས་བསྟན་ཏོ། །ཁྱེའུ་དེ་ཡང་རྒྱུད་ཡོངས་སུ་སྨིན་པ་ཞིག་སྟེ། ཆོས་ཐོས་ནས་རབ་ཏུ་འབྱུང་འདོད་པར་གྱུར་ཏེ། དེས་རྒྱལ་པོ་མྱ་ངན་མེད་ལ་གསོལ་ནས་གནས་བརྟན་ཉེ་བར་སྲུང་གི་ཐད་དུ་རབ་ཏུ་བྱུང་
D343.075.0285b05.01སྟེ། དེས་སྦྱོར་བ་དང་བསྒྲུབ་པ་དང་། འབད་པས་ཕོལ་མིག་ལྔ་པའི་འཁོར་བའི་འཁོར་ལོ་འདི་ཉིད་གཡོ་ཞིང་མི་བརྟན་པར་རིག་ནས་འདུ་བྱེད་ཀྱི་རྣམ་པ་ཐམས་ཅད་སྙིལ་བ་དང་། ལྟུང་བ་དང་། རྣམ་པར་འཐོར་བ་དང་། རྣམ་པར་འཇིག་པའི་ཆོས་ཅན་ཡིན་པར་རྩད་ཆོད་དེ། ཉོན་མོངས་པ་
D343.075.0285b06.01ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས་ཏེ། དགྲ་བཅོམ་པ་ཁམས་གསུམ་པའི་འདོད་ཆགས་དང་བྲལ་བར་གྱུར་ནས་གསེར་དང་བོང་བར་མཉམ་པ། ནམ་མཁའ་དང་ལག་མཐིལ་དུ་འདྲ་བའི་སེམས་དང་ལྡན་པ། ཙན་དན་སྦངས་པ་ལྟ་བུར་བསིལ་བར་གྱུར་པ། རིག་པས་སྒོ་ངའི་
D343.075.0285b07.01